एफेसस् 2:16 - चेपाङ

¹⁶ ओहाङःसैको सबै यात्‌ज्‍योः स्‍याव्‌ताक्आक्‌तीको येसु ख्रीस्इ ओउःमयःकायः परमेस्‍वर्‌कुस् ब्राङ्‌ताक्आकान्। ओउः नीस् जात्‌पाय् द्याह् क्रुम्‍ह्‌काय्‌चल।

एफेसस् 2:16 Iomraidhean Croise

रोमी 5:10

ङ्‌हापाय् ङी परमेस्‍वर्‌कोः दुस्‍मान् खेःतय्‍हीतो द्याह् ओउःकोः चोः सीधार्‌नालेः ङी परमेस्‍वर्‌कुस् ब्राङ्‌नाःतय्‍ही ओउःत झ्‍यान्‍ते ख्रीस्‌पाय् उह्‌ती सेलः स्‍याव्‌धार्‌नालेः ङी न्‍हाङ्‌तोलेः गुच्‍युक् पेतो दल्‌ताक्‌नाःतय्‍ही।

रोमी 6:6

फेरी इतमा चीःनाःतय्‍ह्‌नी रेव्ओ ल्‍हुङ्‌तुक् वाय्‌ताक्‌साकायः ङीकोः आय् जीङःपाय् ख्रीस्‌कुस्‌लेः क्‍ल्‍याय्ओ सीङःहाङः सीताक्ओआः बा ओउःत झ्‍यान्‍ते ङीकोः रेव्ओ ल्‍हुङ्‌पाय् वाय्ओआः। द्याह् रेव्ओ ल्‍हुङ्‌कोः नोकरी खेःतय्‍हीली

रोमी 8:3

ङी रेव्ओ ल्‍हुङ् नाःओ मान्‍तालम्‌कायःपाय् ओउः आय् ऐन्‌खेइ दल्‌ताक्‌सा खाय्उलु ओउःत झ्‍यान्‍ते परमेस्‍वर्‌इ लयःकोः चोःपाय् मान्‍तालो लेखा स्‍याव्‌साकायः ल्‍होक्आकान्। ङी रेव्‌तो हायःओ मान्‍तालो स्‍याव्आक्‌तीको परमेस्‍वर्‌कोः चोःइ रेव्ओ काम्‌लम् क्‍युम्‍ह्‌ती वाय्‌ताक्‌साकायः लयःकोः आङ् ल्‍हाआकास। एतलेः परमेस्‍वर्‌इ मान्‍ताकोः रेव्ओ काम् न्‍युम्‍ह्‌ताक्‌माआकान्

रोमी 8:7

दोह् हायःती दाय्‍ह्‌सा रेव्ओ ल्‍हुङ् नाःओ मान्‍तापाय् परमेस्‍वर्‌कोः बीरोत् स्‍याव्‌नै परमेस्‍वर्‌कोः ऐन्‌कोः कुरा ग्‍याती जाङ्‌ह्‌नीली। माः रैस ओउः कुरा जाङ्‌ह्‌सापाय् जुगाङ् खाय्‌नीली।

१ कोरीन्‍थी 10:17

यात्‌केरः लाङ्‌मा ङी नाःतोलम्‌कायः सबै थोप्‌नाःतय्‍ही ओउःत खेःओ ङी यातैज्‍योः आङ्‌लो लेखा मुनाःतय्‍ही।

गालाती 2:20

ख्रीस्‌कुस् ङा क्‍ल्‍याय्ओ सीङःहाङः सीङोतो द्याह् ङा उह्‌ती रौ जीङः दोःतीलेः मुनाङः। लयः ह खेःल ख्रीस्‌कुस् ब्राङःती रौ जीङः दोःतीलेः मुनाङः बा। द्याह्‌पाय् ङाकायः राप्‌ती सीओ परमेस्‍वर्‌कोः चोःकायःलेः ङ्‌हाम्‌ती ङा आङ्‌हाङः मुतोक्‌हाङः रौ जीङः नाःती वाह्‌नाङः।

एफेसस् 2:15

ओउःइ लयःकोः आङ् बयःती ऐन्‌कोः कुरा वाय्आक्‌तीको यहुदीलम्‌मा यहुदी खेःमालोलम्‌मा यातैज्‍योः स्‍याव्‌ताक्आतय्‍ही।

एफेसस् 3:6

ओउः कुरापाय् इलेःआः। ख्रीस्‌कोः पेओ समचार्‌ ङ्‌हाम्आकानी त खेःया यहुदी खेःमालोलम् यहुदीलम्‌कुस् ब्राङ्‌ती यातैज्‍योः आङ्‌लो लेखा स्‍याव्‌ती येसु ख्रीस्‌कोः तोती गम्ओ पेओ कुरापाय् सबैलेः दोःआनै।

एफेसस् 4:4

ख्रीस्‌कोः आङ्‌मा यातैज्‍योःलेः ओउःकोः ग्‍वालामःमा यातैज्‍योःलेः। नीङ्‌कायःपाय् परमेस्‍वर्‌इ यातैज्‍योः लोने दोःसा पेओ कुरा त्‍याक्‌सा थेङामा गोत्‌तेःआकाय्।

कोलसी 2:14

ङीकायः गाल्‌तुम्‌ती लेखओ ऐन्‌कोः कुरापाय् ख्रीस्इ ओउःकोः क्‍ल्‍याय्ओ सीङःहाङः गम्‌ती म्‍हीत्‌ती वाय्आकान्।

कोलसी 3:15

ख्रीस्‌सै धोमाय्ओ ल्‍हुङ् दोःती अरुकः पेओ ल्‍हुङ् स्‍याव्‌ती वाह्‌न। एत हायःसाकायः परमेस्‍वर्‌इ नीङ्‌कायः गोत्‌ती यातैज्‍योः स्‍याव्‌तेःताक्‌तेःआकाय्। फेरी सबै कुराकायः “च्‍युता” त तोनु दा।