२ तीमोथी 4:19 - चेपाङ19 प्रीस्कीला अक्वीलानीस् पय्क्चाःकायःमा ओनेसीफोरस्कोः कीम्हाङः मुओलम्कायःमा नमस्ते बयःचाक्उसु। Faic an caibideil |
२ तीमोथी 4:19
7 Iomraidhean Croise
ओहाङःसैको कोरीन्थहाङः मुओ येसुकायः ङ्हाम्ओलम्कुस् पावुल् आन ज्याङःतो मुआ। ओहाङःसैको लोन्ते ङ्हाम्ओलम्कायः दाम्ती गम्आक्तीको पावुल्पाय् अक्वीला नीस्पय्क्चाःकुस् तीःजहास्हाङः लन्ह्ती सीरीया देस्ताङ् आल्आकाय्। ओहाङःसैको आल्धाङ्माखाहाङः केङ्क्रीया त तोओ सहर्हाङः पावुल्इ परमेस्वर्कायः “लौ लोने यरुसालेम्हाङः ङाइ आन झाह्ती तोनेःनाङ्” त दाय्ह्ती तोती कीरीया जाङ्ह्ती लयःकोः म्याङ् खुर्आकास।
ओहाङः वाङ्आक्तीको पावुल्इ यात्चाक् पोन्तस् सहर्सै वाङ्ओ यहुदी मान्ता क्रुस्आकान्। ओउः मान्ताकोः मय्ङ् अक्वीला त तोओ खेःतो। अनम्ह्लो अक्वीलामा ओउःकोः बुधी प्रीस्कीला त तोओमा रोमी देस्हाङः मुओ खेःचतो। ओहाङःतीको क्लाव्दीयस् त तोओ रोमी देस्कोः राजाइ “लौ ङाकोः देस्हाङः यहुदी मान्तालम् मुलाम्” त दाय्ह्ती हुकुम् बयःआकान्। ओउःत झ्यान्ते अक्वीला नीस्पय्क्चाः ओउः रोमी देस्सै क्रव्ती कोरीन्थ सहर्ताङ् दाह्आकाच।
ओहाङःसैको एफेसस् सहर्ताङ् दाह्आक्तीको आपोलस्इपाय् थनःओ कीम्हाङः पोक्ती ओहाङः फुतीलेः स्यान्ती तोखयःआथास। थनःओ कीम्ताङ् स्यान्ती तोतोक्हाङः ओउःइ तोओ कुरा अक्वीला नीस्पय्क्चाःइ सायःआकाचु। सायःआक्तीको ओउःनीस्इ येसुकोः कुरा सबैलेः पेतो चीःताक्साकायः आपोलस् त तोओकायः लोन्ते पेतो स्यान्आकाचु।
Sanasan