Biblia Todo Logo
Bìoball air-loidhne

- Sanasan -




२ तीमोथी 3:2 - चेपाङ

2 ओउः बेलाहाङःपाय् मान्‍तालम् लःलयःकायः राप्‌नीङ्इसी पैसा आन क्‍युसा बोङःनानी। लःलयःखेकायः “ताङ्‌ह्ओचाक् लेःआः ङ” त दाय्‍ह्‌ती लयःकायः नेह्‌रो ओर्‌ताक्‌नाःइसी अरुखेकायः पेमालो नोःती ओउःमयःइ लयःकोः आमा आपाइ तोओ कुरापाय् सायःसा जुगाङ् ग्‍याइली दोह्‌मा म्‍हर्‌माःत सबै त्‍याक्‌नानी। परमेस्‍वर्‌कोः कुराकः ग्‍यामामाःत

Faic an caibideil Dèan lethbhreac




२ तीमोथी 3:2
43 Iomraidhean Croise  

नीङ्इ इतलेः परमेस्‍वर्‌कोः हुकुम् ल्‍हेत्‌ती वाय्‌ती लःलयः झाक्ओ छ्यात् जवतेःनानी।


ओहाङःसैको येसुइ सबैकायः स्‍यान्‌ती “लौ धय्‌ती मुन दा। अरुकोः थोक्‌लम्‌कायः ल्‍हुङ्‌हाङः लतेःचनै। पैसालम् माल्‌ताल्‌लम् राङ्‌लम् नाःतो क्‍युधार्‌नालेः दोङ् पेओ जीङःपाय् दोःताक्उलु” त दाय्‍ह्‌ती येसुइ तोआथास।


ओउःत स्‍यान्‌तोक् बेलाहाङः येसुइ तोओ कुरापाय् फरीसीलम्इ सायःती मुओ खेःतो। ओउःमयःपाय् पैसा क्‍युसालेः आन झाक्‌नै ओउःत झ्‍यान्‍ते ओउःमयःइ येसुइ स्‍यान्ओ कुरापाय् ङ्‌हाम्‌माःत ओउःकायः ङीःआथै।


ओउःतलेः रेव्‌तो जाङ्‌ह्ओलम्‌खेइ जाङ्‌ह्‌लेःनानी नीङ्‌खेकायः ङाइ इतलेः तोनेःनाङ्‌स। नीङ्‌कायः रेव्‌तो हायःओलम्‌कायःमा राप्‌मानु पेतोलेः हायःमानु। फेरी ‘लौ इ पाय्‍क्‌सा खाय्‌नौ’ त दाय्‍ह्‌ती म्‍हर्‌मामाःत रीन् बयःनु दा। ओहाङःसैको नीङ्इ ओउःत हायःओ त खेःयाकायः नीङ्‌पाय् आन पेतोतेः दोःतेःनै बा। सबैसै ताङ्‌ह्ओ परमेस्‍वर्‌कोः चोःलो लेखालेः स्‍याव्‌तेःनै दोह् हायःती दाय्‍ह्‌सा ओउःइपाय् रेव्‌तो हायःओलम्‌कायःमा ओउःकः ब्‍लाय्‍क्ओ मान्‍तालम्‌कायःमा सबै योनःतीलेः योनौ।


अनम्‍ह् यात्‌चाक् थुदास् त तोओ ‘ङा राजा स्‍याव्‌चाङः’ त तोती चीङ्आ। चार्‌सै जन ओउःकोः कुरा ङ्‌हाम्‌ती ओउःकुस् ब्राङ्‌ती वाह्‌ती सर्‌कार्‌कुस् मीन्‍ह्‌काय्आकाय्। मीन्‍ह्‌काय्‌तोक् बेलाहाङः थुदास्‌कायः सात्ओ खेःतो ओउःकुस् वाह्ओलम्‌मा चीची बीबी त स्‍याव्‌ती क्रव्‌ती क्रव्‌ती पाय्‍ह्आकाय्।


