फीलीपी 1:14 - चेपाङ

¹⁴ ओहाङःसैको एत चीःतीलेः नाःतो ङीकोः प्रभुकायः ङ्‌हाम्ओ पुःचोङ् हौचोङ्‌लम् ल्‍हुङ् घ्‍युम्‌माःत स्‍याव्‌ती ओउःकोः कुरा रैमामाःत फुती तोनानी।

फीलीपी 1:14 Iomraidhean Croise

मर्‌कस् 3:3

ओहाङःसैको ओउः क्रुत् जीक्ओकायः “लौ इहाङः वाङ्अ दा” त दाय्‍ह्‌ती येसुइ तोआकान्।

२ कोरीन्‍थी 3:12

एत ताङ्‌ह्ओ कुरा चीःती झ्‍यान्‍ते ङीखे दोङ्‌ह्‌ती नोःसा ग्‍यानाङी।

२ कोरीन्‍थी 7:4

नीङ्‌कोः कुरापाय् ङाइ ङाःती तोसा खाय्‌नाङः ओउःत झ्‍यान्‍ते ङाकायःतेः आन लुङ्‌तेःनेःनानाङ्‌स। लीह्‌सीःओ बेलाहाङःमा ङाइ नीङ्‌कोः कुरा गीलती ल्‍हुङ् धोमाय्‌तो स्‍याव्‌ती चोङाय्‌तोलेः मुनाङः।

एफेसस् 3:13

ओउःत झ्‍यान्‍ते नीङ्‌कायः ङा लीह्‌सीःओ गोरःनाङः त खेःया “लौ ल्‍हुङ् घ्‍युम्‌तेःचनै” त तोनेःनाङ्‌स। इ लीह्‌सीःओपाय् सबै नीङ्‌कायः पेतो स्‍याव्‌ताक्‌सा थेङालेः गोरःनाङः।

फीलीपी 1:20

“इ आङ्‌हाङः मुतोक्‌हाङः ङा जुगाङ् रैमामाःत ल्‍हुङ् गीःतीलेः ख्रीस्‌कायः ताङ्‌ह्‌ताक्‌पाङः। सीनाःया स्‍याक्‌नाःया गलकायःमा ख्रीस्‌कायः ताङ्‌ह्‌ताक्‌पाङः” त ल्‍हुङ् आसती झाक्‌नाङः बा। ओहाङःसैको ओउःकःहाङः ङा गत खेःयामा रास्‌सा परङल।

फीलीपी 1:7

नीङ्‌कायःपाय् ङाइ गलकायःमा झाह्‌ती मुनाङः ओउःत खेःओ इतलेः म्‍हर्‌सा स्‍याव्‌लेःनाः। ङा इहाङः थुनती मुओ बेलाहाङःमा बाहीर पेओ समचार्‌ स्‍यान्ओमा त्‍यानःकाय्‌ती नोःओ बेलाहाङःमा ङाकुस्‌लेः नीङ्‌मा परमेस्‍वर्‌इ पेतो बयःओलेः दोःनाःतय्‍ही।

फीलीपी 4:1

लौ उया ङाइ आन राप्ओ आन झाह्ओ पुःचोङ् हौचोङ्‌य नीङ् पेतो स्‍याव्‌ती झ्‍यान्‍ते ङापाय् आन चोङाय्‌तो आन म्रोतोलेः मुनाङः। ओउःत खेःओ प्रभुकोः काम् फेमाःत ङाइ तोओलो लेखालेः क्रोङ्ओ ल्‍हुङ्इ पेतो जाङ्‌ह्‌धै मुन।

कोलसी 4:4

फेरी “ख्रीस्‌कोः कुरा दोङ्‌ह्‌तोलेः छ्यानःती नोःताक्उ” त दाय्‍ह्‌ती ङाकायः परमेस्‍वर्‌कः तेती तोमानु। ङापाय् एत दोङ्‌ह्‌तीलेः नोःसा खेःनाङः।

कोलसी 4:7

ङा पावुल्‌कायः “गतलो मुनाः” त दाय्‍ह्‌सा ङीकोः आन राप्ओ हौ त्‍युखीकुस् त तोओ नीङ्‌कायः ल्‍होक्‌साकायः ल्‍होक्‌नेःनाङ्‌स। ओउःइपाय् ङीकुस् प्रभुकोः काम् पेतोलेः जाङ्‌ह्‌नौ।

१ थेसलोनिकि 2:2

नीङ्‌कःताङ् वाङ्ओ ङ्‌हासै फीलीपीहाङः आन लीह्‌सीःओमा बयःआताङी हेलामा क्‍लाःआताङी ओउःतमा चीःतेःनानी। एतलेः ङीकायः त्‍याःसा बोङःताङीतो नीङ्‌कःहाङः परमेस्‍वर्‌इ ओउःकोः पेओ समचार्‌ फुती रैमामाःत नोःताक्आताङी।

२ तीमोथी 2:9

ओउः समचार्‌ थोल्‍ह्‌ती तोसा थेङा ङाइ द्याह् लीह्‌सीःओ गोरःसा खेःनाङः। माः रैस पेमालो काम् जाङ्‌ह्ओ मान्‍तालो लेखालेः ङा झ्‍याल्‍खानहाङः साङ्‌लाइ पानःओलेः मुनाङः। ङाखे पानःओलेः मुलेःनाङः परमेस्‍वर्‌कोः नोःराय्‌खेपाय् सुइमा पानःसा खाय्‌नीली थुनसा खाय्‌नीली।