२ तीमोथी 2:7 - चेपाङ

⁷ लौ इ ङाइ तोओ कुरापाय् ल्‍हुङ्‌हाङः लाय्उ दा ओहाङःसैको प्रभुइ ओउः कुराकोः माने पेतो चीःताक्‌तेःनाः।

२ तीमोथी 2:7 Iomraidhean Croise

लुका 21:15

पेतो व्‍हाय्‌तो नोःसा ग्‍वम्‌पाय् ङाइलेः नीङ्‌कायः बयःनेःनाङ्‌स बा ओहाङःसैको नीङ्‌कायः गाल्‌तुम्‌सा बोङःओलम्इ नीङ्इ तोओ कुरापाय् त्‍याङ्‌सा खाय्‌नीली।

लुका 24:45

येसुइ परमेस्‍वर्‌कोः आखरःहाङः लेखओ कुरापाय् फेरीलेः छ्यानःती चीःताक्आथास।

लुका 9:44

“लौ इ ङाइ तोओ नीङ्इ ल्‍हुङ्‌हाङः सेतीलेः गम्‌नु दा। ओउः मान्‍ताकोः चोः त तोओकायःपाय् स्‍याङ्‌ह्‌ससै पेमालो मान्‍तालम्‌कःताङ् ल्‍हालाङ् दाक्‌नानी” त दाय्‍ह्‌ती ओउःमयःकायः स्‍यान्‌थासतो

युहना 14:26

ओउःपाय् ङाकोः आपाइ ल्‍होक्‌सा खेःओ दोङ् ग्‍वालामः लेःआः। ओउःइ सबै कुरा स्‍यान्‌तेःनै फेरी ङाइ तोओ कुरापाय् सबै ल्‍हुङ्‌हाङः गीलताक्‌तेःनै।

युहना 16:13

लोने परमेस्‍वर्‌कोः दोङ् कुरा स्‍यान्ओ ग्‍वालामः वाङ्ओहाङः ओउःइ सबै दोङ् कुरा स्‍यान्‌तेःनै। लयःकोः ल्‍हुङ्‌सै चीःओ कुरा खेःल दोह्‌लो ओउःइ सायःनौ ओउःलेः स्‍यान्‌ती तोनौ फेरी लोने ताप्‌ती स्‍याव्‌सा कुरामा छ्यान्‍ह्‌नौ।

१ कोरीन्‍थी 12:8

यात्‌चाक्‌खेकायः परमेस्‍वर्‌कोः ग्‍वालामःइ व्‍हाय्‌तो नोःसा ग्‍वम् बयःनौ अरुखेकायः ओउः ग्‍वालामःइपाय् चीःती नोःसा ग्‍वम् बयःनौ।

फीलीपी 4:8

लौ पुःचोङ् हौचोङ्‌य दोह् कुरालो पेओमा लुङ्‌गार्‌सीःमा खेःलेःनाः ओउः कुरापाय् ल्‍हुङ्‌हाङः सेती मुन। दोह् दोह् दोङ् कुरा लेःआः दोह् दोह् ताङ्‌ह्ओ कुरा पेओ छय्‍ङ्ओ कुरा दोह् दोह् झाक्‌सीःओ सायःगार्‌सीःओ कुरा लेःआः इ खाल्‌कोः कुरालम् सबै ल्‍हुङ्‌हाङः सेती गम्‌नु।

कोलसी 1:9

ओउः कुरा सायःआक्‌तीको नीङ्‌कायः ङीइ परमेस्‍वर्‌कायः दीःमाःत तेती “ओउःमयःकायः नाङ्‌कोः ल्‍हुङ्‌तुक् पेतो चीःताक्‌पानी। नाङ्‌कोः ग्‍वालामःइ सबै व्‍हाय्‌तोलेः चीःताक्‌पाःथास” त दाय्‍ह्‌ती तोनाङःसु।

१ तीमोथी 4:15

इ कुरापाय् म्‍हेःमाःत ल्‍हुङ्‌हाङः घीःतीलेः धुःती जाङ्‌ह्उ ओहाङःसैको नाङ् गुच्‍युक् व्‍हाय्‌तोतेः स्‍याव्‌तेःओ त अरुइ च्‍यवःसा खाय्‌नानी।

२ तीमोथी 2:6

फेरी राङ्‌हाङः काम् हारीनःती जाङ्‌ह्ओ मान्‍ताइलेः ओउः राङ्‌कोः सायः अरुसै ङ्‌हा त्‍याक्‌सा खेःतो।

