२ तीमोथी 2:1 - चेपाङ

¹ लौ उया नाङ्‌पाय् ङाकोः चोःलो लेखा स्‍याव्‌तेःनाः येसु ख्रीस्इ नाङ्‌कायः योनःती योती बयःओ ग्‍वम् दोःती ल्‍हुङ् क्रोङ्‌तोलेः मुअ।

२ तीमोथी 2:1 Iomraidhean Croise

१ कोरीन्‍थी 16:13

लौ घीःतीलेः रैमाःत ग्रमःत मुती ङ्‌हाम्‌नु

एफेसस् 6:10

लौ उया पुःचोङ् हौचोङ्‌य प्रभुकोः ताङ्‌ह्ओ ग्‍वम् दोःती ग्रमःत मुन दा। ओउःत हायःती नीङ्इ दोह् खेःयामा हायःसा खाय्‌तेःनानी।

फीलीपी 4:13

ख्रीस्इ बयःओ ग्‍वम् दोःआक्‌तीको दोह् खेःयाकायःमा ङाइ लोत्‌ती जाङ्‌ह्‌सा खाय्‌लेःनाङः।

१ तीमोथी 1:18

लौ तीमोथी हौय इ कुरा ङाइ द्याह् तोनेःनाङ्। ओहाङःसै परमेस्‍वर्‌इ नाङ्‌कायः ङ्‌हा तोती गम्ओ कुरा ताप्‌ताक्‌साकायः ओउः कुरा गीलती नाङ् ग्रमःत मुती परमेस्‍वर्‌कोः कुरा चीःती ओउःकायः पेतो ङ्‌हाम्‌ती वाह्‌सा खाय्‌तेःनौ। यात्‌नीस्‌चाक्इ ओउःत हायःओ फेती झ्‍यान्‍ते ओउःमयःकोः ङ्‌हाम्ओपाय् द्याह् वाय्ओ लेःआः।

१ तीमोथी 1:2

नाङ्इ येसु ख्रीस्‌कायः दोङ्‌सीलेः ङ्‌हाम्‌तेःनौ त झ्‍यान्‍ते ङाकोः चोःलो लेखा मुतेःनाः। नाङ्‌कायःपाय् ङीकोः परमेस्‍वर्‌ आपाइमा प्रभु येसु ख्रीस्इमा काङ्‌तीलेः योनःती योती ल्‍हुङ् धोमाय्‌ताक्‌तेःपाः।

२ तीमोथी 1:1

लौ ङाकोः आन राप्ओ चोः तीमोथीय इ चेती ङा पावुल्इ लेखती ल्‍होक्‌नेःनाङ्। ङाकायःपाय् परमेस्‍वर्‌इ लयः झाक्‌ती छ्युङ्‌ह्‌ती झ्‍यान्‍ते “लौ येसु ख्रीस्‌कुस् ब्राङ्‌ती मुओलम्‌पाय् रौ जीङः दोःनाःतय्‍ही” त तोती गम्ओ कुरापाय् थोल्‍ह्‌ती तोसाकायः ओउःइ ल्‍होक्आताङः। ङीकोः परमेस्‍वर्‌ आपामा ङीकोः प्रभु येसुइमा नाङ्‌कायः काङ्‌तीलेः योनःती योती ल्‍हुङ् धोमाय्‌ताक्‌तेःपाः।

२ तीमोथी 1:7

परमेस्‍वर्‌कोः ग्‍वालामःइ बयःओ ल्‍हुङ्‌पाय् रैओ ल्‍हुङ्‌खे खेःबाय्‌ल ओउःइ ग्‍वम् नाःओ राप्ओ खह्र्मालो ल्‍हुङ्‌खे बयःमातय्‍ही।

२ तीमोथी 2:10

एत हायःओ स्‍याव्‌ती ङाइ परमेस्‍वर्‌इ छीङ्‌ह्ओ मान्‍तालम्‌कायः लीह्‌सीःओ गोरःलेःनाङः दोह् हायःती दाय्‍ह्‌सा ओउःमयःइमा येसु ख्रीस्इ जाङ्‌ह्ओ आन पेओ गलमा द्योक्‌मालो जीङः दोःसा खाय्‌नानी।

२ तीमोथी 4:17

ओउःमयःखे सबै क्रव्इतो प्रभुखेइलेः ङाकुस् मुती ग्‍वम् बयःआताङः ओउःत झ्‍यान्‍ते ओहाङः मुओ यहुदी खेःमालोलम्‌कायः ङाइ परमेस्‍वर्‌कोः पेओ समचार्‌ जुदालेः थोल्‍ह्‌ती तोसा खाय्ओ खेःतो। ओहाङःसैको ङा सीओसै दल्‌ताक्ओआः ङ।

२ पत्रुस् 3:18

लौ ङीकायः दल्‌ताक्ओ प्रभु येसु ख्रीस्इ नीङ्‌कायः न्‍हाङ्‌तोलेः बयःती ओउःकोः ल्‍हुङ्‌तुक् चीःताक्‌लेःपै। देङीमा गलकायःमा ङीकोः प्रभु जुगाङ् ताङ्‌ह्‌तोलेः स्‍याव्‌पाः। लौ ओउःतलेः स्‍याव्‌पाः।