२ तीमोथी 4:3 - चेपाङ

³ लोने वाङ्‌सा बेलाहाङः मान्‍तालम्इ दोङ् कुरापाय् सायःसा ग्‍यामालो स्‍याव्‌नै। ओउःमयःइ लयः झाक्ओ कुरा स्‍यान्ओलम् आन वानःनानी दोह् हायःती दाय्‍ह्‌सा ओउःमयःइ लयः मोह्‌हाय्ओ जाङ्‌ह्‌सा बोङःनानी।

२ तीमोथी 4:3 Iomraidhean Croise

लुका 20:19

ओउःत तोओ सायःआक्‌तीको “इ वीनःराय् तोती ङीकायः पेमालो तोआतय्‍ही” त दाय्‍ह्‌ती नोःकाय्‌ती ओउः बेलाहाङः ओउः धर्‌मा स्‍यान्ओमयःमा ताङ्‌ह्ओ पुरोहीत्‌लम्इमा येसुकायः चुम्‌सा बोङःनीतो ओहाङः हुम्‌ती मुओ मान्‍तालम्‌कः रैती झ्‍यान्‍ते येसु मन्‍दीर्‌हाङः स्‍यान्‌ती मुतोक्‌हाङः ओउःकायः चुम्‌सा दोःइली।

लुका 6:26

सुसुकायःतेः मान्‍तालम्इ लुङ्‌तीलेः तोतेःचनै ओउः मान्‍तापाय् लीह्‌तोतेः स्‍याव्‌तेःनै। ओउः उय्‍ह्‌लेकोः माःती तोओ ‘परमेस्‍वर्‌कोः कुरा छ्यानःओ मान्‍ता लेःआः ङ’ त दाय्‍ह्ओलम्‌कायःमा अरुलम्इ ओउःतलेः लुङ्‌ती तोआथास” त दाय्‍ह्‌ती येसुइ स्‍यान्‌ती तोआकान्।

युहना 8:45

ङाखेइ दोङ् कुरा तोओ लेःआः ओउः त झ्‍यान्‍ते ङाकायः ङ्‌हाम्‌तेःनीली।

१ कोरीन्‍थी 2:1

ओउःत खेःओ परमेस्‍वर्‌कोः कुरा नीङ्‌कायः तोलाङ् वाङ्‌तोक्‌हाङः ङाइ मान्‍ताकोः व्‍हाय्‌तो चीःती नोःओलेः तोङल।

१ कोरीन्‍थी 2:4

ओउः बेलाहाङः ङाइ मान्‍ताखेकोः ग्‍वम्इलेः व्‍हाय्‌तो कुरा तोङल स्‍यान्‌ङल परमेस्‍वर्‌कोः ग्‍वालामःखेकोः ग्‍वम्इ छ्यानःती तोनेःआलाङ्‌स।

गालाती 4:16

नीङ्इ ङ्‌हापाय् ओउःतलेः राप्‌तेःनाङ्‌सतो दोह् हायःतीतेः नीङ् द्याह् ल्‍हुङ् क्‍लोय्‍क्‌तेःनै। ङाइ दोङ् कुरालेः स्‍यान्‌ती तोती झ्‍यान्‍ते द्याह् ङाकोः बीरोत् स्‍याव्‌तेःनै यादो।

१ तीमोथी 1:10

फेरी ल्‍हास्‍या मान्‍तालम्‌कायःमा गोय्‌चोः गोय्‌चोःकुस् च्‍योत्‌काय्ओलम्‌कायःमा कुःओ स्‍योलम् माःती तोओमा गाल्‌तुम्‌ती तोओ मान्‍तालम्‌मा सबै रेव्‌तो जाङ्‌ह्ओलम्‌कायःमा ओउः ऐन्‌पाय् जाङ्‌ह्ओलेः खेःतो। दोह् दोह्‌लेः दोङ् पेओ स्‍यान्ओलम्इ “इ रेव्ओ काम् लेःआः” त दाय्‍ह्‌ती स्‍यान्‌नानी ओउःकायः छ्यानःसाकायःलेः ओउः ऐन्‌पाय् बयःओ खेःतो।

२ तीमोथी 1:13

लौ ङाइ नाङ्‌कायः स्‍यान्ओ दोङ् कुरापाय् ल्‍हुङ्‌हाङः सेती गम्उ दा। ओहाङःसैको ओउः स्‍यान्‌राय् चीःती येसु ख्रीस्इ बयःओ ङ्‌हाम्ओ ल्‍हुङ्‌मा राप्ओ ल्‍हुङ्‌मा दोःती पेतो वाह्अ दा।

यहुदा 1:18

“लौ ओउः लोनेकोः दीन्‌लम्‌हाङः लयःकोः ल्‍हुङ्‌कोः रेव्‌तो मोह्‌हाय्ओ जाङ्‌ह्ओलम् थाती परमेस्‍वर्‌कोः कुराकायः आन हेला क्‍लाःलाङ् वाङ्‌नै” त दाय्‍ह्‌ती तोओ कुरा नीङ् गीलती घीःती मुसा खेःतो।