२ तीमोथी 2:8

येसु ख्रीस्‌पाय् सीओसै उह्‌ती च्‍योक्ओ लेःआः ओउःपाय् राजा दावुद्‌कोः प्‍लोमःदानेलेः खेःनाः। ओउःकोः कुरा म्‍हेःमाःत ल्‍हुङ्‌हाङः सेती गम्उ दा। ओउः कुरापाय् ङाइ थोल्‍ह्‌ती तोओ पेओ समचार्‌ लेःआः।

हेब्रैनी 12:3

अरुइ ओउःकायः रेव्ओ काम् जाङ्‌ह्‌तोक्‌हाङः ओउःत पेमालो हायःओ येसुइ गोरःआकान्। ओउःत गीलती नीङ्‌मा ओउःकोः ल्‍याम् वाह्‌तोक्‌हाङः लीह्‌सीःओ च्‍यवःतेःनानी त खेःया ल्‍हुङ् घ्‍युम्‌तो स्‍याव्‌लाम् ह्र्याम्‌ती दोम् घुन्‍ह्‌ती ग्र्योक्‌तो स्‍याव्‌तेःइली।

हेब्रैनी 13:7

परमेस्‍वर्‌कोः नोःराय् नीङ्‌कायः ङ्‌हा स्‍यान्ओ स्‍यालःओमयःकायः ल्‍हुङ्‌हाङः गीलनु। ओउःमयःइ पेतो हायःती दोह् दोह् पेओ काम् जाङ्‌ह्आकानी त चीःतेःनानी ओउःत झ्‍यान्‍ते ओउःमयःलो लेखालेः इत पेतो ङ्‌हाम्‌ती वाह्‌न दा।

हेब्रैनी 3:1

लौ उया नीङ् छय्‍ङ्‌तो स्‍याव्ओ पुःचोङ् हौचोङ्‌य नीङ्‌कायःमा परमेस्‍वर्‌इ छीङ्‌ह्‌तेःआकाय् ओउःत झ्‍यान्‍ते ङीइ छ्यानःती तोओ परमेस्‍वर्‌इ छ्युङ्‌ह्‌ती ल्‍होक्ओ प्रधान् पुरोहीत् येसुकोः कुरापाय् ल्‍हुङ्‌हाङः लाय्‌नु दा।

हेब्रैनी 7:4

मेल्‌कीसेदेक्‌पाय् गुच्‍युक् ताङ्‌ह्ओ खेःतो दाय्‍ह्‌सा। ङीकोः ताङ्‌ह्ओ तोकानः आब्राहाम्इ सबै ओउः राजासै ल्‍हाओ थोक्‌लम्‌कोः दस् भाक्‌कोः यात्‌ज्‍याङ् भाक् बयःआकान्।

याकुब् 1:5

नीङ्‌कःहाङः यात्‌चाक् ल्‍हुङ् व्‍हाय्‌मालो मुनाः त खेःया ओउःपाय् परमेस्‍वर्‌कः तेती तोसा खेःतो। परमेस्‍वर्‌इ आय्‍ह्ओ खह्र्मालो ल्‍हुङ्इ सबैकायः बयःनौ ओउःत झ्‍यान्‍ते ओउः तेती तोओ कुरामा ओउःइ बयःलेःनौ।

याकुब् 3:15

ओउः माःती तानःकाय्ओ खाल्‌कोः चीःसा कुरा लाङ्‌कासै दोःओ खेःबाय्‌ल ओउःपाय् ल्‍हाव्‍ह्‌दैबाङ्‌कोः लेःआः। परमेस्‍वर्‌कःसै खेःल सैतान्‌सै दोःओआः बा।

याकुब् 3:17

ओउः त्‍यावःअसै दोःओ व्‍हाय्‌तो चीःओ ल्‍हुङ्‌पाय् नीङ्ओ लेःआः। ओउःत व्‍हाय्‌तोलेः चीःओ ल्‍हुङ् नाःओ मान्‍तापाय् खह्र्ओ काय्‌काय्ओ मान्‍तापाय् खेःल। ओउःपाय् काङ्ओलेः अरुकुस् ब्राङ्‌ती वाह्ओ लेःआः अरुकायः योनःती योओ मान्‍ता लेःआः बा ओउःइ पेओ काम्‌लम् आन जाङ्‌ह्‌नौ। ताङ्‌ह्ओ मान्‍तामा मीओ मान्‍तामा सुकायःमा घार्‌ताक्‌तीलेः योनौ ओउःइपाय् ब्रेह्‌तो लेइ नोःउलु।

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।