एफेसस् 1:1 - चेपाङ1 इ चेती ङा पावुल् त तोओइ नीङ् एफेसस्हाङः मुओ येसु ख्रीस्कायः ङ्हाम्तो वाह्ओलम्कायः लेखती ल्होक्नेःनाङ्स। ङाकायःपाय् परमेस्वर्इ लयः झाक्ती छ्युङ्ह्ती ल्होक्आताङः। Faic an caibideil |
एफेसस् 1:1
27 Iomraidhean Croise
ओहाङःसैको ङ्हाम्आक्तीको ओउः लीदीया त तोओ मोमःचोःकायःमा ओउःकोः कीम्कोः मान्तालम्कायःमा बाप्तीस्मा जाङ्ह्आथास। बाप्तीस्मा जाङ्ह्आक्तीको “लौ ङाकायःपाय् ‘प्रभु येसुकोः कुरा दोङ्सीलेः ङ्हाम्नौ’ त ताःतेःनानाङ्स त खेःया ङाकोः कीम्ताङ् मुलाङ् वाङ्न” त दाय्ह्ती तोआताङी। ओउःत होम्ती तोआक्तीको ङी ओउःकोः कीम्ताङ् मुलाङ् आल्आलाङी।
इ कुरा स्यान्साकायः ङाकोः ख्रीस्हाङः आन राप्ओ चोः तीमोथी त तोओ ल्होक्नेःनाङ्स। ओउःइ प्रभु येसुकायः पेतो ङ्हाम्ती झ्यान्ते ङाइ ख्रीस्कायः जाङ्ह्ओमा स्यान्ओ कुरालम्मा ओउःइलेः नीङ्कायः कोदीङःती तोतेःनै। इ कुरा ङाइ सबै हुम्ती वाङ्ओ ख्रीस्कोः कुरा ङ्हाम्ओलम्कायः स्यान्ती तोती मुलेःनाङः।
ओहाङःसैको ओउःमयःपाय् ओउः भेदाकोः चोःकुस् मीन्ह्काय्लेःनै। ओउःकुस् मीन्ह्काय्इतो ओउःमयःकायः ओउः भेदाकोः चोःइ क्लीमःनाःथास दोह् हायःती दाय्ह्सा ओउः भेदाकोः चोःपाय् सबैसै ताङ्ह्ओ प्रभुमा राजा लेःआः बा। ओउःकुस् वाह्ओलम्पाय् ओउःइ छ्युङ्ह्ती गोत्ओ पेतो ङ्हाम्ओ मान्तालम् लेःआः इ” त दाय्ह्ती ओउः ल्होक्ओमयःइ तोआताङः।
फेरी देङी वाङ्सा लीह्सीःओ बेलाहाङःपाय् रैलाम्। नाङ्कायः गुच्युक् पेतो ङ्हाम्तेःनाः त ल्हुङ्तुक् वेलःती योसाकायः सैतान्इ यात्नीस्चाक् नाङ्कोः मान्तालम्कायः झ्याल्खानहाङः थुनताक्तेःनै। दस्दीन्कायः लीह्सीःओ च्यवःताक्तेःनानी इत ङाइ तोनेःनाङ्स। ओउः बेलाहाङःमा सात्खेःओ बेलाहाङःमा वाङ्नाः त खेःया ल्हुङ् ग्रमःतलेः मुती ङ्हाम्उ दा। ओहाङःसैको नाङ्कोः ङ्हाम्झ्याङ्कायः ङाइ पेओ रौ जीङः दोःताक्नेःनाङ्’
नाङ्पाय् गाःहाङःलो याक्तेःनाः ओउःलेः चीःलेःनाङः। सैतान्पाय् राजालो लेखा याक्ओ थाव्हाङःलेः नाङ्मा याक्तेःनाः एत ङाइ चीःलेःनेःनाङ्। ओहाङःलेः याक्तीमा मुतेःनाः बुरु ङाकायः ङ्हाम्तीमा मुलेःतेःनाः। ङाकोः कुरा पेतो छ्यानःओ अन्तीपास् त तोओकायः नाङ्कोः सैतान् मुओ सहर्हाङः सात्तोक्हाङः नाङ्इमा ङाकायः ङ्हाम्ओकायः फेतेःउलु।
Sanasan