Biblia Todo Logo
Bìoball air-loidhne

- Sanasan -




एफेसस् 3:8 - चेपाङ

8 ङापाय् परमेस्‍वर्‌कोः मान्‍तालम्‌कःहाङः अरुसै मीओ लेःआः ङ। अरुसै मीसापाय् मीलेःनाङः ओउः यहुदी खेःमालोलम्‌कायः ख्रीस्‌कोः आन पेओ दप्‌सा खाय्‌मालो कुरालम्‌पाय् “नीङ्‌कायःमा मुलेःनाः” त थोल्‍ह्‌ती तोसाकायःमा ङाकायःलेः छ्युङ्‌ह्‌ती बयःआताङः।

Faic an caibideil Dèan lethbhreac




एफेसस् 3:8
33 Iomraidhean Croise  

ओहाङःसैको ओउःकोः मालीक्इ तोओ कुरा सायःती ओउः नोकरीपाय् आल्आ। आल्आक्‌तीको पाय्‍ह्‌ती वाङ्आक्‌तीको ‘लौ नाङ्इ तोओलो लेखालेः ङाइ जाङ्‌ह्‌लेःआलाङः। जाङ्‌ह्‌सापाय् जाङ्‌ह्‌लेःङोतो भोस् जेःसा मान्‍तालम्‌पाय् पुत्‌धाङ्इली’ त दाय्‍ह्‌ती मालीक्‌कायः छ्यानःआथै।


ङीकायः योनःती योती ओउः नोःराय् त तोओकोः ग्‍वम् आन मुती झ्‍यान्‍ते ङी सबैकायः नाःतोलेः उह्‌ताक्‌ती बयःआतय्‍ही।


फेआक्‌तीको ओउः छ्युङ्‌ह्ओमयःलम् सभासै ग्‍ल्‍युङ्‌ह्‌ती “लौ येसुकोः कुरा तोसाकायः परमेस्‍वर्‌इ ङीकायः लीह्‌सीःओ च्‍यवःसा ताक्आतय्‍ही बा” त चोङाय्‌तीलेः पाय्‍ह्आकाय्।


“खेःल नाङ् आल्अ दा। ओउः मान्‍तापाय् अरु इस्राएल्‌कोः मान्‍तालम्‌कायः ङाकोः कुरा तोसाकायः छ्युङ्‌ह्आलाङः बा। ङाकोः कुरा अरु यहुदी खेःमालो जात्‌लम्‌कायःमा ओउःमयःकोः राजालम्‌कायःमा ओउःइलेः तोसा खेःतो।


माःहै परमेस्‍वर्‌पाय् गुच्‍युक् पेओ लेःआः ओउःपाय् गुच्‍युक् व्‍हाय्‌तो लेःआः। ओउःइ जाङ्‌ह्ओ कुरापाय् सुइमा अरुकायः छ्यानःसा खाय्‌नीली सुइमा लयःकोः ल्‍हुङ्‌हाङः चीःसा खाय्‌नीली।


अरु ङ्‌हाम्ओलम्‌कायः लयःकोः पुःचोङ् हौचोङ्‌लो लेखालेः जुगाङ् राप्‌ती मीओ ल्‍हुङ् स्‍याव्‌ती अरुलम्‌कायः “ओउःपाय् ङासै ताङ्‌ह्‌लेःनाः” त म्‍हर्‌न।


परमेस्‍वर्‌कोः काङ्‌ती जाङ्‌ह्ओ गलमा सावःमाःत योनःती योओपाय् “आह्रे लेःआः” ततेः ताःतेःनै यादो। ओउःकोः योनःती योओपाय् आह्रेलेः खेःल बा। नीङ्‌कायःपाय् “ङाकःताङ् ल्‍हुङ् द्यान्‍ह्‌ती वाङ्‌पै” त दाय्‍ह्‌ती परमेस्‍वर्‌इ आन ज्‍याङःतोकायःलेः योनःती योती ल्‍युङ्‌ह्‌तेःनै एत चीःतेःनानी र।


