प्रकाश 1:1 - चेपाङ

¹ इपाय् येसु ख्रीस्इ छ्यानःओ कुरा लेःआः। ओउःकोः लयःकोः काम् जाङ्‌ह्ओलम्‌कायः “रेन्‍ह्‌तोलेः वाङ्‌सा खेःओ कुरा दोह्‌लो” त स्‍यान्‌सा थेङा इ कुरा परमेस्‍वर्‌इ येसु ख्रीस्‌कायः बयःआथै। ओहाङःसैको येसुइ लयःकोः काम् जाङ्‌ह्ओ युहनाकायः इ कुरा छ्यानःसा थेङा यात्‌चाक् लाङ्‌कासै ल्‍होक्ओमयः ल्‍होक्आकान्।

प्रकाश 1:1 Iomraidhean Croise

युहना 12:49

ङा लयः नोःओ खेःङल। ङाइ नोःओ कुरा ङ्‌हाहाङःलेः ङाकायः ल्‍होक्ओ आपाइ स्‍यान्‌ती बयःआताङः।

युहना 15:15

द्याह्‌हाङःसै नीङ्‌कायःपाय् ‘नोकरी’ त तोनेःनाङ्‌सल दोह् हायःती दाय्‍ह्‌सा मालीक्इ नोकरीकायः लयःकोः कुरापाय् जुदालेः छ्यानःथाल। नीङ्‌कायः द्याह् ‘क्‍वा’ त तोनेःनाङ्‌स दोह् हायःती दाय्‍ह्‌सा ङाकोः आपाइ छ्यानःओ कुरा ङाइ जुदालेः नीङ्‌कायः ल्‍हाक्‌ती तोनेःआलाङ्‌स।

युहना 17:8

दोह् हायःती दाय्‍ह्‌सा नाङ्इ बयःओ कुरा ङाइ सबै तोआलाङःसु तोआक्‌तीको ओउःमयःइ ङ्‌हाम्‌ती सायःती झ्‍यान्‍ते ङाकायःपाय् ‘आपाकःसै ल्‍होक्ओआः’ तमा ‘ओउःकोः कुरा आपाकोः लेःआः’ तमा द्याह् पेतोलेः चीःनानी।

युहना 3:32

ओउःइ दोह्‌लो च्‍यवःमानौ दोह्‌लो सायःमानौ ओउः कुरालेः ओउःइ छ्यानःती तोनौ। तोसापाय् तोलेःनौ ओउःइ तोओ कुरा मान्‍ताइ ङ्‌हाम्‌सा ग्‍याइली।

युहना 8:26

नीङ्‌कायः ङाइ नाःतोलेः तोसामा खेःनाङः नाःतोलेः तय्‌छनःती योसामा खेःनाङः। ङाकायः ल्‍होक्ओइपाय् दोङ् कुरा ह तोती बयःलेःनौ। दोह् दोह् कुरा ङाइ ओउःकःसै सायःनाङः ओउः कुरालेः ङाइ सबै ल्‍हाव्‍ह्‌दैबाङ्‌हाङः मुओलम्‌कायः थोल्‍ह्‌ती तोनाङः” त येसुइ दाय्‍ह्‌ती ओउःकायः ल्‍होक्ओ परमेस्‍वर्‌ आपाकोः कुरा तोथासतो

रोमी 16:25

लौ परमेस्‍वर्‌कायः ताङ्‌ह्‌ताक्‌पाःथै। ओउःइपाय् नीङ्‌कायः ग्रमःत ङ्‌हाम्‌ताक्‌सा खाय्‌तेःनै। येसु ख्रीस्‌कोः पेओ नोःराय् थोल्‍ह्‌ती तोतोक्‌हाङःमा ओउःतलेःमा तोआलाङः। ओउः उय्‍ह्‌लेहाङःसै आन ज्‍याङःतोकायः छ्यानःआक्‌मालो कुरा छ्यानःतोक्‌हाङः ओउःतलेःमा छ्यानःओ लेःआः।

गालाती 1:12

ओउः पेओ समचार्‌ मान्‍ताकःसै दोःओ खेःल मान्‍तापाय् सुखेइमा स्‍यान्‌ताङःल येसु ख्रीस्इलेः ह छ्यानःआताङः।

एफेसस् 3:3

परमेस्‍वर्‌इ लयःकोः ल्‍हुङ्‌हाङः रय्‍ह्ओ अरुइ चीःमालो कुरापाय् ङाकायः छ्यान्‍ह्आताङः। इत ङाइ ङ्‌हाहाङः बल लेखनेःआलाङ्‌स।

