एफेसस् 4:4 - चेपाङ

⁴ ख्रीस्‌कोः आङ्‌मा यातैज्‍योःलेः ओउःकोः ग्‍वालामःमा यातैज्‍योःलेः। नीङ्‌कायःपाय् परमेस्‍वर्‌इ यातैज्‍योः लोने दोःसा पेओ कुरा त्‍याक्‌सा थेङामा गोत्‌तेःआकाय्।

एफेसस् 4:4 Iomraidhean Croise

मत्ती 28:19

ओउःत झ्‍यान्‍ते सबै जात्‌कोः मान्‍तालम्‌कःताङ् आल्‌ती ङाकोः कुरा स्‍यान्उसु। ओहाङःसैको परमेस्‍वर्‌ आपाकोः मय्‍ङ्‌मा ङाकोः मय्‍ङ्‌मा परमेस्‍वर्‌कोः ग्‍वालामःकोः मय्‍ङ्‌मा पेह्‌ती बाप्‍तीस्‍मा बयःउसु।

खबरदुत 15:11

प्रभु येसुइ योनःती योधार्‌नालेः ङीइपाय् ओउःकोः कुरा ङ्‌हाम्आक्‌तीको ह आले रेव्ओसै दल्‌तो स्‍याव्‌नाःतय्‍ही एत हायःतीमा अरु यहुदी खेःमालो जात्‌लम्‌मा दल्‌नै” त दाय्‍ह्‌ती पत्रुस्इ तोआथास।

रोमी 11:29

दोह् हायःती दाय्‍ह्‌सा पेओ कुरा बयःआक्‌तीकोमा मान्‍तालम्‌कायः छीङ्‌ह्आक्‌तीकोमा परमेस्‍वर्‌पाय् गलमा ल्‍हुङ् द्यान्‍ह्‌ल।

१ कोरीन्‍थी 10:17

यात्‌केरः लाङ्‌मा ङी नाःतोलम्‌कायः सबै थोप्‌नाःतय्‍ही ओउःत खेःओ ङी यातैज्‍योः आङ्‌लो लेखा मुनाःतय्‍ही।

१ कोरीन्‍थी 12:20

आङ्‌हाङः तालाङ् मीक् नो नेह् क्रुत् दोम् सबै नाःतो लेःआः आङ्‌पाय् यातैज्‍याङ् ह।

२ कोरीन्‍थी 11:4

दोह् हायःती दाय्‍ह्‌सा ङीइ गलमा स्‍यान्‌मालो येसुकोः कुरालेः अरु मान्‍तालम्इ थोल्‍ह्‌ती तोनानी त खेःया ओउःमयः तोओ कुरापाय् नीङ्इ ग्‍याती रोम्‌तेःनानी। फेरी थे ग्‍वालामः नीङ्इ त्‍याक्‌सामा ग्‍यातेःनै थेथे कुरापाय् “पेओ समचार्‌ लेःआः” त दाय्‍ह्‌ती नीङ्इ सायःसामा ग्‍यातेःनै। ओउः थे ग्‍वालामःमा थे पेओ समचार्‌ त तोओमा ङीसै दोःओ दोङ् कुरालेः खेःल बा।

एफेसस् 1:18

ओहाङःसैको ल्‍हुङ् पेतो व्‍हाय्‌तो स्‍याव्आक्‌तीको परमेस्‍वर्‌कायः पेतो तय्‍ह्‌ती झ्‍यान्‍ते “लोनेः दोह् दोह् पेओ कुरालम् त्‍याक्‌लाङ् वाङ्‌साकायः ओउःइ गोत्आतय्‍ही” त चीःतीलेः नीङ्इ आसती ल्‍युङ्‌ह्‌सा खाय्‌तेःनानी। “ङी ओउःच्‍युक् पेओ दोःनाःतय्‍ही” त चीःसामा

एफेसस् 2:16

ओहाङःसैको सबै यात्‌ज्‍योः स्‍याव्‌ताक्आक्‌तीको येसु ख्रीस्इ ओउःमयःकायः परमेस्‍वर्‌कुस् ब्राङ्‌ताक्आकान्। ओउः नीस् जात्‌पाय् द्याह् क्रुम्‍ह्‌काय्‌चल।

एफेसस् 2:18

ओउःत तोधार्‌नालेः द्याह् ङी सबैकायः परमेस्‍वर्‌कोः ग्‍वालामःइ परमेस्‍वर्‌ आपाकःताङ् वाङ्‌सा दोःताक्‌नाःतय्‍ही।

