२ तीमोथी 3:3 - चेपाङ

³ अरु सुकायःमा राप्‌मामाःत योनःती योमामाःत अरुकायः माःती गाल्‌तुम्‌ती तोनानी अरुलम्‌कायः आन खह्र्तोलेः नोःनै। लयः मोह्‌हाय्ओ ह जाङ्‌ह्‌ती पेओ काम् जाङ्‌ह्‌साकायः जुगाङ् झाक्इली।

२ तीमोथी 3:3 Iomraidhean Croise

मत्ती 10:21

ओहाङःसैको लोनेः मान्‍ताइपाय् लयःकोः पुःचोङ्‌कायः लयःकोः चोःकायः सात्‌साकायः दाक्‌नानी चोःइपाय् लयःकोः आमा आपाकः अह्र्ती झ्‍यान्‍ते ओउःमयःकायः सात्‌सा बोङःनानी

मत्ती 4:1

ओहाङःसैको बाप्‍तीस्‍मा त्‍याक्आक्‌तीको येसुकायः परमेस्‍वर्‌कोः ग्‍वालामःइ मान्‍ता याक्‌गार्‌सीःमालो बेलाङ्‌ताङ् आलःती गम्‌लाङ् दाक्आथै। ओहाङः मुतोक्‌हाङः सैतान् त तोओ अरुसै ताङ्‌ह्ओ लान्इ येसुकायः “थ्‍योन्‍ह्‌ती होम्‌सा खाय्‌नौया खाय्उलुया” त दाय्‍ह्‌ती योसाकायः आलःआथै।

लुका 10:16

“सुसुखेइ नीङ्इ स्‍यान्‌ती तोओ कुरापाय् ग्‍यातीलेः सायःनानी ओउःलेः ङाकोः कुरापाय् ग्‍याती सायःलेःनानी। सुसुखेइ नीङ्इ स्‍यान्‌ती तोओ कुरापाय् ङ्‌हाम्‌तेःइली ओउःलेः ङाकायःमा ङ्‌हाम्‌ताङःल ङाकायः ल्‍होक्ओ परमेस्‍वर्‌कायःमा ङ्‌हाम्‌लेःनीली” त दाय्‍ह्‌ती येसुइ ओउःकोः बहत्तर्‌ छ्युङ्‌ह्ओमयःकायः तोआथास।

लुका 16:14

ओउःत स्‍यान्‌तोक् बेलाहाङः येसुइ तोओ कुरापाय् फरीसीलम्इ सायःती मुओ खेःतो। ओउःमयःपाय् पैसा क्‍युसालेः आन झाक्‌नै ओउःत झ्‍यान्‍ते ओउःमयःइ येसुइ स्‍यान्ओ कुरापाय् ङ्‌हाम्‌माःत ओउःकायः ङीःआथै।

युहना 6:70

“लौ ङाइ ङ्‌हा बारजन छ्युङ्‌ह्‌नेःआलाङ्‌सु माःदै। छ्युङ्‌ह्‌सापाय् छ्युङ्‌ह्‌नेःआलाङ्‌सु यात्‌चाक्‌खेपाय् सैतान्‌कोः मान्‍ता लेःआः बा” त दाय्‍ह्‌ती येसु दाय्‍ह्आ।

रोमी 1:29

ओउःतलेः ओउःमयःइ जुगाङ् रेव्ओ ल्‍हुङ् स्‍याव्आकाय्। ओउःमयःकोः ल्‍हुङ् लओ ल्‍हुङ् अरुकायः सात्‌सा ल्‍हुङ् अरुकुस् कायःकाय्‌ती ओउःमयःकायः पेमालो हायःसा बोङःओ ल्‍हुङ् स्‍याव्आकाय्।

रोमी 1:31

जुगाङ् चीःमालो स्‍याव्‌ती ओउःमयःइ ङ्‌हा तोओ कुरा लोने दोह्‌मा जाङ्‌ह्‌नीली अरुलम्‌कायः राप्‌मामाःत दोह्‌तमा म्‍हर्‌मामाःत गलमा योनःती योनीली।

