एफेसस् 2:10 - चेपाङ

¹⁰ ङीकायःपाय् ओउःइ ङ्‌हा रय्‍ह्‌ती गम्ओ काम्‌लम् जाङ्‌ह्‌ती वाह्‌साकायःलेः परमेस्‍वर्‌इ ख्रीस्‌कुस्इ जाङ्‌ह्आतय्‍ही।

एफेसस् 2:10 Iomraidhean Croise

मत्ती 5:16

नीङ्इमा ओउःतलेः परमेस्‍वर्‌कोः काम् पेतो जाङ्‌ह्‌ती सबै मान्‍ताकायः छ्यानःती थोङ्‌ताक्‌नु दा। ओहाङःसैको नीङ्‌कोः पेओ काम् च्‍यवःती अरुइ नीङ्‌कोः परमेस्‍वर्‌ आपाकायः ‘ओजायःत पेओलेः’ त दाय्‍ह्‌ती ताङ्‌ह्‌ताक्‌नानी।

युहना 3:21

दोङ् पेतो जाङ्‌ह्ओमयःखे थोङ्ओकःताङ् वाङ्‌नै। परमेस्‍वर्‌कोः पेओ काम् जाङ्‌ह्‌ती झ्‍यान्‍ते ओउः काम् फुतीलेः छ्यानःसा ग्‍यानै।

खबरदुत 9:31

सावुल् आल्आक्‌तीको ओउः यहुदीया अन्‍चल्‌हाङः गालील अन्‍चल्‌हाङःमा समारीया अन्‍चल्‌हाङःमा येसुकायः ङ्‌हाम्ओमयः पेतोलेः मुआकाय्। ओउःमयःकायः अरुलम्इ पानःसा सात्‌सा सुइमा बोङःनीली। येसुकायः ङ्‌हाम्ओमयःइपाय् परमेस्‍वर्‌कायः लुङ्‌ती झाह्‌ती तोआकानी। ओउःमयःकायः परमेस्‍वर्‌कोः ग्‍वालामःइ पेतो स्‍याव्‌ताक्‌ती झ्‍यान्‍ते ओउःमयः नाःतोलेः ब्‍याव्आकाय्।

खबरदुत 9:36

ओहाङःसैको जोपा त तोओ सहर्‌हाङः यात्‌चाक् येसुकोः कुरा ङ्‌हाम्ओ मोमःचोः तबीथा त तोओ खेःतो। एलेनी भासाहाङः ओउःकोः मय्‍ङ् दोर्‌कस् त तोओलेः। दोर्‌कस् त तोओकोः माने “मुन्‍दुली” लेःआः। इ तबीथा त तोओइ ह्र्यात्‌लम्‌कायःमा स्‍यास्‌ती गम्ओ अरु मान्‍तालम्‌कायःमा पेतोलेः जाङ्‌ह्ओ खेःतो।

रोमी 8:1

लौ येसु ख्रीस्इ ङीकायः दल्आतय्‍ही त झ्‍यान्‍ते ङी ओउःकुस् ब्राङ्‌ती मुओलम्‌कायः द्याह् परमेस्‍वर्‌कःसै गाल्‌तुम्‌ती तोसा दोह्‌मा नाःल।

रोमी 8:29

ओउः मान्‍तालम्‌कायःपाय् परमेस्‍वर्‌इ उय्‍ह्‌लेहाङःसै “ङाकोः मान्‍तालम्‌लेः स्‍याव्‌नै” त चीःती “ङाकोः चोःलो लेखालेः स्‍याव्‌पै” त दाय्‍ह्‌ती छ्युङ्‌ह्‌ती गम्आथास। ओहाङःसै लयःकोः मान्‍तालम् एतलेः छ्युङ्‌ह्आक्‌तीको ख्रीस्‌पाय् नाःतो हौचोङ्‌लम्‌सै पुःनाः।

१ कोरीन्‍थी 3:9

ङीखे परमेस्‍वर्‌कोः खेत्‌ल्‍यालो लेखा मुनै नीङ्‌खे परमेस्‍वर्‌इ दोक्ओ राङ्‌लो लेखामा मुतेःनै। नीङ्‌पाय् परमेस्‍वर्‌इ जाङ्‌ह्ओ कीम्‌लो लेखामा मुतेःनै।

