याकुब् 1:5 - चेपाङ

⁵ नीङ्‌कःहाङः यात्‌चाक् ल्‍हुङ् व्‍हाय्‌मालो मुनाः त खेःया ओउःपाय् परमेस्‍वर्‌कः तेती तोसा खेःतो। परमेस्‍वर्‌इ आय्‍ह्ओ खह्र्मालो ल्‍हुङ्इ सबैकायः बयःनौ ओउःत झ्‍यान्‍ते ओउः तेती तोओ कुरामा ओउःइ बयःलेःनौ।

याकुब् 1:5 Iomraidhean Croise

मत्ती 11:20

एत तोआक्‌तीको येसुइ खोराजीन् बेथ्‌सैदा र कफर्‌नाहुम् त तोओ सुम् सहर्‌हाङः मुओ मान्‍तालम्‌कायः जान्आकान् दोह् हायःती दाय्‍ह्‌सा ओउः सुम् सहर्‌हाङः येसुइ आन ताङ्‌ह्ओ ग्‍याङ्‌ह्‌राय्‌लम् जाङ्‌ह्ओ खेःतो ओहाङःकोः मान्‍तालम्इ लःलयःकोः रेव्ओ काम् फेमामाःत येसुकायः ङ्‌हाम्‌नीली।

मर्‌कस् 16:14

फेरी लोन्‍तेसै येसु ओउः एघारजन लयः छ्युङ्‌ह्ओमयःकःताङ् आम्‍ह् जेःओ बेलाहाङः थाआ। थातोक्‌हाङः ओउःमयः ङ्‌हाम्‌मालो चाक्ओ ल्‍हुङ् स्‍याव्‌ती झ्‍यान्‍ते ओउःइ जान्आथास।

युहना 14:13

फेरी दोह्‌लोकायः ङाकोः मय्‍ङ् पेह्‌ती नीङ्इ तेती तोतेःचानाङ्‌स ओउःलेः ङाइ जाङ्‌ह्‌नेःनाङ्‌स ओउःत हायःती ङाकोः आपाकायः ङाइ ताङ्‌ह्‌ताक्‌नाङः।

युहना 15:7

लौ नीङ् ङाकःहाङः मुती ङाकोः कुरा ल्‍हुङ्‌हाङः सेती गम्‌तेःनानी त खेःया दोह् दोह्‌तेः नीङ् लयः झाक्‌ती तेतेःचै ओउःलेः दोःतेःनै।

युहना 4:10

ओहाङःसैको “लौ दीदी परमेस्‍वर्‌इ दोह् बयःसा झाक्‌नाः त नाङ्इ चीःमातेःउलु। ङा तीः तेलाङ् वाङ्ओ सुलो त चीःमातेःउलु नाङ्इ चीःआ त खेःया ङाकः तेतेःचाः खेःतो। ओहाङःसै ङाइ रौ जीङः दोःताक्‌सा तीः बयःजेःचेःनाङ् खेःतो” त दाय्‍ह्‌ती येसुइ तोआकान्।

२ कोरीन्‍थी 2:16

दल्‌सा खेःओलम्‌खेकायः ओउः कुरापाय् जीङःकोः कुरा लेःआः ह्र्योङःती वाय्‌सा खेःओलम्‌खेकायः सीओकोः कुरा लेःआः। एत ताङ्‌ह्ओ कुरापाय् थोल्‍ह्‌ती तोसाकायः सुसुलो त्‍याक्‌चै।

याकुब् 1:17

सबै पेओ कुरा त्‍यावःअसै वाङ्‌नाः ओउः फेल्‌बाङ्‌कोः थोङ्ओलम् जाङ्‌ह्ओ परमेस्‍वर्‌इलेः इ सबै बयःनौ। ओउःपाय् गलकायःमा ल्‍हुङ् क्‍लोय्‍क्‌नाःस र जुगु।

याकुब् 3:17

ओउः त्‍यावःअसै दोःओ व्‍हाय्‌तो चीःओ ल्‍हुङ्‌पाय् नीङ्ओ लेःआः। ओउःत व्‍हाय्‌तोलेः चीःओ ल्‍हुङ् नाःओ मान्‍तापाय् खह्र्ओ काय्‌काय्ओ मान्‍तापाय् खेःल। ओउःपाय् काङ्ओलेः अरुकुस् ब्राङ्‌ती वाह्ओ लेःआः अरुकायः योनःती योओ मान्‍ता लेःआः बा ओउःइ पेओ काम्‌लम् आन जाङ्‌ह्‌नौ। ताङ्‌ह्ओ मान्‍तामा मीओ मान्‍तामा सुकायःमा घार्‌ताक्‌तीलेः योनौ ओउःइपाय् ब्रेह्‌तो लेइ नोःउलु।

याकुब् 5:16

ओउःत झ्‍यान्‍ते लःलयःकायः रेव्ओ काम्‌लम् घोती परमेस्‍वर्‌कायः लःलयःमयःकायः तेती तोनु ओहाङःसैको नीङ् स्‍याक्‌तेःनै। ओजायःत नीङ्ओ मान्‍ताइ परमेस्‍वर्‌कः तेती तोधार्‌नालेः आन पेतो स्‍याव्‌ताक्‌नौ।

१ युहना 3:22

ओहाङःसै ओउःइ झाक्‌ती तोओ कुरापाय् ओउःकायः म्रोताक्‌तीलेः जाङ्‌ह्‌नाःतय्‍ह्‌नी त खेःया दोह्‌लो ङी ओउःकः तेनाःतय्‍ही ओउःलेः दोःनाःतय्‍ही।