२ तीमोथी 2:16 - चेपाङ

¹⁶ ल्‍हाव्‍ह्‌दैबाङ्‌कोः आह्रे भाङःती नोःओ कुरालम्‌सै वेङ्‌ती मुस ओउःत आह्रे नोःओइलेः मान्‍तालम्‌कायः परमेस्‍वर्‌कःसै न्‍हाङ्‌तोलेः लोक्‌तो लोक्‌तो स्‍याव्‌ताक्‌नाःथास।

२ तीमोथी 2:16 Iomraidhean Croise

१ कोरीन्‍थी 15:33

लौ माःओ कुरा सायःलाम् सुसु पेमालो मान्‍तालम्‌कुस् वाह्‌चनै ओउःमा ओउःमयः लेखा पेमालोलेः स्‍याव्‌नै।

१ कोरीन्‍थी 5:6

लौ नीङ्‌कोः ङाःती नोःओपाय् स्‍याव्‌ल। क्राक्ओ ओय्‍क्‌हाङः यात् पीन् फताक्‌सा ओखोत् काआक्‌तीको लाङ् जुदालेः फताक्‌नौ त नीङ्इ चीःतेःनानी। ओउःलो लेखालेः यात्‌चाक् रेव्ओ मान्‍ताइपाय् सबै ङ्‌हाम्ओ मान्‍तालम्‌कायः रेव्‌ताक्‌सा खाय्‌नौ।

१ तीमोथी 1:9

ओउः ऐन्‌पाय् पेओ मान्‍ताखेकायः जाङ्‌ह्ओ खेःल जुगाङ् पेमालो मान्‍तालम्‌खेकायः जाङ्‌ह्ओ लेःआः बा। परमेस्‍वर्‌कोः कुरा सायःसा ग्‍यामालोलम्‌कायःमा पेमालो ल्‍हुङ् नाःओलम्‌मा आमा आपाकायः सात्ओलम्‌मा अरु मान्‍ताकायः सात्ओलम्‌कायःमा जाङ्‌ह्ओ लेःआः

१ तीमोथी 4:7

ओउः उय्‍ह्‌लेकोः दोङ् कुरा खेःमालो ल्‍हाक्‌राय्‌कोः खाल्‌लम्‌मा अरु आह्रे नोःओमा सायःतेःचौ ओउः कुरापाय् दोह्‌मा हायःउलु। परमेस्‍वर्‌कोः ल्‍याम्‌हाङः वाह्‌सा बोङःउ।

१ तीमोथी 6:20

अ तीमोथीय नाङ्‌खेकायः बयःओ कुरापाय् पेतोलेः ल्‍हुङ्‌हाङः गम्उ दा। अरु मान्‍ताखेइ “लौ इ पेओ व्‍हाय्ओ कुरा लेःआः” त दाय्‍ह्‌ती दोङ्‌सीलेः आह्रे व्‍हाय्‌मालो कुरा नोःनै। ओउः कुरापाय् गलमा सायःतेःचनौ।

२ तीमोथी 2:14

ओउः कुरापाय् नाङ्इ स्‍यान्ओलम्‌कायः कोदीङःती तोउसु। “लौ स्‍यान्ओ कुराकायः गलमा काय्‌काय्‌तेःचनै” त दाय्‍ह्‌ती ओउःमयःकायः परमेस्‍वर्‌कोः मीक्‌हाङः गानाक्‌ती तोमाउसु। काय्‌काय्‌धार्‌नालेः सायःओलम्‌कायः ब्रःताक्‌नाःथास वाय्‌ताक्‌नाःथास पेओपाय् दोह्‌मा जाङ्‌ह्‌नीली।

२ तीमोथी 2:21

ओउः पेमालो खाल्‌लम् ताती वाय्आकानी त खेःया सबै पेओलेः मुनाः। ओउःतलेः मान्‍ताइ रेव्ओ काम् फेती वाय्आक्‌तीको छय्‍ङ्‌तो स्‍याव्‌ती प्रभुकायः खाले पेओ काम् म्‍ह्याङ्‌ती जाङ्‌ह्‌सा खाय्‌नानी।

२ तीमोथी 3:13

ओउःमयःखेइ लीह्‌सीःओ च्‍यवःनानी रेव्‌तो माःती जाङ्‌ह्ओलम्‌खेइ पेमालो हायःधार्‌ना न्‍हाङ्‌तोलेः रेव्‌तो स्‍याव्‌नै। ओउःमयःइमा अरुकायः तोपाल्‌नानी अरुलम्इमा ओउःमयःकायः तोपाल्‌नाःथास।