२ कोरीन्‍थी 5:17

ओउःत खेःया सुसु ख्रीस्‌कोः मान्‍ता लेःआः ओउःपाय् नया स्‍याव्ओ मान्‍ता खेःलेःनाः। आय् कुरा द्याह् म्‍हीत्‌ती मीह्‌लेःआ लौ सबै कुरा रौलेः खेःनाः बा।

२ कोरीन्‍थी 5:5

एत हायःओ थाङ्‌ताक्‌सा चाक्‌पाय् परमेस्‍वर्‌ लेःआः बा। फेरी इ कुरा लोने स्‍याव्‌नाः त ङीकायः चीःताक्‌सा थेङा ओउःकोः ग्‍वालामः ङ्‌हा बयःआतय्‍ही।

२ कोरीन्‍थी 9:8

नीङ् राह्ओ चीस्‌लम् परमेस्‍वर्‌इ नीङ्‌कायः सबै बयःसातेः खाय्‌तेःनै माः रैस ओउःसै न्‍हाङ्‌तोलेः बयःसा खाय्‌लेःनौ बा। ओउःत झ्‍यान्‍ते नीङ्इ गलकायःमा दोह्‌मातेः राह्‌माःत अरुकायः सबै पेओ काम्‌लम् जाङ्‌ह्‌सा खाय्‌तेःनानी।

गालाती 6:15

पुन् तात्‌सापाय् जवओया जवमालोया दोह्‌मा दयःल। गत दाय्‍ह्‌सा मान्‍ताकायः रौ जीङः दोःसालेः खेःतो ओउः ह ताङ्‌ह्ओ कुरा लेःआः।

एफेसस् 1:1

इ चेती ङा पावुल् त तोओइ नीङ् एफेसस्‌हाङः मुओ येसु ख्रीस्‌कायः ङ्‌हाम्‌तो वाह्ओलम्‌कायः लेखती ल्‍होक्‌नेःनाङ्‌स। ङाकायःपाय् परमेस्‍वर्‌इ लयः झाक्‌ती छ्युङ्‌ह्‌ती ल्‍होक्आताङः।

एफेसस् 1:4

ल्‍हाव्‍ह्‌दैबाङ् जाङ्‌ह्‌धाङ्‌मालोहाङःपाय् ओउःकोः मीक्‌हाङः पेतो छय्‍ङ्‌तो स्‍याव्‌ताक्‌सा थेङालेः परमेस्‍वर्‌इ ङीकायः छीङ्‌ह्आतय्‍ही।

एफेसस् 2:13

ओउःतलेः खेःआक्‌तेःइतो ख्रीस्इपाय् लयःकोः वयः होती सीधार्‌नालेः द्याह् ओउःकुस् ब्राङ्‌ती ङी यहुदीलम्‌कुस् ङ्र्याःतोलेःतेः स्‍याव्‌तेःनै द्याह्‌पाय् थेथे खेःतेःइली।

एफेसस् 2:15

ओउःइ लयःकोः आङ् बयःती ऐन्‌कोः कुरा वाय्आक्‌तीको यहुदीलम्‌मा यहुदी खेःमालोलम्‌मा यातैज्‍योः स्‍याव्‌ताक्आतय्‍ही।

एफेसस् 2:2

ओउः बेलाहाङः नीङ् ल्‍हाव्‍ह्‌दैबाङ्‌कोः मान्‍तालम्‌लो लेखा पेमाःतो वाह्‌ती ओउः लान्‌कोः राजाकोः कुरा ङ्‌हाम्‌तेःआकानी। ओउः लान्‌कोः राजापाय् तेन्‌छ्याङ्‌कोः परमेस्‍वर्‌कायः ङ्‌हाम्‌मालो मान्‍तालम्‌कोः हुकुम् बयःसा राजा लेःआः।

एफेसस् 2:6

ओहाङःसैको ङीकायःपाय् येसु ख्रीस्‌कुस् ब्राङ्‌ताक्आक्‌तीको ओउःकुस्‌लेः ङीकायः उह्‌ती रौ जीङः दोःताक्‌ती लाङ्‌काकोः थाव्‌हाङः च्‍युङःताक्आतय्‍ही।

एफेसस् 4:1

ङा पावुल् त तोओ प्रभुकोः काम् जाङ्‌ह्‌साकायः थुनती मुनाङः। थुनती मुतोक्‌हाङः ङाइ द्याह् इत तेती तोनेःनाङ्‌स। लौ गतलो पेतो स्‍याव्‌साकायः परमेस्‍वर्‌इ गोत्‌तेःआकाय् ओउःतलेः पेतो वाह्‌ती मुन।

