२ तीमोथी 3:5 - चेपाङ

⁵ अरुकोः मीक्‌हाङः परमेस्‍वर्‌कोः काम् जाङ्‌ह्ओलो लेखा मुगार्‌इतो ओउःकोः ग्‍वम्‌लेः जुगाङ् चीःबाय्‌नीली। ओउः खाल्‌कोः मान्‍तालम्‌कुस् ब्राङ्‌तेःचाः क्‍लेत्उसु।

२ तीमोथी 3:5 Iomraidhean Croise

मत्ती 7:15

सु ना सु मान्‍तालम्इ ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त दाय्‍ह्‌ती माःतीलेः तोती वाङ्‌नै ओउःखेकायः पेतो योती धय्‌ती मुन ओउःमयःकायः योओ सायःओ बेलाहाङः ‘इ मान्‍तापाय् पेओलेः’ त ताःसीःनाः यादो खेःल ओउःमयःकोः ल्‍हुङ्‌तुक् जुगाङ् पेल।

एफेसस् 4:14

ओउःत स्‍याव्आक्‌तीको ङीपाय् व्‍हाय्‌धाङ्‌मालो हौलम्‌लो लेखा खेःतय्‍हीली। मारुःइ साङ्‌ह्‌ताक्ओ तीःलो लेखालेः इहाङः उहाङः स्‍यान्‌लाङ् आल्‌मामाःत पेमालो मान्‍ताकोः माःती स्‍यान्ओ कुराखे ङ्‌हाम्‌मामाःत

२ थेसलोनिकि 3:14

इ ङीइ लेखती तोओ कुरा यात्‌चाक्इ सायःसा ग्‍याइली त खेःया ओउःकायः रास्‌ताक्‌साकायः ओउःकुस् वाह्‌लाम्।

२ थेसलोनिकि 3:6

लौ पुःचोङ् हौचोङ्‌य ओउः लीङ्‌हायःती मुओ ङ्‌हाम्ओलम्‌कुस् “वाह्‌तेःचनै” त दाय्‍ह्‌ती प्रभु येसु ख्रीस्‌कोः मय्‍ङ् पेह्‌ती तोनेःनाङ्‌सु। ओउःमयःखेइ ङीइ छ्यानःओ कुरापाय् सायःमाःत वाह्‌नै।

१ तीमोथी 4:7

ओउः उय्‍ह्‌लेकोः दोङ् कुरा खेःमालो ल्‍हाक्‌राय्‌कोः खाल्‌लम्‌मा अरु आह्रे नोःओमा सायःतेःचौ ओउः कुरापाय् दोह्‌मा हायःउलु। परमेस्‍वर्‌कोः ल्‍याम्‌हाङः वाह्‌सा बोङःउ।

१ तीमोथी 4:8

दोम्इ वाह्ओखेइ मान्‍ताकायः पेतो स्‍याव्‌ताक्उलु परमेस्‍वर्‌कोः काम् जाङ्‌ह्‌ती वाह्ओखेइ मान्‍ताकोः जीङःकायः आन पेतो स्‍याव्‌ताक्‌नौ। तेन्‌छ्याङ्‌कोः जीङःकायःमा पेलेःनाः लोने दोःसा रौ जीङःकायःमा पेलेःनाः।

१ तीमोथी 5:8

ओहाङःसै यात्‌चाक् लयःकोः मान्‍तालम्‌कायः स्‍यास्‌सा ग्‍याल त खेःया न्‍हाङ्‌तोलेः लयःकोः कीम्‌कोः मान्‍तालम्‌कायः लयःकोः आमा आपा बाजा बज्‍यय् स्‍यास्‌सा ग्‍याल त खेःया ओउःइ ख्रीस्‌कोः स्‍यान्‌राय् फेआकान् ङ्‌हाम्‌मालो मान्‍तासै पेमालो स्‍याव्‌नाः।

१ तीमोथी 6:5

ओउःमयः रेव्ओ ल्‍हुङ् नाःओलम्इ दोङ् व्‍हाय्ओ कुरा चीःमाःत झ्‍यान्‍ते सबै कुराकायः तानःती नोःकाय्‌सा बोङःनानी। “ङीइ परमेस्‍वर्‌कायः स्‍यवनाःतय्‍ह्‌नी त खेःया पैसा क्‍युसा दोःनाःतय्‍ही” त दाय्‍ह्‌ती ओउःमयः चीःमाःत म्‍हर्‌नाःइसी।

२ तीमोथी 2:16

ल्‍हाव्‍ह्‌दैबाङ्‌कोः आह्रे भाङःती नोःओ कुरालम्‌सै वेङ्‌ती मुस ओउःत आह्रे नोःओइलेः मान्‍तालम्‌कायः परमेस्‍वर्‌कःसै न्‍हाङ्‌तोलेः लोक्‌तो लोक्‌तो स्‍याव्‌ताक्‌नाःथास।

२ तीमोथी 2:23

आह्रे व्‍हाय्‌मालो कुरा नोःओलम्‌कुस् वाह्‌तेःचाः ओउःत हायःओसै काय्‌काय्‌ताक्‌काय्‌सा वाङ्‌नाः इत नाङ्इ चीःतेःनौ।

तीतस् 1:16

“ङीइ परमेस्‍वर्‌कायः तय्‍ह्‌नाङःसु” त दाय्‍ह्‌ती ओउःमयःइ नोःनीतो पेमालो काम् जाङ्‌ह्‌नानी त झ्‍यान्‍ते “परमेस्‍वर्‌कायः तय्‍ह्‌नीली” त सबैकायः छ्यानःओ लेःआः। ओउःमयःपाय् अह्र्सीःओमा ल्‍हुङ् चाक्ओमा मुलेःनै पेओ काम् दोह्‌मा जाङ्‌ह्‌सा खाय्‌नीली।

तीतस् 3:10

ङ्‌हाम्ओलम्‌कायः वेङःकाय्‌सा बोङःओ मान्‍ताकायःपाय् नीस् पेन्‍ह्‌च्‍युक्‌कायः गानाक्‌ती तोउ। तोतीमा ओउःइ सायःउलु त खेःया लौ ओउःकायः पेङ्‌कलःती फेउ दा।