Biblia Todo Logo
Bìoball air-loidhne

- Sanasan -




एफेसस् 3:7 - चेपाङ

7 ओउः पेओ समचार्‌ तोसा काम्‌पाय् परमेस्‍वर्‌इ ओउःकोः ग्‍वम् दोःताक्‌ती बयःआताङः।

Faic an caibideil Dèan lethbhreac




एफेसस् 3:7
22 Iomraidhean Croise  

“खेःल नाङ् आल्अ दा। ओउः मान्‍तापाय् अरु इस्राएल्‌कोः मान्‍तालम्‌कायः ङाकोः कुरा तोसाकायः छ्युङ्‌ह्आलाङः बा। ङाकोः कुरा अरु यहुदी खेःमालो जात्‌लम्‌कायःमा ओउःमयःकोः राजालम्‌कायःमा ओउःइलेः तोसा खेःतो।


इ येसुइ ङीकायः छ्युङ्‌ह्आक्‌तीको ओउःकोः काम् जाङ्‌ह्‌साकायः ग्‍वम् बयःती सबै अरु जात्‌कोः मान्‍तालम्‌कायः येसुकोः कुरा पेतो ङ्‌हाम्‌ती ग्‍याताक्‌साकायः ल्‍होक्आताङी।


परमेस्‍वर्‌इ ङाकायः बयःओ त खेःओ इ कुरा ङाइ द्याह् सबैकायः तोनेःनाङ्‌स। लयःकायः “ताङ्‌ह्‌नाङः” ततेः ताःतेःचाःइसी। ताङ्‌ह्‌तोलेः ताःमाःत गुच्‍युक्‌लेः परमेस्‍वर्‌इ ङ्‌हाम्‌ताक्‌तेःआकाय् ओउःच्‍युक्‌लेः “लौ परमेस्‍वर्‌इ ङाकायः इच्‍युक् जाङ्‌ह्‌सा बयःआताङः बा” त लःलयःकायः चीःसातेः खेःतो।


यहुदी खेःमालोलम्‌कःहाङः येसु ख्रीस्‌कोः काम् जाङ्‌ह्‌साकायः ङापाय् ओउःकोः नोकरी लेःआः ङ। ओउः मान्‍तालम्‌कायः परमेस्‍वर्‌कोः पेओ समचार्‌ थोल्‍ह्‌ती तोआक्‌तीकोमा परमेस्‍वर्‌कोः ग्‍वालामःइ छय्‍ङ्‌ताक्आक्‌तीकोमा ओउःमयःकायः ङाइ पुरोहीत्‌लो लेखालेः परमेस्‍वर्‌कायः ल्‍हासालेः खाय्‌नाङः।


परमेस्‍वर्‌इ ङाकायः योनःती योती झ्‍यान्‍ते ह ङापाय् तेन्‌छ्याङ्‌लेः ओउःकोः छ्युङ्‌ह्‌ती ल्‍होक्ओ मान्‍ता लेःआः ङ। माः रैस ओउःकोः योनःती योओपाय् आह्रे खेःल अरु छ्युङ्‌ह्ओमयःसै ङाइ परमेस्‍वर्‌कोः काम् आन त्‍युस्‌तीलेः जाङ्‌ह्आलाङः बा ङाइ झुङ्आले खेःल परमेस्‍वर्‌कोः ग्‍वम् दोःती जाङ्‌ह्आलाङः।


पावुल् त तोओ सुखेलो आपोलस् त तोओ सुखेलो त दाय्‍ह्‌सा परमेस्‍वर्‌इ बयःओ काम् जाङ्‌ह्‌ती नीङ्‌कायः ङ्‌हाम्‌ताक्ओ मान्‍तालेः ह खेःनाङी। दोह् दोह् काम् लःलयः जोक्‌कायः बयःओ लेःआः ओउःकायःलेः जाङ्‌ह्‌नाङःसु।


ओउःकोः नया तोती गम्ओ कुराकोः काम् जाङ्‌ह्‌साकायः परमेस्‍वर्‌इलेः ङीकायः दोःताक्आताङी। ओउः ङ्‌हा बयःओ तोती गम्ओखे ऐन्‌कोः लेखओ कुरालेः खेःतो ओउः नया तोती गम्ओखे परमेस्‍वर्‌कोः ग्‍वालामःकोः लेःआः। ओउः लेखती गम्ओ ऐन् जवती जाङ्‌ह्ओलम्‌खे सीलेःनै ओउः ग्‍वालामःखेइ मान्‍तालम्‌कायः जीङः बयःनौ।


