२ तीमोथी 2:13 - चेपाङ

¹³ ङीखेइ ओउःकायः ङ्‌हाम्ओ फेनाःतय्‍ह्‌नी त खेःया ओउःखे ङ्‌हाम्‌सीःओ मुलेःनाः गलमा ल्‍हुङ् क्‍लोय्‍क्‌ल।

२ तीमोथी 2:13 Iomraidhean Croise

मत्ती 24:35

फेरी ल्‍हाव्‍ह्‌दैबाङ्‌मा फेल्‌बाङ्‌मा लोन्‍ते म्‍हीत्‌जेःनाः ङाइ तोओ कुरा गलमा मीह्‌ती वाय्‌ल।

रोमी 3:3

यात्‌नीस् यहुदीलम्इ बुरु परमेस्‍वर्‌कोः कुरा ङ्‌हाम्‌साकायः फेआकानी त खेःया ओउःमयःकायः बयःओ तोती गम्ओ कुरापाय् परमेस्‍वर्‌इ वाय्उलु।

रोमी 9:6

ओहाङःसै ओउःमयःइ तेन्‌छ्याङ् नाःतोलेः ख्रीस्‌कायः ङ्‌हाम्‌नीली त झ्‍यान्‍ते परमेस्‍वर्‌इ तोती गम्ओ कुरापाय् गत स्‍याव्ओ दाय्‍ह्‌सा ओउः कुरापाय् वाय्ओलेः खेःल दोह् हायःती दाय्‍ह्‌सा ओउः इस्राएल्‌कोः प्‍लोमःदाने मोमःदानेपाय् सबै परमेस्‍वर्‌इ छीङ्‌ह्ओमयः खेःइली।

१ कोरीन्‍थी 1:9

दोह् हायःती दाय्‍ह्‌सा नीङ्‌कायः येसु ख्रीस्‌कुस् ब्राङ्‌ती मुसाकायः गोत्ओ परमेस्‍वर्‌लेः ओउःपाय् जुगाङ् ङ्‌हाम्‌सीःओ लेःआः। दोह्‌तमा ओउःइ तोलेःनौ ओउःतलेः ओउःइ जाङ्‌ह्‌नौ बा।

१ थेसलोनिकि 5:24

नीङ्‌कायः छ्युङ्‌ह्‌ती गोत्ओ प्रभुइ ओउःतलेः हायःनौ दोह् हायःती दाय्‍ह्‌सा ओउःकायः नीङ्इ आह्रेलेः ङ्‌हाम्ओ खेःल बा।

२ थेसलोनिकि 3:3

ओउःमयःखेइ रेव्‌तो हायःसा बोङःनानी ङीकोः प्रभुखेपाय् ङ्‌हाम्‌सीःओ लेःआः। ओउःइ नीङ्‌कायः ग्‍वम् बयःती रेव्‌तो जाङ्‌ह्‌सा ताक्‌तेःइली।

हेब्रैनी 6:18

एतलेः तोतीमा कीरीया जेःतीमा परमेस्‍वर्‌इ नीस्‌ज्‍योः जुगाङ् क्‍लोय्‍क्‌सा खाय्‌मालो कुरा गम्आकान्। इनीस् कुराकायःमा दोह् कुराकायःमा ओउःइ गलमा माःसा खाय्उलु। ओउःत झ्‍यान्‍ते “ङी परमेस्‍वर्‌कःताङ् दल्‌साकायः वाङ्ओलम् ओउःकोः तोती गम्ओ कुरा दोःनाःतय्‍ही” त दाय्‍ह्‌ती चीःती ल्‍हुङ् धोमाय्‌तो स्‍याव्‌नाःतय्‍ही।