युहना 4:3 - चेपाङ

³ ओहाङःसैको ओउः फरीसी नोःकाय्ओ कुरा चीःआक्‌तीको येसुपाय् यहुदा देस्‌सै फेती फेरी गालील अन्‍चल्‌ताङ् द्यान्‍ह्‌ती वाङ्आकाय्।

युहना 4:3 Iomraidhean Croise

मत्ती 10:23

ओहाङःसै गलखा यात्‌ज्‍योः सहर्‌हाङः मान्‍तालम्इ लीह्‌सीःओ बयःतेःनै त खेःया अरु सहर्‌ताङ् क्रव्‌न। दोङ्‌सी दाय्‍ह्‌भनाङ् मान्‍ताकोः चोः त तोओकोः वाङ्‌माच्‍युक्‌हाङः सबै इस्राएल् देस्‌कोः गाव् सहर्‌ताङ् तोमःती ङाकोः काम् दप्‌सा खाय्‌तेःनीली।

मर्‌कस् 3:7

ओहाङःसैको फरीसीलम्‌खे हेरोद् राजाकोः मान्‍तालम्‌कुस् नोःकाय्आकाय् येसुखे ओउःकुस् वाह्ओमयःमा थनःओ कीम्‌सै ग्‍ल्‍युङ्‌ह्‌ती गालील त तोओ ताङ्‌ह्ओ दुम्‌हान्‌ताङ् आल्आकाय्।

लुका 17:11

ओहाङःसैको यरुसालेम्‌ताङ् आल्‌ती वाह्‌तोक् बेलाहाङः येसुपाय् समारीया गालील नीस् अन्‍चल्‌कोः फाःओहाङः दाह्आकाय्।

युहना 1:43

ओहाङःसैको उनम्‍ह्‌कोः स्‍याङ्‌ह्‌लोहाङः येसुपाय् गालील त तोओ अन्‍चल्‌ताङ् आल्‌सा म्‍हर्‌आ। आल्‌ती ओहाङः दाह्आक्‌तीको फीलीप् त तोओकायः क्रुस्आकान्। क्रुस्आक्‌तीको “लौ ङाकुस् वाह्अ” त दाय्‍ह्‌ती येसुइ तोआकान्।

युहना 10:40

ओउः योर्‌दन् खोलाकोः उःसै त्‍यात्‌ती युहनाइ ङ्‌हासै बाप्‍तीस्‍मा बयःओ थाव्‌हाङः दाह्‌ती वाङ्आकाय्। ओउःहाङः मुतोक्‌हाङः

युहना 11:54

“ङाकायः सात्‌सा बोङःनाःताङः” त येसुइ चीःती यहुदीकोः देस्‌हाङः फुती वाह्‌सा ग्‍याल अरु मान्‍ता याक्‌गार्‌सीःमालो थाव् द्याङ्‌तो वाङ्‌ती इफ्राइम् त तोओ सहर्‌हाङः लयः वाह्ओमयःकुस् मुआकाय्।

युहना 2:11

एत हायःतोक्‌हाङः येसुइ ङ्‌हाकोः ग्‍याङ्‌ह्‌राय् जाङ्‌ह्आकान् गालील अन्‍चल्‌कोः काना त तोओ गाव्‌हाङः। ओहाङः ओउःकोः आन ताङ्‌ह्ओ ग्‍वम् छ्यानःआथास। छ्यानःआक्‌तीको येसुकुस् वाह्ओमयःइ ओउःकायः पेतो ङ्‌हाम्आथै।

युहना 3:22

ओहाङःसैको लोने येसुमा ओउःकुस् वाह्ओमयःमा यहुदा अन्‍चल्‌ताङ् दाह्‌ती वाङ्आकाय्। वाङ्आक्‌तीको येसु ओहाङः बाप्‍तीस्‍मा बयःधै मुओ खेःतो।

युहना 3:32

ओउःइ दोह्‌लो च्‍यवःमानौ दोह्‌लो सायःमानौ ओउः कुरालेः ओउःइ छ्यानःती तोनौ। तोसापाय् तोलेःनौ ओउःइ तोओ कुरा मान्‍ताइ ङ्‌हाम्‌सा ग्‍याइली।

युहना 4:47

“लौ येसु यहुदीयाकःसै इहाङः वाङ्आ” त दाय्‍ह्ओ सायःती ओउः जीक्ओ चोःकोः आपा येसुकःताङ् काःहाल्‌लाङ् वाङ्आ। येसुकःताङ् काःहाल्‌लाङ् वाङ्‌ती “लौ ङाकोः चोः सीखेःआ बा। ओउःकायः स्‍याक्‌ताक्‌लाङ् वाङ्‌चाक्‌ची दै” त तेती तोआथै।

युहना 7:1

ओहाङःसैको एत तोआक्‌तीको येसु गालील अन्‍चल्‌हाङः ब्‍याह्‌ती वाह्आकाय्। यहुदीलम्इ ओउःकायः सात्‌सा बोङःओ खेःइतो ओउःत झ्‍यान्‍ते यहुदीया देस्‌ताङ् आल्‌सा ग्‍याआक्‌ल।