एफेसस् 4:5 - चेपाङ5 प्रभुमा यातैज्योःलेः ङ्हाम्ओ कुरामा यातैज्योःलेः बाप्तीस्मामा यातैज्योः लेःआः। Faic an caibideil |
एफेसस् 4:5
28 Iomraidhean Croise
दोह् हायःती दाय्ह्सा ङीइ गलमा स्यान्मालो येसुकोः कुरालेः अरु मान्तालम्इ थोल्ह्ती तोनानी त खेःया ओउःमयः तोओ कुरापाय् नीङ्इ ग्याती रोम्तेःनानी। फेरी थे ग्वालामः नीङ्इ त्याक्सामा ग्यातेःनै थेथे कुरापाय् “पेओ समचार् लेःआः” त दाय्ह्ती नीङ्इ सायःसामा ग्यातेःनै। ओउः थे ग्वालामःमा थे पेओ समचार् त तोओमा ङीसै दोःओ दोङ् कुरालेः खेःल बा।
इ कुरामा सबै ल्हाव्ह्दैबाङ्कोः पेओ कुरामा “आह्रे लेःआः” त म्हर्ती जुगाङ् फेती वाय्आलाङः। ओहाङःसै ओउः न्हाङ्तोलेः पेओ कुरापाय् ङाकोः प्रभु येसु ख्रीस्कायः तय्ह्सा दोःनाङः। ख्रीस्कोः मान्ता स्याव्साकायः सबै अरु कुराकायः “आह्रे वाय्सा खेःओ धान्ह्लम्लो लेखालेः” त म्हर्ती फेती वाय्आलाङः बा
इ चेती ङा पावुल्इ ङाकुस् दोङ् पेतो ङ्हाम्ओ हौ तीतस्कायः लेखती ल्होक्नेःनाङ्। ङाकायःपाय् परमेस्वर्कोः काम् जाङ्ह्साकायः येसु ख्रीस्इ छ्युङ्ह्ती ल्होक्आताङः। ओउःइ छीह्ओ मान्तालम्कायः पेतो ङ्हाम्ताक्साकायःमा ओउःकोः दोङ् कुरा पेतो चीःती वाह्ताक्साकायःमा परमेस्वर्इ छ्युङ्ह्आताङः। लोने दोःसा गलमा वाय्मालो रौ जीङःकायः ङीइ झाह्तीलेः ल्युङ्ह्ती मुनाङी। इ रौ जीङःकोः कुरापाय् ओउः गलमा माःताक्मालो परमेस्वर्इ उय्ह्लेहाङःसै ङीकायः तोती गम्ओ लेःआः। ओउःइपाय् लयःकोः क्रोःओ बेलाहाङः ओउः कुराकोः नोःराय् छ्यानःआकान्। ओहाङःसैको ओउः नोःराय्पाय् थोल्ह्ती तोसाकायः ङीकायः दल्ताक्सा परमेस्वर्इपाय् ङाकायःलेः बयःती ल्होक्आताङः। लौ तीतस्य ङीकोः परमेस्वर् आपाइमा ङीकायः दल्ताक्सा येसु ख्रीस्इमा नाङ्कायः योनःती योती ल्हुङ् धोमाय्ताक्तेःपाः।
“लौ ङाखे ङ्हाम्ओ मान्ता लेःआः ङ नाङ्खे पेओ काम् जाङ्ह्ओ मान्ता लेःतेःआः” त दाय्ह्ती यात्चाक्इ दाय्ह्नाः यादो। नाङ्खेइ पेओ काम् आःताः जाङ्ह्माःत गत हायःती नाङ्इ परमेस्वर्कायः ङ्हाम्ओ छ्यानःसा खाय्तेःचौ र। ङाखेइ पेओ काम् जाङ्ह्धार्ना “परमेस्वर्कायः ङ्हाम्आलाङः” त छ्यानःसा खाय्नाङः।
Sanasan