२ तीमोथी 2:12 - चेपाङ12 ङीइ लीह्सीःओ गोरःनाःतय्ही त खेःया ओउःकुस्लेः हुकुम् बयःसा मान्ता स्याव्नाःतय्ही। ओउःकायः ङी “ओउःकोः मान्तापाय् खेःतय्हीली” त दाय्ह्ती क्लेत्ती तोनाःतय्ही त खेःया ओउःइलेः ङीकायःमा क्लेत्नाःतय्ही। Faic an caibideil |
२ तीमोथी 2:12
29 Iomraidhean Croise
“लौ ङीपाय् द्याह् यरुसालेम्ताङ् आल्नाःतय्ही। ओहाङः दाह्तोक्हाङः ओउः मान्ताकोः चोःत तोओकायः अरुइ चुम्ती ताङ्ह्ओ पुरोहीत्लम्मा धर्मा स्यान्ओमयःकःताङ्मा दाक्नाःथै। ओउःमयःताङ् दाक्आक्तीको ओउः ताङ्ह्ओ पुरोहीत्लम्मा धर्मा स्यान्ओमयःइमा ‘लौ इकायः सात्साआः’ त दाय्ह्ती ओउःकायः यहुदी खेःमालोलम्कःताङ् सात्लाङ् दाक्नानी।
सुसुलो तेन्छ्याङ्कोः रेव्तो जाङ्ह्ओ मान्तालम्कःहाङः ङाकःमा ङाइ तोओ कुराकःमा ब्लाय्क्चनै ओउःकः ङा मान्ताकोः चोः त तोओपाय् लोनेः वाङ्सा दीन्हाङः ब्लाय्क्लेःनाः। ओउः दीन्हाङःपाय् ओउः मान्ताकोः चोः आपालो लेखा अङ्ग थङ्गत ताङ्ह्तो स्याव्ती ल्होक्ओमयःकुस् वाङ्नै” त दाय्ह्ती येसुइ स्यान्ती तोआथास।
फेरी ङीपाय् परमेस्वर्कोः चोःलम् खेःनाःतय्ही त खेःया ङी चोःलम्लो लेखालेः परमेस्वर् आपासै पेओ दान् दोःनाःतय्ही। दोह् दोह् पेओलम् परमेस्वर्इ ख्रीस्कायः सेती गम्लेःआकान् ओउःलेः येसु ख्रीस्कुस्इ थाःतोलेः त्याक्मातय्ह्नी। ङीइ ख्रीस्कुस् लीह्सीःओ गोरःमानाःतय्ह्नी त खेःया ओउःकुस् ब्राङ्ती ताङ्ह्तोलेः स्याव्मानाःतय्ही।
दोह् हायःती दाय्ह्सा यात् नीस् परमेस्वर्कोः कुरा ग्यामालोलम् नीङ्कःहाङः अरुइ चीःमाःत वाङ्आकाय्। ओउःमयःइपाय् परमेस्वर्इ योनःती योओ कुरा ङोय्ह्तोलेः स्यान्ती “लौ ङीइ ङ्हाम्ओलम्कायः द्याह् सबै काम् जाङ्ह्सा स्याव्नाः दोह्मा रेव्ओलेः खेःल” त माःती ल्हास्या काम् जाङ्ह्साकायः तोनानी। एत हायःती ङीकोः यातैज्योः प्रभुमा मालीक्मा येसु ख्रीस्कः झाक्माःत मुनै। ओउः खाल्कोः मान्तालम्कायः “न्युम्ह्तोलेः स्याव्नै” त दाय्ह्ओ उय्ह्लेहाङःसै आखरःहाङः लेखओआः बा।
ङापाय् युहना त तोओलेः नीङ्कोः पुः स्याव्ती ङाइ नीङ्कुस् येसुकायः लीह्सीःओ गोरःमानाङः नीङ्कुस्लेः ओउःकोः राजीहाङः मुमानाङः ओउः वाङ्साकायः ल्युङ्ह्तीलेः मुमानाङः। परमेस्वर्कोः नोःराय्मा येसुइ छ्यानःओ कुरामा थोल्ह्ती तोती झ्यान्ते ङापाय् पात्मोस् त तोओ तीःइ तोङःती गम्ओ देस्हाङः थुनतीलेः मुनाङः।
नाङ्पाय् गाःहाङःलो याक्तेःनाः ओउःलेः चीःलेःनाङः। सैतान्पाय् राजालो लेखा याक्ओ थाव्हाङःलेः नाङ्मा याक्तेःनाः एत ङाइ चीःलेःनेःनाङ्। ओहाङःलेः याक्तीमा मुतेःनाः बुरु ङाकायः ङ्हाम्तीमा मुलेःतेःनाः। ङाकोः कुरा पेतो छ्यानःओ अन्तीपास् त तोओकायः नाङ्कोः सैतान् मुओ सहर्हाङः सात्तोक्हाङः नाङ्इमा ङाकायः ङ्हाम्ओकायः फेतेःउलु।
ओहाङःसैको राजा च्युङःसा थाव्लम् च्यवःआलाङः। ओहाङः च्युङःती मुओलम्कायः तय्छनःती योसा ग्वम् बयःओ खेःतो। फेरी येसुकोः दोङ् कुरामा परमेस्वर्कोः नोःराय्मा थोल्ह्ती तोसाकायः पाल्ती सात्ओलम्कोः नामे रुआङ्लम्मा च्यवःआलाङः। ओउःमयःइपाय् ओउः तीःसै थाओकायःमा ओउःकोः मुर्तीकायःमा गलमा मानआक्नीली ओउःकोः चीन्ह जेल्ह्हाङः क्रुत्हाङः गलमा लात्आक्नीली। ओउःमयः सेलः उह्ती स्याव्ती ख्रीस्कुस् यात् हजार् बर्सच्युक्कायः राजालम् स्याव्नै।
Sanasan