एफेसस् 3:1 - चेपाङ

¹ लौ ओउःत हायःतीलेः ङा पावुल् त तोओपाय् नीङ्‌कःहाङः येसु ख्रीस्‌कोः काम् जाङ्‌ह्‌साकायः थुनती मुओ मान्‍ताइपाय् नीङ्‌कायः परमेस्‍वर्‌कः तेती तोनेःनाङ्‌स।

एफेसस् 3:1 Iomraidhean Croise

लुका 21:12

इत स्‍याव्ओ बेलाहाङःकोः ङ्‌हासै नीङ्‌कायः मान्‍तालम्इ चुम्‌ती पानःती पेमालो हायःतेःनै बा। नीङ्‌कायःपाय् थनःओ कीम्‌लम्‌हाङः गाल्‌तुम्आक्‌तीको झ्‍याल्‍खानहाङः कासाकायः ओउःमयःइ लात्‌ती दाक्‌तेःनै। ‘लौ इपाय् ख्रीस्‌कोः मान्‍तालेः’ त दाय्‍ह्‌ती नीङ्‌कायः गाल्‌तुम्‌ती नोःती नीङ्‌कायःपाय् राजाकःताङ्‌मा अन्‍चलादीस्‌लम्‌कःताङ्‌मा दाक्‌ती वानःतेःनै।

खबरदुत 21:33

ओहाङःसैको ओउः हाकीम् दाह्‌ती वाङ्‌ती “इकायः पानःपाः” त तोती सीपाहीलम्इ पावुल्‌कायः साङ्‌लाइ दोम् क्रुत् पानःआथै। पानःआक्‌तीको “इ सुलो। ओउःइ दोह् हायःआकान्” त दाय्‍ह्‌ती ओउः हाकीम्इ रेक्‌ती व्‍हत्आकान्।

खबरदुत 23:18

ओहाङःसैको पावुल्‌कोः भनीस् लात्‌ती आलःती हाकीम्‌कःताङ् दाक्आथै “लौ इ लाव्‌मयः मान्‍ताकायः ‘हाकीम्‌कःताङ् आलःउ दा। ओउःइ हाकीम्‌कायः यात्‌ज्‍योः कुरा छ्यानःसा खेःतो’ त दाय्‍ह्‌ती नाङ्इ राक्‌ती गम्ओ पावुल् त तोओइ ङाकायः तोती ल्‍होक्आताङः” त दाय्‍ह्‌ती ओउः सुबेदार्‌इ हाकीम्‌कायः तोआकान्।

खबरदुत 26:29

ओउःत नोःआक्‌तीको “ङाइ नाङ्‌कायः ज्‍याङःतोकायः होम्‌ती नोःसाया ज्‍याङःमालोकायः नोःसाया ङाइ नाङ्‌कायः जुगाङ्‌लेः होम्‌सा बोङःनाङः। नाङ्‌मा इहाङःकोः मुओलम्‌मा ‘इ सबै ङालो लेखा स्‍याव्‌सा आन पेनाः’ त म्‍हर्‌ती परमेस्‍वर्‌कः तेती तोनेःनाङ्‌स। इ साङ्‌लाइ पानःओ आले ह ङा लेखा स्‍याव्‌सा खेःल” त पावुल्इ दाय्‍ह्‌ती तोआकान्।

खबरदुत 9:15

“खेःल नाङ् आल्अ दा। ओउः मान्‍तापाय् अरु इस्राएल्‌कोः मान्‍तालम्‌कायः ङाकोः कुरा तोसाकायः छ्युङ्‌ह्आलाङः बा। ङाकोः कुरा अरु यहुदी खेःमालो जात्‌लम्‌कायःमा ओउःमयःकोः राजालम्‌कायःमा ओउःइलेः तोसा खेःतो।

