एफेसस् 5:2 - चेपाङ2 ख्रीस्इपाय् ङीकायः राप्ती ङीकायः रौ जीङः दोःताक्साकायः सीती लयःकोः जीङःपाय् पेतो सय्ङ्ओ धुप् उलःओलो लेखालेः परमेस्वर्कायः म्रोताक्ती ल्हाआकान्। इतलेः ङीमा राप्ओ ल्हुङ् दोःती गलकायःमा वाह्इ। Faic an caibideil |
एफेसस् 5:2
54 Iomraidhean Croise
ङी रेव्ओ ल्हुङ् नाःओ मान्तालम्कायःपाय् ओउः आय् ऐन्खेइ दल्ताक्सा खाय्उलु ओउःत झ्यान्ते परमेस्वर्इ लयःकोः चोःपाय् मान्तालो लेखा स्याव्साकायः ल्होक्आकान्। ङी रेव्तो हायःओ मान्तालो स्याव्आक्तीको परमेस्वर्कोः चोःइ रेव्ओ काम्लम् क्युम्ह्ती वाय्ताक्साकायः लयःकोः आङ् ल्हाआकास। एतलेः परमेस्वर्इ मान्ताकोः रेव्ओ काम् न्युम्ह्ताक्माआकान्
ओउःत झ्यान्ते ओउः रेव्ओ काम् जाङ्ह्ओ मान्ताकायः ल्होक्सा खेःतो। ओहाङःसैको नीङ् छय्ङ्तोलेः स्याव्तेःनै फताक्ओ ओखोत् कामालो लाङ्लो लेखालेः। नीङ् सबै रेव्ओलेः खेःतेःआक्तेःइली दोह् हायःती दाय्ह्सा च्योल्ओ दीन्कोः ल्हाती सात्सा भेदाकोः चोःलो लेखालेः ङीकायः दल्ताक्ओ ख्रीस्पाय् सात्ओ लेःआः।
लौ परमेस्वर्कायः “च्युता” त तोपाःथै दोह् हायःती दाय्ह्सा परमेस्वर्इ स्याव्ताक्ती झ्यान्ते ङी सैतान्कायः क्लीमःओलम् स्याव्ती ख्रीस्कुस् वाह्नाःतय्ही। म्हय्ङ्तो सय्ङ्ओलम् गाःताङ्मा थुह्ती आल्नाः ओउःलो लेखालेः ओउःकोः कुरा छ्यानःती चीःताक्साकायः परमेस्वर्इ ङीकायः सबै थाव्ताङ् ल्होक्आताङी।
गुच्युक् न्हाङ्तोलेः ख्रीस्कोः वयःइपाय् ङीकोः ल्हुङ्तुक्खे छय्ङ्ताक्सा खाय्नौ बा। ओउः जुगाङ् नीङ्तो ख्रीस्इपाय् परमेस्वर्कोः गलकायः मुओ ग्वालामःकोः ग्वम् दोःती लयःकोः आङ्लेः परमेस्वर्कायः ल्हाआकास। ओहाङःसै ख्रीस्कोः वयःइ ङीकायः आह्रे जवओ काम्लम् फेताक्नाःतय्ही ओउःत हायःती ङीइ ओउः जीङः नाःओ परमेस्वर्कायः काम् जाङ्ह्सा खाय्नाःतय्ह्नी।
ज्युङ्ह्तोलेः वाङ्याकायः त खेःयाकायः ल्हाव्ह्दैबाङ् जाङ्ह्तोक्हाङःसैकोः ख्रीस्पाय् ज्युङ्ह्तोलेः लीह्सीःओ गोरःचाः खेःतो ओउःत हायःओ खेःल। द्याह् इ ल्हाव्ह्दैबाङ् द्युम्खेःओ दीन्लम्हाङः ख्रीस्पाय् सबैकोः रेव्ओ काम्लम् क्युम्ह्ती वाय्साकायः यातै पेन्ह्कायः लयःकोः आङ् ल्हालाङ् वाङ्आ।
ओउः ङ्हाम्सीःओ परमेस्वर्कोः कुरा छ्यानःओचाक् येसु ख्रीस्इमा नीङ्कायः योनःती योती ल्हुङ् धोमाय्ताक्तेःपै। ओउः परमेस्वर्कोः चोः येसुपाय् अरुसै ङ्हालेः सीओसै उह्ती च्योक्माआ ओउःपाय् ल्हाव्ह्दैबाङ्कोः राजालम्सै पुःमानाः। येसु ख्रीस्इपाय् ङीकायः राप्लेःनाःतय्ही ओउःकोः वयः बयःती ङीकोः रेव्झ्याङ्कोः क्युम्ह्ताक्आतय्ही।
Sanasan