तीतस् 1:1

इ चेती ङा पावुल्इ ङाकुस् दोङ् पेतो ङ्‌हाम्ओ हौ तीतस्‌कायः लेखती ल्‍होक्‌नेःनाङ्। ङाकायःपाय् परमेस्‍वर्‌कोः काम् जाङ्‌ह्‌साकायः येसु ख्रीस्इ छ्युङ्‌ह्‌ती ल्‍होक्आताङः। ओउःइ छीह्ओ मान्‍तालम्‌कायः पेतो ङ्‌हाम्‌ताक्‌साकायःमा ओउःकोः दोङ् कुरा पेतो चीःती वाह्‌ताक्‌साकायःमा परमेस्‍वर्‌इ छ्युङ्‌ह्आताङः। लोने दोःसा गलमा वाय्‌मालो रौ जीङःकायः ङीइ झाह्‌तीलेः ल्‍युङ्‌ह्‌ती मुनाङी। इ रौ जीङःकोः कुरापाय् ओउः गलमा माःताक्‌मालो परमेस्‍वर्‌इ उय्‍ह्‌लेहाङःसै ङीकायः तोती गम्ओ लेःआः। ओउःइपाय् लयःकोः क्रोःओ बेलाहाङः ओउः कुराकोः नोःराय् छ्यानःआकान्। ओहाङःसैको ओउः नोःराय्‌पाय् थोल्‍ह्‌ती तोसाकायः ङीकायः दल्‌ताक्‌सा परमेस्‍वर्‌इपाय् ङाकायःलेः बयःती ल्‍होक्आताङः। लौ तीतस्‌य ङीकोः परमेस्‍वर्‌ आपाइमा ङीकायः दल्‌ताक्‌सा येसु ख्रीस्इमा नाङ्‌कायः योनःती योती ल्‍हुङ् धोमाय्‌ताक्‌तेःपाः।

प्रकाश 1:19

ओउःत दाय्‍ह्‌ती “लौ उया नाङ्इ द्याह् च्‍यवःओ कुरामा ङ्‌हा च्‍यवःओ कुरामा लोनेः च्‍यवःसा कुरामा लेखउ दा।

प्रकाश 1:9

ङापाय् युहना त तोओलेः नीङ्‌कोः पुः स्‍याव्‌ती ङाइ नीङ्‌कुस् येसुकायः लीह्‌सीःओ गोरःमानाङः नीङ्‌कुस्‌लेः ओउःकोः राजीहाङः मुमानाङः ओउः वाङ्‌साकायः ल्‍युङ्‌ह्‌तीलेः मुमानाङः। परमेस्‍वर्‌कोः नोःराय्‌मा येसुइ छ्यानःओ कुरामा थोल्‍ह्‌ती तोती झ्‍यान्‍ते ङापाय् पात्‍मोस् त तोओ तीःइ तोङःती गम्ओ देस्‌हाङः थुनतीलेः मुनाङः।

प्रकाश 17:1

ओहाङःसैको यात्‌ज्‍योः माना लात्ओ ल्‍होक्ओमयःकोः ङाकःताङ् वाङ्‌ती “लौ ङाकुस् वाङ्अ ओउः आन पेमालो ल्‍हास्‍या मोमःचोः गत हायःती न्‍युम्‍ह्‌ताक्‌तोलेः स्‍याव्‌नाः त ङाइ छ्यानःनेःनाङ्। ओउःपाय् नाःतो तीः खोलालम्‌कोः चीनःसै मुओ सहर्‌ लेःआः।

प्रकाश 19:10

ओउःत सायःआक्‌तीको ङाइ ओउःकायः मानसाकायः ओउःकोः दोम्‌हाङः बाःती स्‍यवखयःङोतो “इत हायःलाम्। नाङ्‌कुस्‌मा नाङ्‌कोः येसुइ छ्यानःओ दोङ् कुराकायः ङ्‌हाम्ओ पुःचोङ् हौचोङ्‌लम्‌कुस्‌मा ङा परमेस्‍वर्‌कोः काम् जाङ्‌ह्ओचाक् लेःआः ङ। परमेस्‍वर्‌कायःलेः मानउ दा” त दाय्‍ह्‌ती तोआताङः। दोह् हायःती दाय्‍ह्‌सा येसुइ छ्यानःओ दोङ् कुरामा अरु परमेस्‍वर्‌कोः कुरा छ्यानःओलम्इ तोओ कुरामा यातैज्‍योः लेःआः बा।

प्रकाश 19:9

ओहाङःसैको ओउः ल्‍होक्ओमयः ङाकायः तोती “लौ ‘ओउः भेदाकोः चोःकोः बीहा भोस्‌हाङः गोत्ओलम्‌पाय् चोङाय्‌तोलेः स्‍याव्‌नै’ त दाय्‍ह्ओ लेखउ दा” त दाय्‍ह्‌ती ओउःइ ङाकायः तोआताङः “माः है ओउःपाय् परमेस्‍वर्‌इ नोःओ दोङ् कुरा लेःआः बा” तमा ओउः ल्‍होक्ओमयःइ दाय्‍ह्‌ती तोआताङः।

