प्रकाश 1:8 - चेपाङ8 “लौ ङापाय् सबैसै ङ्हामा लेःआः ङ। ङापाय् सबैसै लोनेःमा लेःआः ङ” त दाय्ह्ती ओउः ग्वम् नाःओ प्रभु परमेस्वर् दाय्ह्नाः। ओउःपाय् द्याह्लेः मुनाः ङ्हामा खेःलेःतो लोनेःमा वाङ्सा खेःलेःनाः। Faic an caibideil |
प्रकाश 1:8
29 Iomraidhean Croise
इ कुरा ङा युहना त तोओइ असीया अन्चल्हाङः मुओ सात् थाव्कोः ङ्हाम्ओलम्कायः लेखनाङः। लौ परमेस्वर्पाय् द्याह्लेः मुनाः ङ्हामा खेःलेःतो लोनेःमा वाङ्सा खेःलेःनाः। ओउः गलकायःमा मुओ परमेस्वर्इमा ओउःकोः राजालो च्युङःती मुओ थाव्कोः ङ्हासै मुओ सात्गोता ग्वालामःलम्इमा नीङ्कायः योनःती योती ल्हुङ् धोमाय्ताक्तेःपै।
ओउः ङ्हा वाह्ओचाक्कोः म्होतोङ्सै व्हानःओ तरवाल् ग्ल्युङ्ह्ओ खेःतो ओउः तरवाल्इ ओउःइ जात् जात्लम्कायः क्लीमःती जुगाङ् जोक्ओ ल्हुङ्इ ओउःइ राजालो लेखा हुकुम् बयःनाःथास। सुसुकः ओउः ग्वम् नाःओ परमेस्वर्पाय् आन ल्हुङ् मल्ह्तो स्याव्नै ओउःमयःकायः ओउः ङ्हा वाह्ओचाक्इ न्युम्ह्ताक्नाःथास।
ओउःमयःपाय् छगोता पाप् नाःओलेः खेःइतो आङ्गन् नाःतो मीक् खेःतो बाहीरमा भीत्रमा मीक् खेःइतो। न्हीदीङ्मा याह्दीङ्मा गलकायःमा ओउःमयः परमेस्वर्कायः मनःती मुइतो “लौ सबैसै ग्वम् नाःओ प्रभु परमेस्वर्पाय् छय्ङ्ओलेः छय्ङ्ओलेः छय्ङ्ओ लेःआः बा। ओउःपाय् ङ्हालेः खेःतो द्याह्मा मुलेःनाः लोनेःमा वाङ्सा खेःलेःनाः” त दाय्ह्ती मेधै मुनै।
Sanasan