ङीकायः योनःती योती परमेस्‍वर्‌इ ओउः काम् जाङ्‌ह्‌सा बयःआताङी ओउःत झ्‍यान्‍ते ङी ल्‍हुङ् घ्‍युम्‌तो स्‍याव्‌ङीली।


फेरी परमेस्‍वर्‌इलेः पत्रुस्‌कायः यहुदीलम्‌कःताङ् ल्‍होक्आक्‌तीको ओउःकोः काम् पेतो जाङ्‌ह्‌ताक्आथै। ओउःलो लेखालेः ङाकायःमा यहुदी खेःमालोलम्‌कायः ल्‍होक्आक्‌तीको ङाकोः काम् पेतो जाङ्‌ह्‌ताक्आताङः।


“ङी ङ्‌हाम्ओलम्‌कायः गुच्‍युक् पेओ ग्‍वम्इलेः काम् जाङ्‌ह्आतय्‍ही” त चीःसामा खाय्‌तेःनानी।


नीङ् यहुदी खेःमालोलम्‌कायः “परमेस्‍वर्‌इ सबैकायः योनःती योतेःनै” त स्‍यान्‌ती तोसा काम्‌लेः ओउःइ बयःआताङः। ओउःपाय् नीङ्इ चीःतेःनानी माःर।


ङी झाक्‌ती तेती तोओ कुरासै न्‍हाङ्‌तोलेः जाङ्‌ह्‌साकायः परमेस्‍वर्‌इ ओउःकोः ग्‍वम् बयःनाःतय्‍ही।


ङापाय् परमेस्‍वर्‌कोः मान्‍तालम्‌कःहाङः अरुसै मीओ लेःआः ङ। अरुसै मीसापाय् मीलेःनाङः ओउः यहुदी खेःमालोलम्‌कायः ख्रीस्‌कोः आन पेओ दप्‌सा खाय्‌मालो कुरालम्‌पाय् “नीङ्‌कायःमा मुलेःनाः” त थोल्‍ह्‌ती तोसाकायःमा ङाकायःलेः छ्युङ्‌ह्‌ती बयःआताङः।


ङी ङ्‌हाम्ओलम्‌खेपाय् आङ्‌लो लेखालेः मुनाःतय्‍ही। आङ्‌हाङः सबै क्रुत्‌लम् दोम्‌लम् तालाङ् यातैज्‍याङ् द्योप्‌काय्‌तीलेः मुनाः। ओउःत खेःओ ङी सबै यातैज्‍योः स्‍याव्‌ती लयःमयः राप्‌काय्‌ती काम् पेतो जाङ्‌ह्‌ती ताङ्‌ह्‌तोलेः स्‍याव्‌नाःतय्‍ही।


ओउःत हायःसाकायः ङाइ आन त्‍युस्‌तीलेः काम् जाङ्‌ह्‌नाङः जाङ्‌ह्‌तोक्‌हाङः ख्रीस्‌कोः ताङ्‌ह्ओ ग्‍वम् दोःआक्‌तीको ह एतलेः जाङ्‌ह्‌सा खाय्‌नाङः।


परमेस्‍वर्‌कोः नोःराय् ङी नीङ्‌कःताङ् तोलाङ् वाङ्‌तोक्‌हाङः “लौ इपाय् मान्‍तासै वाङ्ओ नोःराय् ह खेःल परमेस्‍वर्‌कोः लेःआः” त दाय्‍ह्‌ती ङीइ स्‍यान्ओ कुराकायः ङ्‌हाम्‌ती सायःतेःआकानी। ओउःत झ्‍यान्‍ते ङीइ गलकायःमा परमेस्‍वर्‌कायः “च्‍युता” त तोनाङःसु। दोङ्‌सीलेः ङीइ स्‍यान्ओ नोःराय्‌पाय् परमेस्‍वर्‌कोः लेःआः। ओउः नोःराय्इपाय् देङीलेः नीङ् ङ्‌हाम्ओलम्‌कायः पेतो वाह्‌ताक्‌तेःनै।


Lean sinn:

Sanasan


Sanasan