२ कोरीन्‍थी 1:6

ङीपाय् लीह्‌सीःओ गोरःनाङी त खेःया नीङ् दल्‌तोमा ल्‍हुङ् धोमाय्‌तोमा स्‍याव्‌तेःनै। ङीपाय् लव्‍ह्ओ दोःनाङी त खेःया नीङ्‌कायःमा लव्‍ह्ओ दोःतेःनै ओहाङःसैको नीङ् ङीलो लेखालेः लीह्‌सीःओ गोरःसा खाय्‌तेःनानी।

२ कोरीन्‍थी 10:1

ङा पावुल् त तोओ नीङ्‌कःहाङः मुतोक्‌खेहाङः “काङ्ओ लेःआः” त ताःतेःनाङ्‌सतो ङाकोः रम्‍ह्‌गखेहाङः “खह्र्ओ” त नोःकाय्‌तीतेः मुतेःनै। लौ ख्रीस्‌कोः काङ्ओ ल्‍हुङ् दोःती ङा नीङ्‌कः द्याह् इतलेः तेनेःनाङ्‌स।

२ कोरीन्‍थी 11:23

ओउःमयःपाय् ख्रीस्‌कोः नोकरीलम्‌या लौ ङा न्‍हाङ्‌तोलेः ओउःकोः नोकरी लेःआः ङ। माः है “ओउःमयःसै ङाइ न्‍हाङ्‌तोलेः काम् जाङ्‌ह्‌लेःनाङः” त दोङ् कुरा दाय्‍ह्‌ती नोःसा खाय्‌लेःनाङः। खाय्‌सापाय् खाय्‌लेःनाङः एत नोःधार्‌ना ङा ब्रःओ मान्‍तालो लेखा नोःनाङः। फेरी ओउःमयःसै अरुलम्इ ङाकायः नाःतोलेः घान्आताङः नाःतोलेः झ्‍याल्‍खानहाङः काआताङः नाःतोलेः सात्‌खेःआताङः।

गालाती 5:11

लौ पुःचोङ् हौचोङ्‌य ङाखेइ “यहुदीलम्‌कोः पुन् तात्ओ जाङ्‌ह्‌सा खेःतो” त दाय्‍ह्‌ती सुकायःमा थोल्‍ह्‌ती तोङल। ङाइ ओउःत तोदीक् ओउः यहुदीलम्‌कोः ऐन् जवओलम्इ ङाकायः ओउःच्‍युक् लीह्‌सीःओ बयःचाक्‌ताङःल खेःतो। ओहाङःसै “ख्रीस्‌लेः क्‍ल्‍याय्ओ सीङःहाङः सीओआः” त तोओ कुरा सुइमा सायःसा ग्‍याचै खेःतो।

गालाती 5:2

लौ इत ङा पावुल्इ तोनेःनाङ्‌स बा। सुसुइ यहुदीलम्‌कोः पुन् तात्ओ जवनानी ओउःकायःलेः ख्रीस्इ जाङ्‌ह्ओ काम्‌पाय् दोह्‌मा हायःथासल।

गालाती 5:24

ख्रीस्‌कोः मान्‍तालम्इ लयःकोः ल्‍हुङ्‌कोः रेव्‌तो मोह्‌हाय्ओलम् ख्रीस्‌कोः क्‍ल्‍याय्ओ सीङःहाङः जुगाङ् म्‍हीत्‌ताक्‌तीलेः वाय्आकानी बा।

एफेसस् 3:11

एतलेः परमेस्‍वर्‌इ ङ्‌हाहाङःसै रय्‍ह्‌ती गम्ओ कुरापाय् ङीकोः प्रभु येसु ख्रीस्इ जाङ्‌ह्‌सा थेङा ल्‍होक्आथै।

एफेसस् 3:13

ओउःत झ्‍यान्‍ते नीङ्‌कायः ङा लीह्‌सीःओ गोरःनाङः त खेःया “लौ ल्‍हुङ् घ्‍युम्‌तेःचनै” त तोनेःनाङ्‌स। इ लीह्‌सीःओपाय् सबै नीङ्‌कायः पेतो स्‍याव्‌ताक्‌सा थेङालेः गोरःनाङः।