प्रकाश 21:2

ओहाङःसैको ओउः पेओ छय्‍ङ्ओ नया यरुसालेम् त तोओ सहर्‌ लाङ्‌काहाङः मुओ परमेस्‍वर्‌सै ग्‍ल्‍युङ्‌ह्‌ती वाङ्ओमा च्‍यवःआलाङः। ओउः सहर्‌पाय् देङीलो भाव्इ वानःसा खेःओ आन पेओ नाय्‌लम् लावओ सायःलम् लीक्ओ कमालो लेखालेः खेःतो।

प्रकाश 21:9

ओहाङःसैको ओउः सात्‌गोता मानाहाङः महामारी लात्ओ ल्‍होक्ओमयःकोः यात्‌चाक् ङाकःताङ् वाङ्‌ती “लौ वाङ्अ दा ङाइ ओउः भेदाकोः चोः त तोओकोः कमा छ्यानःनेःनाङ्” त दाय्‍ह्‌ती तोआताङः।

प्रकाश 22:1

ओहाङःसैको ओउः ल्‍होक्ओमयःइ ओउः जीङः बयःसा तीः खोला छ्यानःआताङः। ओउः तीःपाय् आन पेओ छेर्‌लीङ्‌त प्‍लीङ्‌ह्‌ती झेल्ओ तीःलेः खेःतो। परमेस्‍वर्‌कोःमा ओउः भेदाकोः चोःकोःमा च्‍युङःती मुओ थाव्‌सै ओउः तीः ग्‍ल्‍युङ्‌ह्‌ती वाङ्‌ती

प्रकाश 22:16

“लौ इ कुरा सबै ङ्‌हाम्ओलम् छ्यानःती तोसा थेङा ङा येसुइ ङाकोः ल्‍होक्ओमयःकायः नीङ्‌कःताङ् ल्‍होक्आलाङः। ङापाय् दावुद्‌कोः होह्र्कोः तुङःलेः ओउः बीहान प्रीमा च्‍योक्‌ती थाओ थोङ्ओ कार्‌ लेःआः ङ” त दाय्‍ह्‌ती ओउःपाय् दाय्‍ह्आ।

प्रकाश 22:6

ओहाङःसैको “लौ इ कुरापाय् दोङ् ङ्‌हाम्‌सीःओ कुरा लेःआः। ओउःकोः कुरा छ्यानःओलम्‌कायः लयःकोः ग्‍वालामः बयःताक्‌सा परमेस्‍वर्‌इपाय् देङी स्‍याव्‌सा कुरालेः लयःकोः काम् जाङ्‌ह्ओलम्‌कायः छ्यानःलेःनौ। ओउःत हायःसाकायः ओउःइ लयःकोः ल्‍होक्ओमयः ल्‍होक्आकान्” त दाय्‍ह्‌ती ओउः ल्‍होक्ओमयःइ तोआताङः।

प्रकाश 22:8

इ कुरापाय् ङा युहना त तोओइ सबै सायःमाआलाङः च्‍यवःमाआलाङः। ओहाङःसैको सायःआक्‌तीकोमा च्‍यवःआक्‌तीकोमा इ कुरा छ्यानःओ ल्‍होक्ओमयःकोः दोम्‌हाङः बाःती ओउःकायः मानसा बोङःङोतो

प्रकाश 22:9

“एत हायःलाम् ङापाय् नाङ्‌कुस्‌मा नाङ्‌कोः परमेस्‍वर्‌कोः कुरा छ्यानःओ पुःचोङ्‌कुस्‌मा इ कीताप्‌हाङःकोः कुरा ग्‍याती जाङ्‌ह्ओलम्‌कुस्‌मा परमेस्‍वर्‌कोः काम् जाङ्‌ह्ओचाक् लेःआः ङ। परमेस्‍वर्‌कायः मानउ” त दाय्‍ह्‌ती ओउःइ तोआताङः।

प्रकाश 4:1

ओहाङःसैको ङाकायः ओउःत तोआक्‌तीको ङाइ फेरीलेः माङःखाहाङः योती त्‍यावःअ लाङ्‌काहाङः फोल्ओ धोका च्‍यवःआलाङः। ओहाङःसैको ङाइ ङ्‌हा सायःओ तुरहीलो लेखा सोतो हाव्‌नयः फेरीलेः दाय्‍ह्‌ती “लौ इहाङः त्‍यावःअ लन्‍ह्‌ती वाङ्अ ओहाङःसै ङाइ लोनेः स्‍याव्‌सा कुरा छ्यानःनेःनाङ्” त दाय्‍ह्‌ती तोआताङः।

प्रकाश 5:7

ओउः भेदा मेत्‌छ्याःकोः चोःपाय् वाङ्‌ती ओउः कागत्‌कोः थुरीलेः राजाकोः थाव्‌हाङः च्‍युङःओ चाक्‌कोः ङोय् क्रुत्‌सै त्‍याक्आकान्।