Biblia Todo Logo
Bìoball air-loidhne

- Sanasan -




फीलीपी 3:2 - चेपाङ

2 ओउः पेमालो स्‍याल्‌लो लेखा स्‍याव्ओ मान्‍तालम्‌कः घीःती मुन दा। ओउःमयःइपाय् आन पेमालो हायःती “यहुदीलम्‌कोः चीन्‍ह जाङ्‌ह्‌सा खेःतो” दाय्‍ह्‌ती लयःकोः आङ्‌लम् तात्‌नाःइसी।

Faic an caibideil Dèan lethbhreac




फीलीपी 3:2
31 Iomraidhean Croise  

ओउःत झ्‍यान्‍ते नाःतो ङ्‌हाम्ओ मान्‍तालम्इ ङाकायः फेनाःताङः लःलयःमयःकः ल्‍हुङ् जीक्‌तो स्‍याव्‌ती लयःमयःकायः सात्‌लाङ् दाक्‌नानी।


सु ना सु मान्‍तालम्इ ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त दाय्‍ह्‌ती माःतीलेः तोती वाङ्‌नै ओउःखेकायः पेतो योती धय्‌ती मुन ओउःमयःकायः योओ सायःओ बेलाहाङः ‘इ मान्‍तापाय् पेओलेः’ त ताःसीःनाः यादो खेःल ओउःमयःकोः ल्‍हुङ्‌तुक् जुगाङ् पेल।


प्‍याक्‌कायः मान्‍तालम्इ पेओ चीस्‌लम् बयःनीली उया ओउः चीस्‌पाय् प्‍याक्इ झोतीलेः वाय्‌नानी। ओउःलो लेखालेः परमेस्‍वर्‌कोः छय्‍ङ्‌तो कुरा रेव्‌तो मान्‍तालम्‌कायः बयःलाम् उया ओउः कुरापाय् दोह्‌मा म्‍हर्‌माःत नीङ्‌कायः लीह्‌सीःओ द्यान्‍ह्‌ती पाय्‍क्‌तेःनै।


दोङ् यहुदी मान्‍ता स्‍याव्‌साकायः लयःकोः आङ्‌हाङःलेः जवसा पुन् तात्ओ काम् जाङ्‌ह्‌सा खेःल


ओउः मान्‍तालम्‌पाय् ख्रीस्‌कोः दोङ् छ्युङ्‌ह्‌ती ल्‍होक्ओमयः खेःइली ओउःमयः माःती “ङीकायःपाय् ख्रीस्इ छ्युङ्‌ह्‌ती ल्‍होक्आताङी ओउःकोः काम् जाङ्‌ह्‌नाङःसु” त तोती ख्रीस्‌कोः छ्युङ्‌ह्ओमयःलो लेखा थाङ्‌ताक्‌नाःइसी।


लौ पुःचोङ् हौचोङ्‌य ओउः ऐन् जाङ्‌ह्ओ फेसाकायः परमेस्‍वर्‌इ गोत्‌तेःआकाय्। ओहाङःसैको ओउः ऐन् फेसापाय् फेताक्‌तेःआकाय् ओउःत स्‍याव्आक्‌तीको लयःकोः ल्‍हुङ्‌कोः पेमालो मोह्‌हाय्ओ कुरा जाङ्‌ह्‌माःत अरुकायः राप्‌ती पेओ काम् जाङ्‌ह्‌नु दा।


ओउःत हायःसा ग्‍यातेःइली त खेःया कुयःलो लेखालेः नीङ् लःलयःकुस् कायःकाय्‌ती मीन्‍ह्‌काय्‌तीतेः मुतेःनै। लौ घीःतीलेः मुन उया जुगाङ्‌लेः वाय्‌तोतेः स्‍याव्‌तेःनै।


येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।


ओउःमयः लोने जुगाङ् वाय्‌तोलेः स्‍याव्‌नै दोह् हायःती दाय्‍ह्‌सा ओउःमयःखेइ जेःक्राक् स्‍याव्‌ती जेःगालम् अरु थोक्‌लम् द्यव्‌तालो लेखालेः ताङ्‌ह्‌ताक्‌मानानी। रास्‌सीःओ कुरा झाक्‌तीमा ल्‍हाव्‍ह्‌दैबाङ्‌कोः कुरा ह क्‍युताक्‌सा बोङःमानानी।


ओउःतलेः हायःइसीतो ओउःमयःखे खेःल ङीखे परमेस्‍वर्‌कोः मान्‍तालम्‌कोः दोङ् चीन्‍हलेः दोःआतय्‍ही दोह् हायःती दाय्‍ह्‌सा ङीइलेः परमेस्‍वर्‌सै ओउःकोः ग्‍वालामः दोःती ओउःकायः पेतो ताङ्‌ह्‌ताक्‌नाःतय्‍ह्‌नी। येसु ख्रीस्‌सै रौ जीङः दोःती ङीलेः चोङाय्‌ती मुनाःतय्‍ही। ङीपाय् मान्‍तालम्इ जवओ कुराकायः ङ्‌हाम्‌तय्‍ह्‌नीली।


