२ तीमोथी 2:19 - चेपाङ19 यात्नीस्चाक्कायः ब्रःताक्ओ लेःआः बुरु दोह् दोह् परमेस्वर्इलेः लयः तोती गम्आकान् ओउःपाय् ग्रमःत मुओ तोस्बाङ्लो लेखा गलमा वाय्सा खाय्मालो लेःआः। ओउः बाङ्हाङः “लयःकोः मान्तालम्कायः प्रभुइ तय्ह्नाःथास” त दाय्ह्ओमा लेखती मुनाः। फेरी “सुसुइलो येसुकोः मीक्हाङः ओउःकायः ‘प्रभुय’ त दाय्ह्नै ओउःमयःइ रेव्ओ काम् जाङ्ह्ओकायः फेनानी” त दाय्ह्ओमा लेखती मुनाः। Faic an caibideil |
२ तीमोथी 2:19
69 Iomraidhean Croise
सावुल्कायः बोङःती क्रुस्आक्तीको ओउःकायः बर्नाबास्इ अन्तीयोक्ताङ् वानःआथै। ओहाङः ओउः नीस्चाक्इ अन्तीयोक्कोः ङ्हाम्ओलम्कुस् यात् बर्सच्युक्कायः याक्ती नाःतो मान्ताकायः स्यान्आथास। फेरी इ अन्तीयोक् सहर्हाङः अरु थाव्कोः ङ्हासैलेः येसु ख्रीस्कायः ङ्हाम्ओमयःकायः “ख्रीस्त्यान्” त मय्ङ्आथास।
यहुदी खेःमालोलम्कायःमा परमेस्वर्इ गुच्युक् योनःती योनाःथास तमा ख्रीस्पाय् छ्यानःलाङ् वाङ्ओ लेःआः ओहाङःसैको ओउःमयःइमा परमेस्वर्कायः ताङ्ह्ताक्ती मानसा खाय्नानी। “ओउःत हायःओकायः ङाइ यहुदी खेःमालोलम्कःहाङः नाङ् परमेस्वर्कायः ‘च्युता’ त तोलेःनेःनाङ् नाङ्कोः मय्ङ् ताङ्ह्ताक्ओ गीत्लेः मेनाङः” त दाय्ह्ती दाय्ह्ओ परमेस्वर्कोः आखरःहाङः लेखती मुनाः।
ओउः नीस्चोःकोः आपा यात्चाक्लेः खेःतो। यात्चाक् खेःसापाय् खेःतो ओउःनीस् ओत्धाङ्मालो बेलाहाङः पेओ काम् जाङ्ह्ओमा चीःआक्चुलु रेव्ओ काम् जाङ्ह्ओमा चीःआक्चुलु। ओउः बेलाहाङःपाय् “लौ पुःपाय् हौकोः नोकरी स्याव्नाः” त दाय्ह्ती परमेस्वर्इ रेबेकाकायः तोआथै। एतलेः परमेस्वर्इ ओउः याकुब् त तोओ हौकायः लयः झाक्ती छीङ्ह्आथै ओउःनीस्इ जाङ्ह्ओ काम्कायः खेःल परमेस्वर्इ लयः झाक्ती छीङ्ह्आकान्।
नाङ्इ च्यवःओ सात् तालाङ् नाःओपाय् ङ्हालेः मुओ खेःतो देङीपाय् नाःल। ओउःपाय् लोनेः कामः नालासै लन्ह्ती वाङ्नाः। वाङ्आक्तीको जुगाङ् ह्र्योङःती वाय्तोलेः स्याव्नाः। ओहाङःसैको सुसु ल्हाव्ह्दैबाङ्कोः मान्तालम्पाय् सबै जापीनःती न्यास्तोक्हाङःसै ओउःमयःकोः मय्ङ् जीङः नाःओलम्कोः कीताप्हाङः लेखमाःत मुलेःनै ओउःमयःपाय् ओउः सात् तालाङ् नाःआकाय् योती झ्यान्ते ग्याङ्ह्लेःनै दोह् हायःती दाय्ह्सा ओउः सात् तालाङ् नाःओपाय् ङ्हालेः मुओ खेःतो देङीपाय् नाःल लोनेःमा थाती वाङ्लेःनाः।
नाङ्पाय् गाःहाङःलो याक्तेःनाः ओउःलेः चीःलेःनाङः। सैतान्पाय् राजालो लेखा याक्ओ थाव्हाङःलेः नाङ्मा याक्तेःनाः एत ङाइ चीःलेःनेःनाङ्। ओहाङःलेः याक्तीमा मुतेःनाः बुरु ङाकायः ङ्हाम्तीमा मुलेःतेःनाः। ङाकोः कुरा पेतो छ्यानःओ अन्तीपास् त तोओकायः नाङ्कोः सैतान् मुओ सहर्हाङः सात्तोक्हाङः नाङ्इमा ङाकायः ङ्हाम्ओकायः फेतेःउलु।
Sanasan