२ तीमोथी 4:7
22 Iomraidhean Croise
परमेस्वर्इ ङाकायः “लौ आल्अ दा” त तोती झ्यान्ते यरुसालेम्ताङ् आल्आलाङः। ओहाङः आल्ती ङ्हाम्ओलम्कोः ताङ्ह्ओ मान्ता त तोओलम्कुस् क्रुस्आलाङः। ओउःमयःकुस् झुङ्आले क्रुस्ती क्रुस्तोक्हाङः “ङाइ ङ्हा जाङ्ह्ओ काम्मा जाङ्ह्धै मुओ काम्मा आह्रे स्याव्लाम्” त दाय्ह्ती म्हर्ती यहुदी खेःमालोलम्कायः ङाइ दोह् दोह् पेओ समचार् तोओ खेःतो ओउः सबैलेः ओउः ताङ्ह्ओ मान्तालम्कायः ल्हाक्ती छ्यानःआलाङःसु।
ओउःमयःखेइ एतलेः हायःनानी नाङ्खे ङाकायः गत स्यान्ओ गत वाह्ओ दोह्कायः बोङःओ त कनःती चीःतेःआची। ङाकायःपाय् गुच्युक् ङ्हाम्ओ गुच्युक् गोरःओमा राप्ओमा गुच्युक् लीह्सीःओ च्यवःओ तमा चीःतेःआची। अन्तीयोक् इकोनीयुम् लीस्त्र त तोओ सहर्लम्हाङः ङाकायःपाय् मान्तालम्इ लीह्सीःओ बयःताङःतो ओउः लीह्सीःओ गोरःओसै प्रभुइ ङाकायः दल्ताक्आताङः।
ओउःत दाय्ह्आक्तीको ओउःमयःपाय् लःलयः जोक्कायः यायाःज्योः भाम्ओ क्रमःनाय् बयःओ खेःतो “लौ ओउः नीङ्लो लेखा सात्तोलेः स्याव्सा खेःओ नीङ्कुस् काम् जाङ्ह्ओ साथीलम्मा हौलम्मा ओउःमयःकोः नम्बर् दाह्धाङ्मालो बेलाहाङःच्युक्कायः ल्हुङ् धोमाय्तोलेः ल्युङ्ह्ती मुआक्न” त दाय्ह्ती तोओमा खेःतो।
Sanasan