२ तीमोथी 2:11 - चेपाङ

¹¹ इपाय् द्याह् दोङ् ङ्‌हाम्‌सीःओ कुरा लेःआः। ङी येसुकुस् सीनाःतय्‍ही त खेःया लोने ओउःकुस् उह्‌ती च्‍योक्‌नाःतय्‍ही।

२ तीमोथी 2:11 Iomraidhean Croise

युहना 14:19

अरु ल्‍हाव्‍ह्‌दैबाङ्‌कोः मान्‍तालम्‌खेइ ङाकायः यात् चीच्‍योक्‌कायः ह च्‍यवःधाङ्‌नाःताङः नीङ्‌खेइ ज्‍याङःतोकायः च्‍यवःतेःनेःनेःनाङ्‌स। ङा सीओसै उह्‌ती च्‍योक्‌नाङः त खेःया नीङ्‌मा च्‍योक्‌तेःनै।

रोमी 6:5

दोह् हायःती दाय्‍ह्‌सा ङी ओउःकुस् ब्राङ्‌ती सीनाःतय्‍ही त खेःया ओउःकुस् ब्राङ्‌तीमा ओउःलो लेखालेः उह्‌ती च्‍योक्‌नाःतय्‍ही।

रोमी 6:8

ओहाङःसैको ङी ख्रीस्‌कुस् सीओ लेःआः त खेःया ओउःकुस् ङी रौ जीङः दोःनाःतय्‍ही त ङ्‌हाम्‌नाःतय्‍ह्‌नी।

२ कोरीन्‍थी 13:4

क्‍ल्‍याय्ओ सीङःहाङः सात्ओ बेलाहाङः ख्रीस्‌पाय् ग्‍वम् नाःआक्‌मालो खेःतो। द्याह् परमेस्‍वर्‌कोः ग्‍वम्‌पाय् दोःती ओउःपाय् उह्‌ती च्‍योक्आक्‌तीको सेलःलेः मुनाः। ङीमा ओउःकुस् ब्राङ्‌तीलेः ग्‍वम् नाःमालो खेःङीतो नीङ्‌कायः काम् जाङ्‌ह्‌साकायः ङीमा ओउःकुस् परमेस्‍वर्‌कोः ग्‍वम् दोःती सेलःलेः वाह्‌नाङी।

२ कोरीन्‍थी 4:10

प्रभु येसुकोः जीङः ङीकोः आङ्‌हाङः मुलेःनाः त छ्यानःसाकायः ङीपाय् येसुलो लेखालेः आङ्‌हाङः गलमा सीखेःओ मुसा खेःनाङी।

१ थेसलोनिकि 4:17

लोने ङी सेलः मुओलम्‌मा ओउःमयःकुस् प्रभु क्रुस्‌साकायः अलवःकोः मुस्‌ताङ् लनःनाःतय्‍ही ओहाङःसै ङी गलकायःमा प्रभुकुस् मुनाःतय्‍ही।

१ थेसलोनिकि 5:10

ङीकायः दल्‌ताक्‌साकायः येसुपाय् सीओआः ओहाङःसैको ओउः वाङ्‌तोक्‌हाङः ङी सीयाकायःमा सेलः मुयाकायःमा गाव् खेःयाकायःमा ङी ओउःकुस् मुसा दोःनाःतय्‍ही।

१ तीमोथी 1:15

लौ इलेः दोङ् ङ्‌हाम्‌सीःओ कुरा लेःआः इपाय् पेतो सायःउ दा। रेव्ओ काम् जाङ्‌ह्ओलम्‌कायः दल्‌ताक्‌सा थेङा येसु ख्रीस्‌पाय् ल्‍हाव्‍ह्‌दैबाङ्‌ताङ् वाङ्ओआः फेरी रेव्‌तो जाङ्‌ह्ओलम्‌कोः ङापाय् सबैसै रेव्‌तो लेःआः ङ।

१ तीमोथी 3:1

इपाय् दोङ् नोःराय् लेःआः। यात्‌चाक्इ ङ्‌हाम्ओलम्‌कोः स्‍यालःओ मान्‍ता स्‍याव्‌सा झाक्‌नाः त खेःया ओउःत हायःसा पेलेःनाः।

तीतस् 3:8

लौ इपाय् दोङ् ङ्‌हाम्‌सीःआ कुरा लेःआः। इ कुरामा नाङ्इ परमेस्‍वर्‌कोः ङ्‌हाम्ओलम्‌कायः सबै दोङ्‌ह्‌तोलेः स्‍यान्‌सा खेःतो ओहाङःसैको ओउःमयः पेतोलेः हायःती वाह्‌सा खाय्‌नानी। इ कुरापाय् सबैकायः पेलेःनाः स्‍याव्‌लेःनाः।