एफेसस् 2:22

नीङ्‌मा सबैकुस् परमेस्‍वर्‌कोः ग्‍वालामःइ परमेस्‍वर्‌कोः याक्‌सा कीम् जाङ्‌ह्‌नौ।

एफेसस् 4:1

ङा पावुल् त तोओ प्रभुकोः काम् जाङ्‌ह्‌साकायः थुनती मुनाङः। थुनती मुतोक्‌हाङः ङाइ द्याह् इत तेती तोनेःनाङ्‌स। लौ गतलो पेतो स्‍याव्‌साकायः परमेस्‍वर्‌इ गोत्‌तेःआकाय् ओउःतलेः पेतो वाह्‌ती मुन।

एफेसस् 5:30

दोह् हायःती दाय्‍ह्‌सा ङी ङ्‌हाम्ओलम्‌पाय् ख्रीस्‌कोः आङ्‌ज्‍याङ्‌लो लेखा मुनाःतय्‍ही।

कोलसी 1:5

“लाङ्‌काहाङः पेओ दोःनाःतय्‍ही” त दाय्‍ह्ओ ओउः पेओ समचार्‌कोः दोङ् कुरा ङ्‌हालेः सायःआक्‌तीको नीङ् चोङाय्‌तो स्‍याव्‌ती झ्‍यान्‍ते ङ्‌हाम्‌मातेःआकानी राप्‌मातेःआकानी।

कोलसी 3:15

ख्रीस्‌सै धोमाय्ओ ल्‍हुङ् दोःती अरुकः पेओ ल्‍हुङ् स्‍याव्‌ती वाह्‌न। एत हायःसाकायः परमेस्‍वर्‌इ नीङ्‌कायः गोत्‌ती यातैज्‍योः स्‍याव्‌तेःताक्‌तेःआकाय्। फेरी सबै कुराकायः “च्‍युता” त तोनु दा।

२ थेसलोनिकि 2:16

ङीकोः परमेस्‍वर्‌ आपाइ लयःइलेः ङीकायः राप्‌ती गलकायःमा ल्‍हुङ् धोमाय्‌ताक्‌तोमा पेतो आसतोमा स्‍याव्‌ताक्आतय्‍ही।

१ तीमोथी 1:1

इ चेती ङा पावुल्इ नाङ् तीमोथीकायः लेखती ल्‍होक्‌नेःनाङ्। ङीकायः दल्‌ताक्ओ परमेस्‍वर्‌इमा ङीइ झाह्ओ प्रभु येसु ख्रीस्इमा छ्युङ्‌ह्‌ती ल्‍होक्ओ मान्‍ता ङालेः खेःनाङः।

तीतस् 2:13

लोने दाङ्‌सा पेओ दीन्‌कायः झाह्‌ती ल्‍युङ्‌ह्‌तोक्‌कायः एतलेः वाह्‌नाःतय्‍ही। ओउः दीन्‌हाङः ङीकोः ताङ्‌ह्ओ परमेस्‍वर्‌ ङीकायः दल्‌ताक्‌सा येसु ख्रीस्‌पाय् आङ्‌ग थाङ्‌ग त थाती वाङ्‌नै।

तीतस् 3:7

ओहाङःसैको ङीकायः योनःती योती लयःकोः मीक्‌हाङः ओजायः जय्‌कुमःत जाङ्‌ह्‌नाःतय्‍ही। ओहाङःसैको ङीइ गलमा द्योक्‌मालो जीङः “लोने दोःनाःतय्‍ही” त म्‍हर्‌ती झाह्‌तीलेः ल्‍युङ्‌ह्‌नाःतय्‍ही।

१ पत्रुस् 1:21

येसु ख्रीस् वाङ्‌ती झ्‍यान्‍ते ओउःकायः सीओसै उह्‌ती च्‍योक्‌ताक्ओमा ताङ्‌ह्‌ताक्ओ परमेस्‍वर्‌कायःलेः ङ्‌हाम्‌तेःनानी। ओउःत खेःओ नीङ् परमेस्‍वर्‌कायः ङ्‌हाम्‌ती चोङाय्‌तीलेः ल्‍युङ्‌ह्‌ती मुतेःनै।

१ युहना 3:3

ओहाङःसैको सुसुखे ख्रीस्‌लो लेखा स्‍याव्‌सा झाक्‌नै ओउःलेः ख्रीस्‌लो लेखा ओजायःत गम्‌नाःइसी।