एफेसस् 4:24

ओहाङःसै नया मान्‍ता स्‍याव्‌तेःपै। ओउःपाय् दोङ् पेओ छय्‍ङ्‌तो परमेस्‍वर्‌लो लेखा लेःआः।

फीलीपी 1:6

ओउःत झ्‍यान्‍ते नीङ्‌कायः तोहालेः पेतो वाह्‌ताक्ओ परमेस्‍वर्‌लेः ओउःइ देङीमा लोनेःमा येसु ख्रीस् वाङ्‌नम् दीन्‌च्‍युक्‌हाङः पेतोलेः वाह्‌ताक्‌तेःनै एत ङा ल्‍हुङ्‌हाङः म्‍हर्‌नाङः।

फीलीपी 2:13

दोह् हायःती दाय्‍ह्‌सा ओउःकोः लयः झाक्ओ काम् जाङ्‌ह्‌साकायः परमेस्‍वर्‌इ नीङ्‌कायः ग्‍याताक्‌मातेःनै खाय्‌ताक्‌मातेःनै।

कोलसी 1:10

ओहाङःसैको परमेस्‍वर्‌ झाक्ओ कुरापाय् न्‍हाङ्‌तोलेः चीःती नीङ्इ सबै पेओ काम्‌लम् जाङ्‌ह्‌तीलेः वाह्‌ती झ्‍यान्‍ते ओउःकायः गलकायःमा म्रोताक्‌सा खाय्‌तेःनानी।

कोलसी 3:10

रौ जीङःमा रौ ल्‍हुङ्‌तुक्‌मा दोःतेःआकाय्। ओउः रौ ल्‍हुङ्‌तुक्‌पाय् परमेस्‍वर्‌इ लयःकोः ल्‍हुङ्‌तुक्‌लो लेखालेः जाङ्‌ह्‌ती मुनाः त झ्‍यान्‍ते जुगाङ् व्‍हाय्ओ ल्‍हुङ्‌तुक् लेःआः।

२ थेसलोनिकि 2:17

ओउःइमा ङीकोः प्रभु येसु ख्रीस्इमा नीङ्‌कायः ल्‍हुङ् धोमाय्‌ताक्‌ती सबै पेओ काम्‌लम् जाङ्‌ह्‌सा खाय्‌ताक्‌तेःपै।

१ तीमोथी 5:10

ओउः मान्‍ताइपाय् पेओ काम् जाङ्‌ह्ओकायः अरुइ तय्‍ह्‌पाःथास। फेरी ओउःमयः लयःकोः चोःलम्‌कायः पेतो स्‍यान्ओ खेःओ खेःतो अरु मान्‍ताकायः कीम्‌हाङः पेतो रोम्ओमा ङ्‌हाम्ओलम्‌कायः पेतो स्‍यवओमा खेःओ खेःतो। लीह्‌सीःओ गोरःओलम्‌कायः लव्‍ह्ओमा सबै पेओ काम्‌लम् जाङ्‌ह्ओ खेःओ खेःतो।

१ तीमोथी 5:25

ओउःलो लेखालेः कोय् मान्‍ताकोः पेओ काम्‌लम् सबैकायः छ्यानःतो लेःआः अरु ङ्‌हा छ्यानःआक्‌मालो पेओ कुरालम्‌मा लोन्‍तेः छ्यानःतोलेः स्‍याव्‌सा खेःतो

१ तीमोथी 6:18

ओउःमयःइ नाःतो पेओ काम्‌लम् जाङ्‌ह्‌ती आय्‍ह्ओ ल्‍हुङ्इ नाःतो नाःमालोलम्‌कायः बयःपानानी।

२ तीमोथी 2:21

ओउः पेमालो खाल्‌लम् ताती वाय्आकानी त खेःया सबै पेओलेः मुनाः। ओउःतलेः मान्‍ताइ रेव्ओ काम् फेती वाय्आक्‌तीको छय्‍ङ्‌तो स्‍याव्‌ती प्रभुकायः खाले पेओ काम् म्‍ह्याङ्‌ती जाङ्‌ह्‌सा खाय्‌नानी।

