एफेसस् 2:12 - चेपाङ12 ओउः ङ्हाम्धाङ्मालो बेलाहाङःपाय् नीङ् ख्रीस्सै थेथे खेःआक्तेःइतो फेरी यहुदीलम् खेःतेःइली त झ्यान्ते परमेस्वर्इ तोती गम्ओ कुरा दोःतेःआक्तेःइली। ल्हाव्ह्दैबाङ्हाङः वाह्तोक्हाङः नीङ्इ परमेस्वर्कायः चीःमाःत “ङीजा गलमा पेतोलेः स्याव्तय्हीली” त म्हर्तेःआकाय्। Faic an caibideil |
एफेसस् 2:12
51 Iomraidhean Croise
लौ इ कुरा नोःती छ्यानःसा थेङा ङाइ नीङ्कायः गोत्ती हुम्ताक्नेःआलाङ्स। ‘ङी इस्राएल्कोः मान्तालम्इ ल्युङ्ह्ती मुओ ख्रीस् त तोओपाय् ओउःलेः दाह्ती वाङ्ओआः’ त ङाइ आन छ्यानःती तोआलाङः ओउःत झ्यान्ते तेन्छ्याङ् ङा इ साङ्लाइ पानःतीलेः मुनाङः” त दाय्ह्ती पावुल्इ यहुदीलम्कोः ताङ्ह्ओ मान्तालम्कायः ल्हाक्ती तोआथास।
लौ इ परमेस्वर्इ लयःकोः छ्यानःओ मान्तालम्कायः तोती गम्ओ कुरामा नीङ्कायःलेः स्याव्आनाः। ओहाङःसैको परमेस्वर्इ नीङ्कोः आय्कानः तोकानःलम्कायः तोती गम्ओ कुरामा नीङ्कायः स्याव्लेःनाः ‘लौ नीङ्कोः प्लोमःदानेलम्कःसै सबै ल्हाव्ह्दैबाङ्कोः मान्तालम्कायः ङाकोः आसीक् दोःनाः’ त दाय्ह्ती नीङ्कोः आब्राहाम् त तोओ तोकानःकायः परमेस्वर्इ कुरा तोती गम्आकान्।
फेरी ओउः ङ्हाम्ओलम्कायः छ्यान्ह्सा कुरा आन पेओमा ताङ्ह्ओ लेःआः एत परमेस्वर्इ सबै जात्कोः मान्तालम्कायः छ्यान्ह्आथास। ओहाङःसै ओउः छ्यान्ह्राय्पाय् इलेःआः। नीङ्कःहाङः ख्रीस् मुलेःनाः ओउःत झ्यान्ते लोनेः गुच्युक् पेओतेः स्याव्तेःनै त चीःती नीङ्इ आसती ल्युङ्ह्ती मुसा खाय्तेःनानी।
लौ पुःचोङ् हौचोङ्य सीओ ङ्हाम्ओलम्पाय् गत स्याव्नै त ङाइ नीङ्कायः चीःताक्सा खेःतो। ओउःमयः एनःओलो लेखा मुनै ओउःत झ्यान्ते नीङ्पाय् अरु ङ्हाम्मालो मान्तालम्लो लेखा ल्हुङ् लीह्तोलेः नीङ्कोः सीओ पुःचोङ् हौचोङ्लम्कायः क्रेस्सा परतेःइली। ङ्हाम्मालो मान्तालम्खेइ “लोनेः पेतोलेः स्याव्नाः” त जुगाङ् चीःनीली
एतलेः तोतीमा कीरीया जेःतीमा परमेस्वर्इ नीस्ज्योः जुगाङ् क्लोय्क्सा खाय्मालो कुरा गम्आकान्। इनीस् कुराकायःमा दोह् कुराकायःमा ओउःइ गलमा माःसा खाय्उलु। ओउःत झ्यान्ते “ङी परमेस्वर्कःताङ् दल्साकायः वाङ्ओलम् ओउःकोः तोती गम्ओ कुरा दोःनाःतय्ही” त दाय्ह्ती चीःती ल्हुङ् धोमाय्तो स्याव्नाःतय्ही।
द्याह् ङीकोः प्रभु येसु ख्रीस्कोः परमेस्वर् आपाकायः लाङ्काताङ् त्याव्ती लावार्ताङ् गोय्ह्ती “च्युता” त तोसा खेःतय्हीतो। दोह् हायःती दाय्ह्सा ङीकायःपाय् आन योनःती योती परमेस्वर्इ रौ जीङः दोःताक्नाःतय्ही। येसु ख्रीस्पाय् सीआक्तीको ओउःकायः परमेस्वर्इ उह्ती स्याक्ताक्ओ त चीःती “लोने ङीमा रौ जीङः दोःनाःतय्ही” त दाय्ह्ती आन चोङाय्तो मुनाःतय्ही।
Sanasan