१ कोरीन्‍थी 7:5

नीस् पय्‍क्‌चाःपाय् लयःकोः बुधा बुधीकुस् ग्‍यातीलेः एनःपाःच। होम्‌काय्‌ती नोःआक्‌तीको ह परमेस्‍वर्‌कः तेती तोसाकायः यात्‌नीस् दीन्‌लम्‌कायः थेथे एनःसा स्‍याव्‌नाः अरु बेलाहाङः लयःनीस्‌कुस् एनःपाःच उया सैतान्‌सै पेमालो होम्ओ ल्‍हुङ् वाङ्‌चाः।

१ कोरीन्‍थी 7:9

एत हायःसा पेसापाय् पेतोलेः सुखे ग्रमःत मुसा खाय्‌नीली ओउःमयः बीहा जाङ्‌ह्‌पानी। बीहा जाङ्‌ह्ओपाय् आन लीङ्‌हायःती मोह्‌हाय्ओ ल्‍हुङ् मुओसै पेनाः।

१ थेसलोनिकि 4:8

सुसु इ कुरा सायःसा ग्‍यामालो मुचनै ओउःपाय् ङी कुरा स्‍यान्ओ मान्‍ताकः एङःमाःत मुओ खेःल ङीकायः लयःकोः ग्‍वालामः बयःओ परमेस्‍वर्‌कःमा एङःमाःत मुनै।

१ तीमोथी 3:11

ओउःकोः बुधीमा ओउःतलेः पेतो वाह्‌सा खेःइतो माःती गाल्‌तुम्‌ती तोओपाय् स्‍याव्‌ल। ओउःपाय् लीङ्‌हायःमामाःत बाय्‌मामाःत काम् पेतो जाङ्‌ह्‌पनौ।

तीतस् 1:8

ओउःइ सबैकायः पेतो वाङ्‌ह्‌तीलेः रोम्‌सा खेःतो पेओ कुरा झाक्‌ती बोङःओ मान्‍ता खेःसा खेःतो। ओउःपाय् पेओ नीङ्ओ लीङ्‌हायःसा झाक्‌मालो व्‍हाय्ओ ओजायः जय्‌कुमःओ ल्‍हुङ् नाःओ मान्‍ता खेःसा खेःतो।

तीतस् 2:3

फेरी माझ्‍यार्‌मा बुधीलम्‌मा नीङ्‌तोलेः स्‍याव्‌सा खेःतो ओउःमयःइ “अरुकायः पेमालो नोःसामा हान् झाक्‌ती तुङ्‌सामा स्‍याव्‌ल” तमा स्‍यान्उसु दा। ओउःमयःइ पेतो व्‍हाय्‌तोलेः स्‍यान्‌ती

याकुब् 2:6

ओउः खाल्‌कोः मान्‍तालम्‌कायः परमेस्‍वर्‌खेइ पेतोलेः हायःउतो नीङ्‌खेइ ओउःमयःकायः मीतो योती झ्‍यान्‍ते पेमालोतेः हायःतेःनानी बा। फेरी साहुलम्इ नीङ्‌कोः पैसा जेःबत्‌तेःनै माःर। नीङ्‌कायः मुत्‍ध जाङ्‌ह्‌ती न्‍यादेस्‌कःताङ् लात्‌ती आलःतेःनै।

२ पत्रुस् 2:14

ओउःमयःकोः मीक् लुःर्‍यव् मीक् ह। रेव्‌तो जाङ्‌ह्‌साकायः ओउःमयःकोः ल्‍हुङ् गलमा द्युम्‌ल। व्‍हाय्‌तो व्‍हक्‌मालोलम्‌कायः बाय्‍क्‌ती वाय्‌ताक्‌नानी। ओउःमयः ल्‍हह्ओ ल्‍हुङ् झाक्‌ती ह वाह्‌सा चीःनानी ओउःत झ्‍यान्‍ते परमेस्‍वर्‌इ लोने आन न्‍युम्‍ह्‌ताक्‌नाःथास।

