एफेसस् 1:23 - चेपाङ

²³ मान्‍ताकोः तालाङ्‌कुस् ओउःकोः आङ्‌ज्‍याङ् यातैज्‍योः लेःआः। ओउःलो लेखालेः ख्रीस्‌कुस्‌लेः ङ्‌हाम्ओलम् यातैज्‍योः स्‍याव्‌नै। ओहाङःसैको ख्रीस्इपाय् सबै कुरा यातैज्‍योः ब्राङ्‌ताक्‌ती स्‍याव्‌ताक्‌नौ।

एफेसस् 1:23 Iomraidhean Croise

युहना 1:16

ङीकायः योनःती योती ओउः नोःराय् त तोओकोः ग्‍वम् आन मुती झ्‍यान्‍ते ङी सबैकायः नाःतोलेः उह्‌ताक्‌ती बयःआतय्‍ही।

रोमी 13:5

ओउःत झ्‍यान्‍ते न्‍युम्‍ह्‌ताक्ओ रैती ह खेःल “एत हायःसा पेलेःनाः” त दाय्‍ह्‌ती ल्‍हुङ्‌हाङः चीःती सर्‌कार्‌इ बयःओ हुकुम्‌लम्‌पाय् ग्‍याती जाङ्‌ह्‌नु।

१ कोरीन्‍थी 12:6

ओउः नाःतो काम्‌लम् जाङ्‌ह्‌साकायःपाय् यातैज्‍योः परमेस्‍वर्‌इ सबै जाङ्‌ह्‌ताक्‌लेःनौ।

१ कोरीन्‍थी 15:28

ओहाङःसैको सबै थोक् क्‍लीमःतो स्‍याव्आक्‌तीको परमेस्‍वर्‌पाय् सबैकोः राजा स्‍याव्‌साकायः ख्रीस्‌कोः राजामा स्‍याव्‌लेःनाः।

एफेसस् 2:16

ओहाङःसैको सबै यात्‌ज्‍योः स्‍याव्‌ताक्आक्‌तीको येसु ख्रीस्इ ओउःमयःकायः परमेस्‍वर्‌कुस् ब्राङ्‌ताक्आकान्। ओउः नीस् जात्‌पाय् द्याह् क्रुम्‍ह्‌काय्‌चल।

एफेसस् 3:10

ओउःत हायःधार्‌नालेः ख्रीस्‌कायः ङ्‌हाम्ओलम्इ तेन्‌छ्याङ् परमेस्‍वर्‌कोः सबै व्‍हाय्ओ कुरालेः लाङ्‌काकोः प्रभुलम्‌कायःमा ताङ्‌ह्ओलम्‌कायःमा चीःताक्‌सा खाय्‌नानी।

एफेसस् 3:19

ओउःकोः राप्ओ चीःसापाय् चीःतेःनानी जुगाङ्‌लेः चीःसा खाय्‌तेःनीली। ओहाङःसै परमेस्‍वर्‌कःसै सबै दोःतेःपै तमा तेती तोनेःनाङ्‌स।

एफेसस् 4:10

फेरी ओउः ग्‍ल्‍युङ्‌ह्ओचाक्‌पाय् लोने जुगाङ् लाङ्‌काकोः त्‍यावःअ लन्‍ह्आ ओहाङः जुदा जोय्‌तोलेः आल्आ।

एफेसस् 4:12

दोह्‌कायः बयःओ दाय्‍ह्‌सा परमेस्‍वर्‌कोः काम् पेतो जाङ्‌ह्‌सा थेङा ख्रीस्इलेः लयःकोः ङ्‌हाम्ओलम्‌कायः पेतो स्‍याव्‌ताक्‌साकायः बयःआथास।

एफेसस् 4:13

ओहाङःसै ङी सबै ब्राङ्‌तोलेः परमेस्‍वर्‌कोः चोःकायः ङ्‌हाम्‌तीमा तय्‍ह्‌तीमा लोने ओउःलो लेखालेः ल्‍हुङ्‌तुक् चोक्‌तो स्‍याव्‌नाःतय्‍ही।

एफेसस् 4:4

ख्रीस्‌कोः आङ्‌मा यातैज्‍योःलेः ओउःकोः ग्‍वालामःमा यातैज्‍योःलेः। नीङ्‌कायःपाय् परमेस्‍वर्‌इ यातैज्‍योः लोने दोःसा पेओ कुरा त्‍याक्‌सा थेङामा गोत्‌तेःआकाय्।

कोलसी 1:24

नीङ्‌कायः पेतो स्‍याव्‌सा थेङा ङा लीह्‌तो गोरःसा त खेःया चोङाय्‌तीलेः मुनाङः दोह् हायःती दाय्‍ह्‌सा ख्रीस्‌कोः आङ् त तोओ सबै ङ्‌हाम्ओलम्‌कायः ख्रीस्‌कोः लीह्ओ दोह् दोह् दाह्‌धाङ्‌माःत मुलेःनाः ओउः लीह्ओलेः ङाइ द्याह् लयःकोः आङ्इलेः दप्‌साकायः गोरःनाङः।

कोलसी 2:19

ओउः मान्‍तालम्‌पाय् सबै ङ्‌हाम्ओलम्‌सै पुःओ ख्रीस्‌कुस् ब्राङ्इली। मान्‍ताकोः आङ्‌पाय् तालाङ्‌कुस् द्योप्‌काय्‌ती मुओ ह आङ्‌मा तालाङ्‌मा सबै सोःलम्‌कुस्इ पेतोलेः ल्‍हेङःसा खाय्‌नौ। ओउःलो लेखालेः ङ्‌हाम्ओलम्‌मा ख्रीस्‌कुस् ब्राङ्‌तो मुओ ह परमेस्‍वर्‌इ सबै छेङःकलःताक्‌नाःथास।

कोलसी 3:11

नीङ् सबै रौ जीङः दोःतेःनै त झ्‍यान्‍ते द्याह् परमेस्‍वर्‌कोः मीक्‌हाङः एलेनीमा यहुदीमा पुन् तात्‌सा जवमालोलम्‌मा पुन् तात्‌सा जवओलम्‌मा बीदेसीलम्‌मा पहारीलम्‌मा नोकरीमा नोकरी खेःमालोलम्‌मा सबै यातैज्‍योः लेःआः थेथे खेःइली दोह् हायःती दाय्‍ह्‌सा ख्रीस्‌पाय् सबै लेःआः सबैकुस् ख्रीस्‌लेः मुनाः।

कोलसी 3:15

ख्रीस्‌सै धोमाय्ओ ल्‍हुङ् दोःती अरुकः पेओ ल्‍हुङ् स्‍याव्‌ती वाह्‌न। एत हायःसाकायः परमेस्‍वर्‌इ नीङ्‌कायः गोत्‌ती यातैज्‍योः स्‍याव्‌तेःताक्‌तेःआकाय्। फेरी सबै कुराकायः “च्‍युता” त तोनु दा।