एफेसस् 3:8

ङापाय् परमेस्‍वर्‌कोः मान्‍तालम्‌कःहाङः अरुसै मीओ लेःआः ङ। अरुसै मीसापाय् मीलेःनाङः ओउः यहुदी खेःमालोलम्‌कायः ख्रीस्‌कोः आन पेओ दप्‌सा खाय्‌मालो कुरालम्‌पाय् “नीङ्‌कायःमा मुलेःनाः” त थोल्‍ह्‌ती तोसाकायःमा ङाकायःलेः छ्युङ्‌ह्‌ती बयःआताङः।

एफेसस् 4:1

ङा पावुल् त तोओ प्रभुकोः काम् जाङ्‌ह्‌साकायः थुनती मुनाङः। थुनती मुतोक्‌हाङः ङाइ द्याह् इत तेती तोनेःनाङ्‌स। लौ गतलो पेतो स्‍याव्‌साकायः परमेस्‍वर्‌इ गोत्‌तेःआकाय् ओउःतलेः पेतो वाह्‌ती मुन।

एफेसस् 6:20

इ कुरा तोसाकायः ङा ल्‍होक्ओ खेःतो द्याह्‌पाय् थुनती मुनाङः। मुसापाय् मुनाङः ङाइ तोसा खेःओ कुरापाय् “फुती नोःपनौ” ओउःतलेः ङाकायः परमेस्‍वर्‌कः तेती तोनु दा।

फीलीपी 1:7

नीङ्‌कायःपाय् ङाइ गलकायःमा झाह्‌ती मुनाङः ओउःत खेःओ इतलेः म्‍हर्‌सा स्‍याव्‌लेःनाः। ङा इहाङः थुनती मुओ बेलाहाङःमा बाहीर पेओ समचार्‌ स्‍यान्ओमा त्‍यानःकाय्‌ती नोःओ बेलाहाङःमा ङाकुस्‌लेः नीङ्‌मा परमेस्‍वर्‌इ पेतो बयःओलेः दोःनाःतय्‍ही।

कोलसी 1:24

नीङ्‌कायः पेतो स्‍याव्‌सा थेङा ङा लीह्‌तो गोरःसा त खेःया चोङाय्‌तीलेः मुनाङः दोह् हायःती दाय्‍ह्‌सा ख्रीस्‌कोः आङ् त तोओ सबै ङ्‌हाम्ओलम्‌कायः ख्रीस्‌कोः लीह्ओ दोह् दोह् दाह्‌धाङ्‌माःत मुलेःनाः ओउः लीह्ओलेः ङाइ द्याह् लयःकोः आङ्इलेः दप्‌साकायः गोरःनाङः।

कोलसी 4:18

ङा पावुल्इ नमस्‍ते त लयःकोः क्रुत्इलेः लेखती ल्‍होक्‌नेःनाङ्‌स। ङाकायः थुनती मुलेःनाः त म्‍हेःलाम्। लौ नीङ्‌कायः परमेस्‍वर्‌इ योनःती योतेःपै।

कोलसी 4:3

ङीकायःमा परमेस्‍वर्‌कः तेती तोमानु। “ओउःमयःइ ख्रीस्‌कोः ङ्‌हा चीःआक्‌मालो नोःराय् थोल्‍ह्‌ती तोसा दोःताक्उ दै” त दाय्‍ह्‌ती ङाकायःमा ङाकुस् मुओलम्‌कायःमा परमेस्‍वर्‌कः तेती तोनु। ओउः कुरा थोल्‍ह्‌ती तोओकायः ङा द्याह् थुनती मुनाङः।

