एफेसस् 4:6 - चेपाङ

⁶ फेरी सबैकोः परमेस्‍वर्‌ आपामा यातैज्‍योः लेःआः। ओउःपाय् सबैकोः प्रभु लेःआः सबै काम् जाङ्‌ह्‌ताक्‌लेःनौ सबैहाङः मुलेःनाः।

एफेसस् 4:6 Iomraidhean Croise

मत्ती 6:13

ङीकायः सैतान्‌सै दल्‌ताक्‌ती रेव्‌तो जाङ्‌ह्‌साकायः ताक्‌तेःचाःताङी’ त दाय्‍ह्‌ती परमेस्‍वर्‌कायः तोसाआः।

मत्ती 6:9

परमेस्‍वर्‌कायः तोतोक्‌हाङः इलो लेखालेः तोसा स्‍याव्‌नाः दा ‘अ ङीकोः लाङ्‌काहाङः मुओ परमेस्‍वर्‌ आपाय नाङ्‌कोः मय्‍ङ् ताङ्‌ह्ओमा छय्‍ङ्ओमा स्‍याव्‌पाः दा।

युहना 14:23

“लौ सुसुइ ङाकायः राप्‌नाःताङः ओउःइलेः ङाइ तोआ कुरा ग्‍याती जाङ्‌ह्‌नानी। ओउःकायः ङाकोः आपाइ राप्‌ती नीची नीस् आपाचाः ओउःकःताङ् मुलाङ् वाङ्‌नाङःच।

युहना 17:26

ओउःमयःकायः नाङ्‌कोः कुरा ङाइ छ्यानःआलाङःसु लोनेमा छ्यानःलेःनाङःसु। ओहाङःसैको गतलो नाङ्इ ङाकायः राप्‌तेःनाःची ओउःतलेः ओउःमयःकोः राप्ओ ल्‍हुङ् मुपै। ओहाङःसै ङा ओउःमयःकुस् ब्राङ्‌नाङी” त दाय्‍ह्‌ती येसुइ परमेस्‍वर्‌ आपाकः तेती तोआकान्।

युहना 20:17

“ङाकायः चुम्‌लाम् त्‍यावःअ ङाकोः आपाकःताङ् आल्‌धाङ्‌ङल। लौ ङाकोः हौचोङ्‌पाय् इत ल्‍हाक्‌ती तोलाङ् आल्अ। ङा देङी त्‍यावःअ ङाकोः परमेस्‍वर्‌ आपाकःताङ् आल्‌नाङः। ओउःपाय् नीङ्‌कोः परमेस्‍वर्‌ आपामा लेःआः। लौ ओउः कुरापाय् ओउःमयःकायः ल्‍हाक्‌ती तोउसु दा” त दाय्‍ह्‌ती येसुइ तोआकान्।

रोमी 11:36

दोह् हायःती दाय्‍ह्‌सा थोक्‌लम्‌पाय् जुदालेः ओउःइलेः जाङ्‌ह्आकान्। फेरी सबै थोक्‌लम् ओउःइ तेन्‌छ्याङ्‌मा गम्‌लेःनौ सबै लयःकायःलेः जाङ्‌ह्ओ खेःतो। ओउः परमेस्‍वर्‌कायः गलकायःमा मानओमा ताङ्‌ह्‌ताक्ओमा स्‍याव्‌पाः। माःहै ओउःतलेः स्‍याव्‌पाः।

१ कोरीन्‍थी 12:6

ओउः नाःतो काम्‌लम् जाङ्‌ह्‌साकायःपाय् यातैज्‍योः परमेस्‍वर्‌इ सबै जाङ्‌ह्‌ताक्‌लेःनौ।

१ कोरीन्‍थी 8:6

“यातैज्‍योः ङीकोः परमेस्‍वर्‌ आपा ह मुनाः” त ङीखेइ चीःनाःतय्‍ह्‌नी। ओउःइपाय् जुदालेः जाङ्‌ह्आकान् ओउःकायः ङी मुनाःतय्‍ही। ङीकोः प्रभुमा यातैज्‍योः येसु ख्रीस्‌लेः खेःजेःनाः बा। ओउःकुस्इ परमेस्‍वर्‌इ जुदालेः जाङ्‌ह्आकान् ओउःकःसै रौ जीङः दोःनाःतय्‍ही।

२ कोरीन्‍थी 6:16

परमेस्‍वर्‌कोः मन्‍दीर्‌हाङः मुर्‌तीलम् मुसा दोःइली। ङीपाय् ओउः दोङ् जीङः नाःओ परमेस्‍वर्‌कोः मन्‍दीर्‌ लेःआः तय्‍ही। “ङापाय् लयःकोः मान्‍तालम्‌कुस् याक्‌मानाङः ओउःमयःकुस् वाह्‌मानाङः। ओउःमयःकोः परमेस्‍वर्‌ ङालेः स्‍याव्‌नाङः ओउःमयः ङाकोः मान्‍तालेः स्‍याव्‌नै” त दाय्‍ह्‌ती परमेस्‍वर्‌ दाय्‍ह्आ।

एफेसस् 1:21

ओहाङः ख्रीस्‌पाय् सबै द्यव्‌तालम्‌सै पुःमानाः सबै राजालम् प्रभुलम् तेन्‌छ्याङ्‌कोः हुकुम् बयःओलम्‌मा लोनेकोः हुकुम् बयःओलम्‌मा इ सबैकायः ख्रीस्‌पाय् पुःलेःनाः बा।

एफेसस् 2:22

नीङ्‌मा सबैकुस् परमेस्‍वर्‌कोः ग्‍वालामःइ परमेस्‍वर्‌कोः याक्‌सा कीम् जाङ्‌ह्‌नौ।

एफेसस् 3:17

फेरी नीङ्इ ख्रीस्‌कायः ङ्‌हाम्‌ती झ्‍यान्‍ते ओउःपाय् नीङ्‌कोः ल्‍हुङ्‌हाङः पोक्‌ती मुबत्‌तेःपै ओउःत ङाइ परमेस्‍वर्‌कः तेती तोनेःनाङ्‌स। ओहाङःसैको पेओ राप्ओ ल्‍हुङ् दोःती

एफेसस् 6:23

नीङ् सबै पुःचोङ् हौचोङ्‌लम्‌य धोमाय्ओमा अरुकायः राप्ओमा पेतो ङ्‌हाम्ओ ल्‍हुङ्‌मा परमेस्‍वर्‌ आपाइमा बयःतेःपनै ङीकोः प्रभु येसु ख्रीस्इमा ओउःतलेः बयःतेःपनै।

१ युहना 3:24

ओउःइ तोओ कुरा जाङ्‌ह्ओ मान्‍तापाय् परमेस्‍वर्‌कुस् ब्राङ्‌नाःच परमेस्‍वर्‌मा ओउःकुस् ब्राङ्‌नाःच। ओहाङःसैको परमेस्‍वर्‌इ बयःओ ग्‍वालामः दोःआक्‌तीको ओउःपाय् ङीकुस् ब्राङ्ओ लेःआः त चीःनाःतय्‍ह्‌नी।