ओउःत झ्‍यान्‍ते ओउः क्‍लय्‍ह्‌ती वाय्ओ दालालो लेखालेः स्‍याव्ओ यहुदीलम्‌खे योती नीङ्‌खेइपाय् लयःकोः नेह्‌रो ओर्‌ताक्‌तेःचनौ। ओउःत हायःसा स्‍याव्‌ल बा दोह् हायःती दाय्‍ह्‌सा नीङ्‌पाय् दालालो लेखा ह मुतेःनै। दालाखेइपाय् तुङःकायः ङुन्‍ह्‌ती तुरःताक्उलु ओउः तुङःखेइ च्‍याती दालाकायः ङ्‌हन्‌तीक् तुरःताक्‌नाःथै।


ख्रीस्‌पाय् सबैकायः ल्‍हाङःती दल्‌ताक्‌साकायः सीआ त खेःओ ओउः दल्ओलम्इ लयःकायः खेःइसीली ओउः सीआक्‌तीको उह्‌ती च्‍योक्ओ ख्रीस्‌कोः काम् जाङ्‌ह्‌साकायः दल्ओआः इ बा।


अरुखे लयःकोः कुराकायः ह बोङःसा झाक्‌नै येसु ख्रीस्‌कोः कुराकायः झाक्इली।


ओउःत झ्‍यान्‍ते दोह्‌खेलो रेव्ओ काम्‌लम् नीङ्इ आङ्‌हाङः मुतोक्‌हाङः जाङ्‌ह्‌सा झाक्‌तेःनै ओउःलेः फेती वाय्‌नु दा। ल्‍हास्‍याकोः ल्‍हुङ्‌मा रेव्‌तो मोह्‌हाय्ओ लओ ल्‍हुङ्‌मा आन क्‍युसा बोङःओ ल्‍हुङ्‌मा फेती वाय्‌नु ती आन क्‍युसा बोङःओपाय् द्यव्‌ता मानओलो लेखा लेःआः रैस बा।


फेरी ओउः रेव्ओचाक्‌पाय् लयःकायः ताङ्‌ह्‌ताक्‌ती सबै मान्‍ताइ मानओ द्यव्‌तालम्‌मा थोक्‌लम्‌मा “ओउःमयःसै ङापाय् ताङ्‌ह्‌तोलेः मुनाङः” त दाय्‍ह्‌ती ओउः थोक्‌लम् मानसा ताक्उलु लयःकायःलेः “ङापाय् परमेस्‍वर्‌ लेःआः ङ” त तोती परमेस्‍वर्‌कोः मन्‍दीर्‌हाङः च्‍युङःनाः।


ओउःमयःकोः य्‍हुमेनीयस् त तोओमा आलेक्‍जान्‍द्रीया त तोओ मुनाःच। ओउःनीस्इ “परमेस्‍वर्‌कायः पेमालो तोलाम्” त स्‍यान्‌साकायः ङाइ सैतान्‌कायः दाक्आलाङःचु।


ओउः ऐन्‌पाय् पेओ मान्‍ताखेकायः जाङ्‌ह्ओ खेःल जुगाङ् पेमालो मान्‍तालम्‌खेकायः जाङ्‌ह्ओ लेःआः बा। परमेस्‍वर्‌कोः कुरा सायःसा ग्‍यामालोलम्‌कायःमा पेमालो ल्‍हुङ् नाःओलम्‌मा आमा आपाकायः सात्ओलम्‌मा अरु मान्‍ताकायः सात्ओलम्‌कायःमा जाङ्‌ह्ओ लेःआः


ओउःपाय् हान् तुङ्‌ती ङोओमा खह्र्ओ मान्‍ता खेःसाकायः स्‍याव्‌ल काङ्ओ नीङ्ओ ल्‍हुङ् नाःओ खेःसाआः बा। फेरी ओउः मान्‍तापाय् पैसा क्‍युती मोह्‌हाय्ओ ल्‍हुङ् नाःसा स्‍याव्‌ल।