२ पत्रुस् 2:19

ओउः रेव्ओ काम् तोहालेः फेओलम्‌कायः ओउः माःती स्‍यान्ओलम्इ “लौ ङीकुस् वाह्‌तेःनै त खेःया नीङ् ऐन्‌कोः नोकरी फेसा खाय्‌तेःनानी” त तोती गम्‌नीतो ओउःमयःपाय् लयःलेः रेव्‌तो काम् जाङ्‌ह्ओ नोकरीलेः स्‍याव्‌नै। सुसु रेव्‌तो जाङ्‌ह्‌साकायः फेसा खाय्‌नीली ओउःपाय् रेव्ओ काम्‌कोः नोकरी मुनै।

२ पत्रुस् 3:3

ल्‍हाव्‍ह्‌दैबाङ्‌कोः द्युम्‌खेःओ दीन्‌लम्‌हाङः लयःकोः ल्‍हुङ्‌कोः रेव्‌तो मोह्‌हाय्ओ काम् जाङ्‌ह्ओलम् थानै त नीङ्इ ङ्‌हालेः चीःसा खेःतो। ओउः मान्‍तालम्इ ङ्‌हाम्ओलम्‌कायः हेला क्‍लाःती

यहुदा 1:16

ओउः मान्‍तालम्‌पाय् अरुलम्‌कायः गलमा काय्‍ह्‌य्‍हाव्‌ती गाल्‌तुम्‌ती मुनै। ओउःमयः लयः ल्‍हुङ्‌कोः मोह्‌हाय्ओलम् जाङ्‌ह्‌नानी लःलयःकोः नेह्‌रो ओर्‌ताक्‌नाःइसी लयः झाक्ओ कुरा दोःसाकायः अरुलम्‌कायः फोल्‍यावःती होम्‌नानी।

यहुदा 1:18

“लौ ओउः लोनेकोः दीन्‌लम्‌हाङः लयःकोः ल्‍हुङ्‌कोः रेव्‌तो मोह्‌हाय्ओ जाङ्‌ह्ओलम् थाती परमेस्‍वर्‌कोः कुराकायः आन हेला क्‍लाःलाङ् वाङ्‌नै” त दाय्‍ह्‌ती तोओ कुरा नीङ् गीलती घीःती मुसा खेःतो।

प्रकाश 13:15

एत हायःआक्‌तीको ओउः साःसै थाओखेइ ओउः मुर्‌तीकायः जीङः बयःसा थेङा ग्‍वम् बयःओ खेःतो। ओहाङःसैको जीङः बयःआक्‌तीको ओउः मुर्‌ती नोःसा खाय्ओ खेःतो ओउःकायः मानसा ग्‍यामालोलम्‌कायःमा सात्‌ताक्‌सा खाय्ओ खेःतो।

प्रकाश 13:17

ओउः चीन्‍हपाय् ओउः ङ्‌हा थाओकोः मय्‍ङ्‌मा ओउःकोः नम्‍बर्‌मा लेःआः। ओउः चीन्‍ह आःताः लात्‌माःत थोक्‌लम् वीनःसाकायःमा लेःसाकायःमा सुकायःमा ताक्‌थासल।

प्रकाश 16:6

परमेस्‍वर्‌कोः मान्‍तालम्‌कायःमा ओउःकोः कुरा छ्यानःती तोओलम्‌कायःमा इ मान्‍तालम्इ सात्‌ती ओउःमयःकोः वयः होताक्आकानी ओउःत झ्‍यान्‍ते ओउः मान्‍तालम्‌कोः पेमालो हायःझ्‍याङ्‌कोः नाङ्इ ओउःमयःकायः वयः तुङ्‌सा बयःतेःनौ। ओउःपाय् स्‍याव्‌लेःनाः” त दाय्‍ह्‌ती ओउः लाङ्‌काकोः ल्‍होक्ओमयः दाय्‍ह्आ।

प्रकाश 17:6

ओहाङःसैको ओउः मोमःचोःइपाय् परमेस्‍वर्‌कोः मान्‍तालम्‌कोः वयःमा येसुकोः काम् जाङ्‌ह्‌साकायः सात्ओलम्‌कोः वयःमा तुङ्‌ती झ्‍यान्‍ते ङोओ लेःआः त ङाइ च्‍यवःआलाङः। ओउः मोमःचोः च्‍यवःआक्‌तीको ङा आन ग्‍याङ्‌ह्आलाङः।