२ तीमोथी 1:16

ओउःमयःखेइ फेताङःतो ओनेसीफोरस्‌खेइ ङाकःताङ् आन वाङ्‌ती झ्‍यान्‍ते ङाकायः आन ल्‍हुङ् धोमाय्‌ताक्आताङः। रोम् सहर्‌ताङ् दाह्‌ती वाङ्‌तोक्‌हाङः ङा झ्‍याल्‍खानहाङः मुओहाङः ओउःइ दोह्‌मा रैमाःत ङाकायः साक्‌साक्‌त बोङःती लोने क्रुस्आताङः। ओउःत झ्‍यान्‍ते ओउः लोनेः वाङ्‌सा खेःओ दीन्‌हाङः ओउःकायःमा ओउःकोः कीम्‌कोः मान्‍तालम्‌कायःमा प्रभुइ योनःती योपाःथास। ओउःतलेः प्रभुपाय् योनःती योसाकायः झाक्‌चाक्‌पाः ती। ङा एफेसस्‌हाङः मुओ बेलाहाङः ओउःइ ङाकायः आन लव्‍ह्आताङः ओउःतमा नाङ्इ चीःनौ।

२ तीमोथी 1:8

ओउःत झ्‍यान्‍ते ङीकोः प्रभुकोः कुरा तोसाकायः रैतेःचाः। ओउःकोः काम् जाङ्‌ह्ओकायःलेः ङा झ्‍याल्‍खानहाङः मुओ मुनाङः। ओउःत चीःती रैमामाःत परमेस्‍वर्‌कोः पेओ समचार्‌ तोती ङाकुस्इ लीह्‌सीःओ गोरःसा ग्‍याअ दा। ओउःत हायःसाकायःलेः परमेस्‍वर्‌इ लयःकोः ग्‍वम् बयःआतय्‍ही।

फीलेमोन् 1:1

लौ ङीकुस् काम् जाङ्‌ह्ओ आन राप्ओ साथी फीलेमोन्‌य नाङ्‌कायःमा ङीकोः ख्रीस्‌कायः ङ्‌हाम्ओ हौद्याङ् अफीयामा ङीकुस् काम् जाङ्‌ह्ओ आर्‌खीपस्‌मा नाङ्‌कोः कीम्‌हाङः थनःती वाङ्ओ ङ्‌हाम्ओलम्‌कायःमा इ चेती ङा पावुल्इ येसु ख्रीस्‌कोः काम् जाङ्‌ह्‌साकायः थुनती मुओहाङः लेखती ल्‍होक्‌नेःनाङ्‌स। इ चेती ङीकोः ख्रीस्‌कायः ङ्‌हाम्ओ हौ तीमोथीइमा लेखती ल्‍होक्‌तेःनाः।

फीलेमोन् 1:23

येसु ख्रीस्‌कोः काम् जाङ्‌ह्ओकायः ङाकुस् थुनओ एपाफ्रास्इ नमस्‍ते ल्‍होक्‌तेःनाः।

फीलेमोन् 1:9

बुरु नाङ् ल्‍हुङ् राप्‌ती योनःती मुतेःनाः त झ्‍यान्‍ते नाङ्‌कायः ङाइ द्याह् तेओ ह मुलेःनाङः। लौ ङा पावुल्‌पाय् थालवःपा स्‍याव्‌ती झ्‍याल्‍खानहाङः थुनती मुतोक्‌हाङः इतलेः तेनेःनाङ्।

प्रकाश 2:10

फेरी देङी वाङ्‌सा लीह्‌सीःओ बेलाहाङःपाय् रैलाम्। नाङ्‌कायः गुच्‍युक् पेतो ङ्‌हाम्‌तेःनाः त ल्‍हुङ्‌तुक् वेलःती योसाकायः सैतान्इ यात्‌नीस्‌चाक् नाङ्‌कोः मान्‍तालम्‌कायः झ्‍याल्‍खानहाङः थुनताक्‌तेःनै। दस्‌दीन्‌कायः लीह्‌सीःओ च्‍यवःताक्‌तेःनानी इत ङाइ तोनेःनाङ्‌स। ओउः बेलाहाङःमा सात्‌खेःओ बेलाहाङःमा वाङ्‌नाः त खेःया ल्‍हुङ् ग्रमःतलेः मुती ङ्‌हाम्उ दा। ओहाङःसैको नाङ्‌कोः ङ्‌हाम्‌झ्‍याङ्‌कायः ङाइ पेओ रौ जीङः दोःताक्‌नेःनाङ्’