“ङीइ परमेस्‍वर्‌कायः तय्‍ह्‌नाङःसु” त दाय्‍ह्‌ती ओउःमयःइ नोःनीतो पेमालो काम् जाङ्‌ह्‌नानी त झ्‍यान्‍ते “परमेस्‍वर्‌कायः तय्‍ह्‌नीली” त सबैकायः छ्यानःओ लेःआः। ओउःमयःपाय् अह्र्सीःओमा ल्‍हुङ् चाक्ओमा मुलेःनै पेओ काम् दोह्‌मा जाङ्‌ह्‌सा खाय्‌नीली।


“कुयःइलेः लयः हास्ओकःताङ् जेःलाङ् द्यान्‍ह्‌नाः” फेरी “जेस्आक्‌तीको प्‍याक्‌लेः हीलोताङ् द्यान्‍ह्‌ती लाःती वाह्‌नाः” त मान्‍ताइ जवती तोओ कुरा मुनाः। ओउः पेमालो कुरा द्यान्‍ह्‌ती हायःओलम्‌पाय् ओउः कुयःमा प्‍याक्‌लो लेखालेः स्‍याव्‌नाः बा दोह् हायःती दाय्‍ह्‌सा ओउःमयः लोने न्‍हाङ्‌तोलेः पेमालो स्‍याव्‌नै।


दोह् हायःती दाय्‍ह्‌सा यात् नीस् परमेस्‍वर्‌कोः कुरा ग्‍यामालोलम् नीङ्‌कःहाङः अरुइ चीःमाःत वाङ्आकाय्। ओउःमयःइपाय् परमेस्‍वर्‌इ योनःती योओ कुरा ङोय्‍ह्‌तोलेः स्‍यान्‌ती “लौ ङीइ ङ्‌हाम्ओलम्‌कायः द्याह् सबै काम् जाङ्‌ह्‌सा स्‍याव्‌नाः दोह्‌मा रेव्ओलेः खेःल” त माःती ल्‍हास्‍या काम् जाङ्‌ह्‌साकायः तोनानी। एत हायःती ङीकोः यातैज्‍योः प्रभुमा मालीक्‌मा येसु ख्रीस्‌कः झाक्‌माःत मुनै। ओउः खाल्‌कोः मान्‍तालम्‌कायः “न्‍युम्‍ह्‌तोलेः स्‍याव्‌नै” त दाय्‍ह्ओ उय्‍ह्‌लेहाङःसै आखरःहाङः लेखओआः बा।


नाङ्इ दोह् दोह् लीह्‌सीःओ गोरःओतेःआः ओउःमा चीःलेःनेःनाङ्। नाङ्‌पाय् ह्र्यात् खेःतेःनाः तमा ङाइ चीःलेःनेःनाङ्। ह्र्यात् खेःसापाय् खेःतेःनाः दोङ्‌सीलेः नाङ्‌पाय् नाःतो नाःओचाक्‌तेः खेःतेःनाः बा। अरुलम्इ नाङ्‌कायः माःती तोओ गाल्‌तुम्‌सा बोङःओ कुरामा चीःलेःनाङः। ओउःत माःती तोओलम्‌पाय् “यहुदीलम् खेःनाङी” त दाय्‍ह्‌ती नोःनीतो ओउःमयःपाय् दोङ् यहुदीलम् खेःइली सैतान्इ थनःताक्ओ मान्‍तालम् लेःआः इ।


ओउःमयःखे ओउःतलेः स्‍याव्‌नै सुसुखे परमेस्‍वर्‌कोः काम् जाङ्‌ह्‌साकायः रैओ ल्‍हुङ् नाःओ मुलेःनै सुसुखे ङ्‌हाम्ओकायः फेओ मुनै सुसुखे आन क्रीसीःओ काम्‌लम् जाङ्‌ह्ओलेः मान्‍ता सात्ओलेः ल्‍हास्‍या काम् जाङ्‌ह्ओलेः मुनै सुसुखे झ्‍याओमा मुर्‌तीकायः मानओ काम् जाङ्‌ह्ओ लेःआः माःती तोओ लेःआः ओउःमयः सबै ओउः म्‍हेः ल्‍युङ्ओ गन्‌धक् नाःओ दुम्‌हान्‌हाङः न्‍युम्‍ह्‌तोलेः स्‍याव्‌नै ओउःत स्‍याव्ओलम्‌पाय् ‘फेरीलेः सीआ’ त तोओ लेःआः”


ओउःमयःखे पोक्‌सा दोःइतो सबै जुगाङ् रेव्‌तो जाङ्‌ह्ओलम्‌मा ल्‍हास्‍या जाङ्‌ह्ओलम्‌मा झ्‍याती जाङ्‌ह्ओलम्‌मा मान्‍ता सात्ओलम्‌मा मुर्‌ती मानओलम्‌मा माःती तोसा जाङ्‌ह्‌सा झाक्ओलम्‌मा ओउःमयःखे सहर्‌ बाहीरताङ् मुसा परनाः।


यात्‌नीस् मान्‍तालम्इ “ङीपाय् यहुदीलम् खेःनाङी” त लयःकायः माःती तोनाःइसी। ओउःत तोओलम्‌पाय् सैतान्इ थनःताक्आथास। ओउःमयःकायः नाङ्‌कःताङ् घोती स्‍यवलाङ् वाङ्‌ताक्‌लेःनाङःसु। नाङ्‌कायःपाय् “ओउः छय्‍ङ्ओचाक्इ राप्ओ मान्‍ता लेःतेःआः बा” त ओउःमयः लोनेः चीःती घोलेःनै।


Lean sinn:

Sanasan


Sanasan