ओउःइलेः ङीकायः येसु ख्रीस्‌कुस् ब्राङ्‌ती यातैज्‍याङ् जाङ्‌ह्आतय्‍ही फेरी येसु ख्रीस्इलेः ङीकायः व्‍हाय्‌माताक्आतय्‍ही। ओउःइलेः छय्‍ङ्‌ताक्‌तीमा पेतो जाङ्‌ह्‌तीमा ङीकायः रेव्ओ काम्‌मा फेमाताक्आतय्‍ही


ङापाय् अरु छ्युङ्‌ह्ओमयःसै मीओ लेःआः ङ। ङ्‌हासै परमेस्‍वर्‌कायः ङ्‌हाम्ओलम्‌कायः ङाइ आन पेमालो हायःती लीह्‌सीःओ बयःआलाङःसु ओउःत झ्‍यान्‍ते ङाकायः येसुकोः छ्युङ्‌ह्ओमयः त तोसा त्‍याक्‌ताङःल।


ओउःतलेः उय्‍ह्‌लेहाङःसै लेखती मुनाः “परमेस्‍वर्‌कायः राप्ओ मान्‍तालम्‌पाय् ओउःइ चन्‌तायःती जाङ्‌ह्ओ थोक्‌लम्‌पाय् सुइमा च्‍यवःआक्‌माआक्‌नीली सायःआक्‌माआक्‌नीली सुमा ल्‍हुङ्‌हाङः म्‍हर्‌आक्‌माआक्इली” त लेखती मुतो


ओहाङःसैको यहुदी खेःमालो मान्‍तालम्‌कायः ओउःकोः चोःकोः कुरा थोल्‍ह्‌ती तोसाकायः परमेस्‍वर्‌इ येसु ख्रीस्‌लेः छ्यानःआताङः। ओउःत ङाकःताङ् छ्यानःआथै


फेरी परमेस्‍वर्‌इलेः पत्रुस्‌कायः यहुदीलम्‌कःताङ् ल्‍होक्आक्‌तीको ओउःकोः काम् पेतो जाङ्‌ह्‌ताक्आथै। ओउःलो लेखालेः ङाकायःमा यहुदी खेःमालोलम्‌कायः ल्‍होक्आक्‌तीको ङाकोः काम् पेतो जाङ्‌ह्‌ताक्आताङः।


एतलेः येसु ख्रीस्‌कुस् परमेस्‍वर्‌इ ङीकायः गुच्‍युक् पेतो राप्‌ती बयःआतय्‍ही त गलकायःमा छ्यानःसा थेङा लाङ्‌काहाङः च्‍युङःताक्आतय्‍ही।


लौ ओउःत हायःतीलेः ङा पावुल् त तोओपाय् नीङ्‌कःहाङः येसु ख्रीस्‌कोः काम् जाङ्‌ह्‌साकायः थुनती मुओ मान्‍ताइपाय् नीङ्‌कायः परमेस्‍वर्‌कः तेती तोनेःनाङ्‌स।


ओउःकोः नाःतो नाःओ गह्र्सै नीङ्‌कायः ओउःकोः ग्‍वालामःइ ग्‍वम् दोःताक्‌तेःपै ओहाङःसै नीङ् ल्‍हुङ् ग्रमःत स्‍याव्‌तेःनै।


ओउःकोः राप्ओ चीःसापाय् चीःतेःनानी जुगाङ्‌लेः चीःसा खाय्‌तेःनीली। ओहाङःसै परमेस्‍वर्‌कःसै सबै दोःतेःपै तमा तेती तोनेःनाङ्‌स।


नीङ् यहुदी खेःमालोलम्‌कायः “परमेस्‍वर्‌इ सबैकायः योनःती योतेःनै” त स्‍यान्‌ती तोसा काम्‌लेः ओउःइ बयःआताङः। ओउःपाय् नीङ्इ चीःतेःनानी माःर।


