प्रकाश 10:1 - चेपाङ

¹ ओहाङःसैको यात्‌चाक् अरु ताङ्‌ह्ओ ल्‍होक्ओमयः लाङ्‌कासै ग्‍ल्‍युङ्‌ह्ओ च्‍यवःआलाङः। ओउःपाय् मुस्इलेः क्रमःओ खेःतो। तालाङ्‌हाङः यो मुतो ओउःकोः खेन्‌पाय् न्‍याम्‌लो लेखा थोङ्‌तो दोम्‌पाय् म्‍हेः ल्‍युङ्ओ धुर्‌कुनःसीङःलो लेखा खेःतो।

प्रकाश 10:1 Iomraidhean Croise

मत्ती 17:2

ओहाङः लनःआक्‌तीको येसुकोः रुप् ल्‍हेस्‌ती थाङ्‌ती ओउःकोः खेन्‌पाय् न्‍याम्‌लो लेखा थोङ्आ ओउःकोः नाय् आन भाम् फीर्‌लीक् त छोओ खेःतो।

लुका 21:27

ओहाङःसैको ओउःत हायःआक्‌तीको ओउः मान्‍ताकोः चोःत तोओ आन ग्‍वम् दोःती आन पेतो अङ्‌ग थङ्‌गत एङःसीःतो थोङ्‌तीमा मुस्‌हाङः वाङ्‌सा च्‍यवःनाः।

खबरदुत 26:13

ओहाङःसैको राजाय तोकोतोय्‍ह् न्‍याम् स्‍याव्‌ती ङा साथीकुस् ल्‍याम्‌हाङः वाह्‌तोक्‌हाङः फेल्‌बाङ्‌सै ङीकःताङ् न्‍याम्‌सै झोर्‌तो थोङ्ओ स्‍याव्आ। ओउःत झ्‍यान्‍ते ङी साःताङ् खुम्‌ती प्‍लातो स्‍याव्आलाङी।

प्रकाश 1:7

लौ ओउःपाय् मुस्‌हाङःलेः वाङ्‌धै मुलेःनाः। ओउः बेलाहाङःपाय् ओउःकायः सबैइ च्‍यवःसा खाय्‌नानी। ओउःकायः ह्रोङ्‌ह्‌ती सात्ओलम्इमा ओउःकायः च्‍यवःलेःनानी ओहाङःसैको ल्‍हाव्‍ह्‌दैबाङ्‌कोः मान्‍तालम्‌पाय् सबैइ ओउःकायः क्रेस्‌लेःनानी। माः है ओउःतलेः स्‍याव्‌पाः दा।

प्रकाश 18:1

ओहाङःसैको ङाइ यात्‌चाक् अरु ताङ्‌ह्ओ ल्‍होक्ओमयः लाङ्‌कासै ग्‍ल्‍युङ्‌ह्ओ च्‍यवःआलाङः। ओउःपाय् आन ग्‍वम् नाःओ खेःतो आन पेओ अङ्‌ग थङ्‌ग त थोङ्‌ती झ्‍यान्‍ते ओउःइपाय् ल्‍हाव्‍ह्‌दैबाङ्‌कायः सबै हवःआकान्।

प्रकाश 18:21

ओहाङःसैको यात्‌चाक् ताङ्‌ह्ओ ल्‍होक्ओमयः ताङ्‌ह्ओ ग्रायःबाङ्‌च्‍युक् लीःओ बाङ् च्‍युन्‌ती द्युम्‌मालो तीःहाङः तोस्‌ती वाय्‌ती “लौ इतलेः ओउः ताङ्‌ह्ओ बाबीलोन् त तोओ सहर्‌पाय् तोस्‌ती वाय्‌लेःनाः। वाय्आक्‌तीको ओउःपाय् जुगाङ् म्‍हीत्‌लेःनाः” त दाय्‍ह्‌ती दाय्‍ह्आ।

प्रकाश 20:1

ओहाङःसैको यात्‌चाक् लाङ्‌कासै ग्‍ल्‍युङ्‌ह्ओ ल्‍होक्ओमयः च्‍यवःआलाङः। ओउःइपाय् क्रुत्‌हाङः कामःअ नालाकोः सान्‍चोमा ताङ्‌ह्ओ साङ्‌लामा लात्ओ खेःतो।

प्रकाश 4:3

ओउःकोः रुप्‌पाय् आन पेओ भाम्ओमा दुतो लीक्ओ मनी बाङ्‌लो लेखा खेःतो। ओउः थाव् वेङ्‌ह्‌ग चीङ्‌ह्‌गहाङः प्‍लीओ योलो लेखा खेःतो।

प्रकाश 5:2

ओहाङःसैको यात्‌चाक् ताङ्‌ह्ओ ल्‍होक्ओमयःकायः च्‍यवःआलाङः “लौ छाप् तेत्‌ती इ कागत् खीह्‌ती फास्‌साकायः सुखेलो ज्‍योलेःनाः” त दाय्‍ह्‌ती ओउः ल्‍होक्ओमयः सोतोलेः व्‍हत्आकान्।

प्रकाश 8:13

ओहाङःसैको ङाइ योतोक्‌हाङः अलवःहाङः स्‍युङ्ओ मुवाः सोतोलेः गोःओ सायःआलाङः “रेव्‌तोलेः रेव्‌तोलेः रेव्‌तोलेः स्‍याव्‌नाः। ओउः अरु सुम् ल्‍होक्ओमयःइ तुरही मुत्ओ बेलाहाङः ल्‍हाव्‍ह्‌दैबाङ्‌कोः सबै मान्‍तालम्‌कायः गुच्‍युक् रेव्‌तो स्‍याव्‌लेःनाः” त दाय्‍ह्‌ती ओउः मुवाः दाय्‍ह्अ।