२ तीमोथी 3:17

ओहाङःसैको स्‍यान्आक्‌तीको परमेस्‍वर्‌कोः काम् जाङ्‌ह्‌सा मान्‍ता पेतो व्‍हाय्‌तोलेः स्‍याव्‌ती झ्‍यान्‍ते सबै पेओ काम्‌लम् जाङ्‌ह्‌सा र्‍ययःती मुनाः।

तीतस् 2:14

ओउः ख्रीस्इपाय् लयःकोः आङ् ल्‍हाङ्‌ती ङीकायः रेव्ओ काम्‌सै दल्‌ताक्आतय्‍ही छय्‍ङ्‌ताक्‌नाःतय्‍ही। ओहाङःसै ङीपाय् ओउःकोः मान्‍ता ह स्‍याव्‌ती पेओ काम् जाङ्‌ह्‌सा गेतो स्‍याव्‌तय्‍ही।

तीतस् 2:7

नाङ्इमा गलकायःमा पेओ काम् जाङ्‌ह्‌ती ओउःमयःकायः गत हायःती वाह्‌सा त छ्यानःउसु। स्‍यान्ओ बेलाहाङः दोङ् पेओ व्‍हाय्ओ कुरा स्‍यान्उ।

तीतस् 3:1

सर्‌कार्‌कोः मान्‍तालम्‌कोः कुरामा सर्‌कार्‌कोः हुकुम् बयःओलम्‌कोः कुरामा ग्‍याती सायःनु। “पेओ काम्‌मा गलकायःमा गेती जाङ्‌ह्‌नु” त दाय्‍ह्‌ती मान्‍तालम्‌कायः स्‍यान्‌ती तोउ दा।

तीतस् 3:14

ङीकोः मान्‍तालम्इ दोह् दोह् थोक्‌लम् राह्‌तो लेःआः ओउः थोक् दोःताक्‌साकायः काम् पेतो जाङ्‌ह्‌सा खेःइतो। ओउःमयः काम् जाङ्‌ह्‌माःत मुसा स्‍याव्‌ल।

तीतस् 3:8

लौ इपाय् दोङ् ङ्‌हाम्‌सीःआ कुरा लेःआः। इ कुरामा नाङ्इ परमेस्‍वर्‌कोः ङ्‌हाम्ओलम्‌कायः सबै दोङ्‌ह्‌तोलेः स्‍यान्‌सा खेःतो ओहाङःसैको ओउःमयः पेतोलेः हायःती वाह्‌सा खाय्‌नानी। इ कुरापाय् सबैकायः पेलेःनाः स्‍याव्‌लेःनाः।

हेब्रैनी 10:24

ओहाङःसैको ङीपाय् लःलयःकायः योनःतीमा राप्‌तीमा “पेतो हायःनी” त दाय्‍ह्‌ती लव्‍ह्‌काय्इ।

१ पत्रुस् 2:12

परमेस्‍वर्‌कायः ङ्‌हाम्‌मालोलम्‌कुस् मुतोक्‌हाङः सबै पेतो हायःती वाह्‌न ओहाङःसै ओउः मान्‍तालम्इ तेन्‌छ्याङ् नीङ्‌कायः माःती तोतेःइतो लोनेः प्रभु येसु द्यान्‍ह्‌ती वाङ्‌सा दीन्‌हाङः ओउःमयःइ ल्‍हुङ्‌हाङः दोङ् कुरा चीःती नीङ्‌कायः “पेओ लेःआः इ” त दाय्‍ह्‌ती परमेस्‍वर्‌कायः ताङ्‌ह्‌ताक्‌तीलेः तोनानी।

१ युहना 1:7

खेःल ङी ओउःलो लेखा थोङ्ओहाङः वाह्‌ती पेओ जाङ्‌ह्‌नाःतय्‍ह्‌नी त खेःया ब्राङ्‌काय्‌ती मुनाःतय्‍ही फेरी परमेस्‍वर्‌कोः चोः येसु ख्रीस्‌त तोओकोः वयःइ ङीकोः रेव्ओ काम् वाय्‌ती छय्‍ङ्‌ताक्‌नाःतय्‍ही।

१ युहना 2:6

फेरी “ङा परमेस्‍वर्‌कुस् ब्राङ्‌ती वाह्‌नाङःच” त दाय्‍ह्‌ती दाय्‍ह्ओ मान्‍ता ओउःपाय् ख्रीस्‌लो लेखा पेतो वाह्‌सा खेःतो।