एफेसस् 2:6 - चेपाङ

⁶ ओहाङःसैको ङीकायःपाय् येसु ख्रीस्‌कुस् ब्राङ्‌ताक्आक्‌तीको ओउःकुस्‌लेः ङीकायः उह्‌ती रौ जीङः दोःताक्‌ती लाङ्‌काकोः थाव्‌हाङः च्‍युङःताक्आतय्‍ही।

एफेसस् 2:6 Iomraidhean Croise

मत्ती 26:29

दोङ्‌सी दाय्‍ह्‌भनाङ् ङाकोः परमेस्‍वर्‌ आपाकोः राजीहाङः नाङ्‌कुस् तुङ्‌धाङ्‌माच्‍युक्‌हाङः धाक्‌सायःकोः तीः ङाइ तुङ्‌चाङः जुगु” त दाय्‍ह्‌ती येसुइ तोआथास।

लुका 12:37

सुसु मान्‍तालम् प्रभु वाङ्‌तोक्‌हाङःपाय् चीङ्‌ती र्‍ययःती मुलेःनै ओउःमयःलेः चोङाय्‌तो स्‍याव्‌लेःनै। दोङ्‌सी दाय्‍ह्‌भनाङ् ओउः मान्‍तालम्‌कायः ओउः प्रभुइ लयःलेः चीङ्‌ती जेःगा जेःसाकायः दोल्‌कावःआथास।

युहना 12:26

सुलो ङाकोः काम् जाङ्‌ह्‌सा ग्‍याचै ओउःपाय् ङाकुस् वाह्‌पै। ङा गाःहाङः गाःहाङः मुचाङः ओहाङः ङाकोः काम् जाङ्‌ह्ओलम्‌मा मुनै। सुसुइ ङाकोः काम् जाङ्‌ह्‌चानी ओउःकायःलेः ङाकोः आपाइ ताङ्‌ह्‌ताक्‌नाःथास” त दाय्‍ह्‌ती येसुइ तोआथास।

युहना 14:3

लौ नीङ्‌कायः थेङा ङाइ थाव् जाङ्‌ह्‌ती गम्‌लाङ् आल्‌नाङः। आल्आक्‌तीको ङा नीङ्‌कायः रोम्‌लाङ् फेरी द्यान्‍ह्‌ती वाङ्‌नाङः। रोम्आक्‌तीको ङा गाःताङ् मुचाङः नीङ्‌मा ओहाङः मुसा दोःतेःनै।

एफेसस् 1:1

इ चेती ङा पावुल् त तोओइ नीङ् एफेसस्‌हाङः मुओ येसु ख्रीस्‌कायः ङ्‌हाम्‌तो वाह्ओलम्‌कायः लेखती ल्‍होक्‌नेःनाङ्‌स। ङाकायःपाय् परमेस्‍वर्‌इ लयः झाक्‌ती छ्युङ्‌ह्‌ती ल्‍होक्आताङः।

एफेसस् 1:3

ङीकोः प्रभु येसुकोः परमेस्‍वर्‌ आपाकायः ताङ्‌ह्‌ताक्‌ती तोपाङःसु दोह् हायःती दाय्‍ह्‌सा ओउःइ ख्रीस्‌पाय् ल्‍होक्‌ती सबै लाङ्‌कासै दोःओ पेओ कुरा बयःआतय्‍ही।

एफेसस् 2:10

ङीकायःपाय् ओउःइ ङ्‌हा रय्‍ह्‌ती गम्ओ काम्‌लम् जाङ्‌ह्‌ती वाह्‌साकायःलेः परमेस्‍वर्‌इ ख्रीस्‌कुस्इ जाङ्‌ह्आतय्‍ही।

एफेसस् 2:13

ओउःतलेः खेःआक्‌तेःइतो ख्रीस्इपाय् लयःकोः वयः होती सीधार्‌नालेः द्याह् ओउःकुस् ब्राङ्‌ती ङी यहुदीलम्‌कुस् ङ्र्याःतोलेःतेः स्‍याव्‌तेःनै द्याह्‌पाय् थेथे खेःतेःइली।

कोलसी 1:18

फेरी ख्रीस्‌पाय् सबै ङ्‌हाम्ओलम्‌सै पुःनाः दोह् हायःती दाय्‍ह्‌सा ओउःपाय् सबैसै ङ्‌हा लेःआः। सीआक्‌तीको उह्‌ती च्‍योक्‌सा खेःओमा ओउःपाय् पुःलेःनाः ओउःत झ्‍यान्‍ते ओउः सबैसै ताङ्‌ह्‌लेःनाः।