तीतस् 1:11

ओउःमयःइ नोःओ खाल्‌कोः कुरापाय् तोल्‍ह्‌ताक्‌ती वाय्‌सा खेःतो दोह् हायःती दाय्‍ह्‌सा पैसा क्‍युसाकायः ह ओउःमयःइ आह्रे दोङ्‌मालो कुरा स्‍यान्‌ती कीम् कीम्‌कोः मान्‍तालम्‌कायः सबै ब्रःताक्‌ती वाय्‌नाःथास।

तीतस् 1:14

ओहाङःसैको ओउःमयःइ यहुदीकोः वीनःराय्‌लम्‌मा दोङ् कुरा सायःसा ग्‍यामालोलम्‌कोः आह्रे नोःओमा सायःओकायः फेनानी।

तीतस् 3:9

ओउः कुराखेपाय् स्‍याव्‌लेःनाः आह्रे त्‍यानःकाय्ओ कुरामा नाःतो होह्र् थेङ्‌सा कुरामा ऐन्‌कोः काय्‌काय्ओ कुराकायःमा फेउ। ओउःत जाङ्‌ह्‌ती दोह्‌मा काम् लोल।

हेब्रैनी 12:15

एत वाह्‌तोक्‌हाङः “सुइमा परमेस्‍वर्‌कोः योनःती योओकःसै ल्‍हेत्‌लाम्” त दाय्‍ह्‌ती घीःतीलेः मुन उया ल्‍हुङ्‌हाङः छुर्‌मु दुङ्‌ती लीह्‌सीःओ स्‍याव्‌ताक्‌ती नाःतो मान्‍ताकायःमा रेव्‌ताक्‌चाःथास।

२ पत्रुस् 2:18

ओउःमयः लयःकोः नेह्‌रो ओर्‌ताक्ओ कुरा नोःती अरु तोहालेः रेव्ओ काम् फेओलम्‌कायः लुःर्‍यव् कुराइ थ्‍योन्‍ह्‌ती फेरी रेव्‌ताक्‌नाःथास।

२ पत्रुस् 2:2

न्‍युम्‍ह्‌ती वाय्ओ स्‍याव्‌सापाय् स्‍याव्‌लेःनै ओउःमयः रेव्ओ काम्‌लम् जाङ्‌ह्‌ती वाह्ओकायः नाःतो अरु मान्‍तालम् तेःती गुल्‍ह्‌ती वाह्‌नै। एत च्‍यवःती परमेस्‍वर्‌कोः दोङ् पेओ वाह्‌सा ल्‍याम्‌कायः “पेमालो” त दाय्‍ह्‌ती अरु मान्‍तालम्इ तोनानी।

प्रकाश 13:14

ओउःतलेः ओउः जाःकोः खाल्‌कःहाङः मुती ग्‍याङ्‌ह्‌राय् जाङ्‌ह्‌सा ग्‍वम् दोःती ओउः साःसै थाओखेइ सबै ल्‍हाव्‍ह्‌दैबाङ्‌हाङः मुओलम्‌कायः माःतीलेः स्‍यान्आकान् “लौ ओउः तीःसै थाओ तरवाल्इ वयःआक्‌तीको सेलः स्‍याव्ओकायःपाय् मानसा थेङा यात्‌ज्‍योः मुर्‌ती जाङ्‌ह्‌नु” त दाय्‍ह्‌ती ओउःइ गानाक्‌तीलेः तोआथास।

प्रकाश 13:3

ओहाङःसैको ओउः दस् तालाङ् नाःओ जाःकायः यात्‌ज्‍योः तालाङ्‌हाङः “सीनाः” त म्‍हर्‌सीःओ ताङ्‌ह्ओ चोत् दोःओ खेःतो। ओउःतलेः खेःतो द्याह् योतोक्‌हाङः सेलः स्‍याव्ओ लेःआः। ओउःत झ्‍यान्‍ते ल्‍हाव्‍ह्‌दैबाङ्‌हाङः मुओलम्इ आन ग्‍याङ्‌ह्‌ती ओउः दस् तालाङ् नाःओ जाःकायः गुल्‍ह्आथै।