दोह् खेःयामा अरुकः लती लयःकायः ताङ्‌ह्‌ताक्‌ती जाङ्‌ह्‌तेःचानी। मीओ ल्‍हुङ् स्‍याव्‌ती अरुलम्‌कायः “ङासै ताङ्‌ह्ओ लेःआः” त म्‍हर्‌न।


ओहाङःसै दोह्‌लो नीङ्‌तेः राह्‌तेःचनै ओउःलेः ङाकोः परमेस्‍वर्‌इपाय् ओउःकोः येसु ख्रीस्‌कुस् मुओ ताङ्‌ह्ओ गह्र्सै जुगाङ् दोःताक्‌तेःनै।


फेरी ओउः ङ्‌हाम्ओलम्‌कायः छ्यान्‍ह्‌सा कुरा आन पेओमा ताङ्‌ह्ओ लेःआः एत परमेस्‍वर्‌इ सबै जात्‌कोः मान्‍तालम्‌कायः छ्यान्‍ह्आथास। ओहाङःसै ओउः छ्यान्‍ह्‌राय्‌पाय् इलेःआः। नीङ्‌कःहाङः ख्रीस् मुलेःनाः ओउःत झ्‍यान्‍ते लोनेः गुच्‍युक् पेओतेः स्‍याव्‌तेःनै त चीःती नीङ्इ आसती ल्‍युङ्‌ह्‌ती मुसा खाय्‌तेःनानी।


ओउःतलेः ख्रीस्इपाय् ओउःकोः काम् जाङ्‌ह्‌साकायः बयःताङःतो ङ्‌हापाय् ङाइ ओउःकायःमा अह्र्सीःओ योती आन रेव्‌तो तोआलाङः ओउःकोः मान्‍तालम्‌कायःमा ङाइ आन लीह्‌सीःओ बयःआलाङःसु। बयःसापाय् बयःआलाङःसु ओउः बेलाहाङः ङाइ चीःमामाःत ङ्‌हाम्‌मामाःत जाङ्‌ह्आलाङः त झ्‍यान्‍ते परमेस्‍वर्‌इ योनःतीलेः योआताङः।


लौ इलेः दोङ् ङ्‌हाम्‌सीःओ कुरा लेःआः इपाय् पेतो सायःउ दा। रेव्ओ काम् जाङ्‌ह्ओलम्‌कायः दल्‌ताक्‌सा थेङा येसु ख्रीस्‌पाय् ल्‍हाव्‍ह्‌दैबाङ्‌ताङ् वाङ्ओआः फेरी रेव्‌तो जाङ्‌ह्ओलम्‌कोः ङापाय् सबैसै रेव्‌तो लेःआः ङ।


ओउः कुरा छ्यानःती “इ येसु ख्रीस्‌कोः दोङ् कुरा ङ्‌हाम्‌नु” त ङाइ थोल्‍ह्‌ती तोसाकायःमा परमेस्‍वर्‌इ ङाकायः यहुदी खेःमालो मान्‍तालम्‌कःताङ् छ्युङ्‌ह्‌ती ल्‍होक्आताङः। एत दाय्‍ह्‌ती ङाइ माःती तोओ खेःल दोङ् कुरालेः तोनेःनाङ् बा।


ओउः पेओ समचार्‌ थोल्‍ह्‌ती तोसाकायःमा स्‍यान्‌साकायःमा परमेस्‍वर्‌इ ङाकायः छ्युङ्‌ह्‌ती ल्‍होक्आताङः।


लौ उया इतलेः तोनेःनाङ् बा। ङाकःसै दोङ् पेओ म्‍हेःहाङः जीओ सुन् लेःउ दा। ओहाङःसै नाङ्‌पाय् नाःतो नाःओचाक्‌तेः स्‍याव्‌तेःनाः। नीङ्‌कोः रास्‌सीःओ सोह् आङ् बोमःसाकायः भाम्ओ नाय्‌लम्‌मा ङाकःसै लेःउ। मीक् च्‍यवःताक्‌साकायः ङाकःसै मीक्‌कोः ओखोत्‌मा लेःउ दा।


Lean sinn:

Sanasan


Sanasan