दोह् हायःती दाय्‍ह्‌सा पैसा क्‍युसा मोह्‌हाय्ओपाय् सबैकोः रेव्ओकोः जादरः लेःआः। यात्‌नीस्‌चाक्‌खेइ ओउःत क्‍युसा बोङःआकानी त झ्‍यान्‍ते पेतो ङ्‌हाम्ओ फेती आन लीह्‌सीःओ स्‍याव्‌ताक्आकायःइसी।


ओउःपाय् दोह्‌मा चीःमाःत झ्‍यान्‍ते लयःकोः नेह्‌रो ओर्‌ताक्‌नाःइसी। ओउःमयःइ कुरा कुराकायः पेमालो तानःती काय्‌काय्‌सा आन बोङःनानी ओहाङःसैको चोरःओ लओ ल्‍हुङ्‌मा वाङ्‌नाः काय्‌काय्ओ जान्ओ पेमालो नोःओमा वाङ्‌नाः।


ओउःमयः गलमा ङ्‌हाम्‌सीःमालो मुती दोह् काम् खेःयामा लयः ङाःती जाङ्‌ह्‌सा ग्‍यानै। परमेस्‍वर्‌कोः काम्‌खे जाङ्‌ह्‌सा झाक्‌माःत लयः मोह्‌हाय्ओ लुङ्‌ह्‌जेःओ काम्‌लम् ह जाङ्‌ह्‌सा झाक्‌नै।


परमेस्‍वर्‌कोः राजीकोः नीयम् आखरःहाङः इलेः लेखती मुनाः “नाङ्‌कोः लयःकोः वेङ्‌ह्‌ग चेङ्‌ह्‌गकोः मान्‍तालम्‌कायः लयःकायः धेःती राप्‌ती स्‍यास्‌सा खेःतो” त दाय्‍ह्ओ मुलेःनाः। ओउः नीयम् नीङ्इ जाङ्‌ह्‌तेःनानी त खेःया ओउःखे पेलेःनाः।


नीङ् द्याह् ङाःतीलेः लयःकोः नेह्‌रो ओर्‌तेःताक्‌नाःइसी ओउःपाय् पेमालो लेःआः बा।


ओउःपाय् दोङ् कुरा खेःसापाय् खेःतो परमेस्‍वर्‌इ ङीकायः योनःती झ्‍यान्‍ते ओउः मोह्‌हाय्ओसै पुःसा खाय्ओ ग्‍वम् बयःनाःतय्‍ही। “लयःकोः नेह्‌रो ओर्‌ताक्ओलम्‌खेकः परमेस्‍वर्‌ अह्र्लेःनाः ओउः ल्‍हुङ् मीओ मान्‍तालम्‌खेकायः ओउःइ योनःती योती आन ग्‍वम् बयःनौ” त आखरःहाङःमा लेखती मुनाः।


नीङ् लाव्‌मयःलम्‌य ओउः दीक्‌पाल्‌लम्इ तोओ कुरापाय् ग्‍याती सायःनु दा। माः रैस नीङ् सबैइ अरु अरुकायः ल्‍हुङ् युम्‌तीलेः काम् जाङ्‌ह्‌काय्‌न। सुमा लयःकोः नेह्‌रो ओर्‌ताक्‌लाम् दोह् हायःती दाय्‍ह्‌सा परमेस्‍वर्‌कोः आखरःहाङः “लौ लयःकोः नेह्‌रो ओर्‌ताक्‌ती वाह्ओलम्‌खेपाय् परमेस्‍वर्‌ झाक्‌ल मीतो वाह्ओलम्‌खे परमेस्‍वर्‌इ योनःती योती पेतोलेः बयःनाःथास” त दाय्‍ह्‌ती दाय्‍ह्ओ लेखती मुनाः।


