एफेसस् 4:11 - चेपाङ11 ओहाङःसैको ख्रीस्इलेः यात्नीस्चाक्कायः लयःकोः ल्होक्सा मान्तालम् स्याव्साकायः छ्युङ्ह्ती ग्वम् बयःआथास। अरुकायः लयःकोः कुरा छ्यानःती नोःसाकायः ग्वम् बयःआथास। अरुकायः ओउःकोः पेओ समचार् थोल्ह्ती तोसा ग्वम् बयःआथास अरुकायः ङ्हाम्ओलम्कायः स्यास्सामा स्यान्सा ग्वम्मा बयःआथास। Faic an caibideil |
एफेसस् 4:11
19 Iomraidhean Croise
ओहाङःसैको अन्तीयोक् सहर्कोः येसुकोः ङ्हाम्ओलम्हाङः पास्जन लोन्ते स्याव्सा कुरा छ्यानःसा चीःओमा स्यान्ओ मान्ता खेःइतो। यात्ज्योःखे बर्नाबास् त तोओ खेःतो। यात्ज्योःखे गाल्ओ सीमोन् त मय्ङ्ओ खेःतो। यात्चाक्खे क्युरीनी देस्सै वाङ्ओ लुसीयस् त तोओ खेःतो। यात्चाक्खे मनएन् त तोओ ओउःलेः हेरोद् राजाकोः दर्बाल्हाङः स्यास्ओ खेःतो। यात्ज्योः अरुखे तार्सुस् सहर्सै वाङ्ओ सावुल् खेःतो।
ङाइ नीङ्कायः पेतो स्यान्नेःआलाङ्स त झ्यान्ते नीङ् लःलयःकायः साहीनीङ्सी लयःकोः येसुकायः ङ्हाम्ओ पुःचोङ्लम् हौचोङ्लम्कायः लव्ह्ती ओम्पायःती गम्नु दा। ओउःमयःकायः योसाकायः परमेस्वर्कोः ग्वालामःइ बयःतेःआकाय्। ओहाङःसैको लयःकायः ङ्हाम्ओलम्कायः येसुइ क्ल्याय्ओ सीङःहाङः ल्हाङःती लयःकोः वयः बयःआकान् ओउःत झ्यान्ते प्रभुकोः मान्तालम् पेतो योती साहीती मुन दा। इ ङाइ तोओ कुरा सुइमा म्हेःलाम्।
ओहाङःसैको उनम्ह्कोः स्याङ्ह्लोहाङः तीःजहास्हाङः फेरी लन्ह्ती आल्ती ङी सीजारीया त तोओ सहर्ताङ् दाह्आलाङी। सीजारीयाताङ् दाह्आक्तीको ङी तीःजहास्सै जुगाङ् फेती ग्ल्युङ्ह्ती फीलीप् त तोओकोः कीम्ताङ् वाङ्ती मुआलाङी। ओउः फीलीप् त तोओखेकायः योह्नम्हाङः अरु छजनकुस् पैसा वेःती बयःओ काम्कायः छ्युङ्ह्ओ खेःतो। ङी वाङ्तोक्हाङः ओउःइ सीजारीयाहाङः प्रभु येसुकोः पेओ समचार्कोः कुरा आन तोती मुओ खेःतो।
“लौ लाङ्काहाङः मुओलम्य ओउः सहर् योती म्रोतोलेः मुन दा। नीङ् परमेस्वर्कायः ङ्हाम्ओलम्मा ओउःकोः छ्युङ्ह्ती ल्होक्ओमयःमा ओउःकोः कुरा छ्यानःओमयःमा नीङ् सबै म्रोतीलेः मुन दोह् हायःती दाय्ह्सा नीङ्कायः पेमालो हायःओ सहर्कायः परमेस्वर्इ ओउःकोः रेव्झ्याङ् बयःती द्याह् न्युम्ह्ताक्नौ बा” त दाय्ह्ती दाय्ह्ओ खेःतो।
Sanasan