परमेस्‍वर्‌इ तोओ कुरा सायःसा ग्‍यामाःत लयःकोः ल्‍हुङ्‌कोः रेव्‌तो मोह्‌हाय्ओ जाङ्‌ह्ओलम्‌कायः ओउःइ न्‍हाङ्‌तोलेः न्‍युम्‍ह्‌ताक्‌नाःथास। ओउः पेमालोलम् लयः ङाःती सुकःमा एङःइली त्‍यावःअ लाङ्‌काहाङः मुओ ताङ्‌ह्ओलम्‌कायःमा एङःमामाःत हेला क्‍लाःनानी।


ओउः मान्‍तालम्‌खेइ जुगाङ् चीःमाःत हेला क्‍लाःनानी। ओउःमयःपाय् चीःमालो चुम्‌ती सात्‌ती वाय्‌सा खेःओ जाःलो लेखालेः रेव्‌तो हायःनानी जाःलो लेखालेःमा सात्‌ती वाय्‌तोलेः स्‍याव्‌नै।


ओउःमयः लयःकोः नेह्‌रो ओर्‌ताक्ओ कुरा नोःती अरु तोहालेः रेव्ओ काम् फेओलम्‌कायः लुःर्‍यव् कुराइ थ्‍योन्‍ह्‌ती फेरी रेव्‌ताक्‌नाःथास।


ओउःमयःकोः ल्‍हुङ् तोल्‌तो स्‍याव्‌ती इ माःती स्‍यान्ओलम्इ लयःकोः ल्‍हुङ्‌सै दोःओ कुरा स्‍यान्‌ती नीङ्‌कोः पैसा आह्रेलेः त्‍याक्‌ती जेःनानी। लौ ओउःमयःकायः ज्‍याङःतोहाङःसैलेः परमेस्‍वर्‌इ तय्‌छनःती योआथास ओउःमयः जुगाङ् न्‍युम्‍ह्‌तोलेः वाय्ओसै सुमा दल्इली बा।


ओउः मान्‍तालम्‌पाय् अरुलम्‌कायः गलमा काय्‍ह्‌य्‍हाव्‌ती गाल्‌तुम्‌ती मुनै। ओउःमयः लयः ल्‍हुङ्‌कोः मोह्‌हाय्ओलम् जाङ्‌ह्‌नानी लःलयःकोः नेह्‌रो ओर्‌ताक्‌नाःइसी लयः झाक्ओ कुरा दोःसाकायः अरुलम्‌कायः फोल्‍यावःती होम्‌नानी।


रुपाय् द्युम्‌मालो तीःकोः चीनःसै मुतोक्‌हाङः तीःसै यात्‌ज्‍योः अरु खाल् थाओ त च्‍यवःआताङः। ओउःपाय् दस् रोङः सात् तालाङ् नाःओ खेःतो। ओउः दस् रोङःहाङःपाय् रोङः रोङःहाङः यात्‌ज्‍योः मुकुत् ल्‍हुप्ओ खेःतो तालाङ् तालाङ्‌हाङः परमेस्‍वर्‌कायः पेमालो जवओ मय्‍ङ् लेखओ खेःतो।


आने परमेस्‍वर्‌इ ओउःमयःकोः जीक्ओ चालम् बयःती झ्‍यान्‍ते ओउःमयःइ परमेस्‍वर्‌कायः प्रनःआकानी लयःकोः पेमालो काम्‌लम् फेनीली।


ओहाङःसैको यात् मौन्‌च्‍युक् लीःओ वेर्‌ मान्‍ताकःताङ् ग्‍लेःआ। ओउःच्‍युक् रैसीःआ महामारी वाङ्‌ती झ्‍यान्‍ते मान्‍तालम्इ परमेस्‍वर्‌कायः प्रनःआकानी।


य्‍हुमःआक्‌तीको मान्‍तालम्इ ओउः महामारी वानःसामा ल्‍होक्‌सामा खाय्ओ परमेस्‍वर्‌कोः मय्‍ङ्‌कायः प्रनःआकानी। ओउःकायः प्रनःनीतो लयःकोः पेमालो काम्‌लम् फेती परमेस्‍वर्‌कायः ताङ्‌ह्‌ताक्‌ती मानसा ओउःमयः ग्‍याइली।


Lean sinn:

Sanasan


Sanasan