२ तीमोथी 1:3 - चेपाङ3 ङाकोः आय्कानः तोकानःलो लेखालेः परमेस्वर्कायः चीःओ नीङ्ओ ल्हुङ्इ ओउःकोः काम् जाङ्ह्लेःनाङः। ओउःत हायःतोक्हाङः नाङ्कोः कुरा गीलती ङाइ आन “च्युता” त दाय्ह्ती न्हीदीङ् याह्दीङ्मा गलकायःमा तेती तोझुङ्नाङः। Faic an caibideil |
२ तीमोथी 1:3
21 Iomraidhean Croise
ओहाङःसैको पावुल् फेरीलेः नोःती “लौ ङापाय् सीलीसीया जील्लाकोः तार्सुस् सहर्हाङः ओत्ओ यहुदी मान्ता लेःआः ङ। लोन्ते इ यरुसालेम् सहर्ताङ् वाङ्ती ङाइ गामालीएल् त तोओ मास्तर्कःहाङः ङीकोः आय्कानः तोकानःइ जवओ ऐन् पेतो स्यान्आलाङःस। नीङ्लो लेखा ङाइ परमेस्वर्कोः कुरा जाङ्ह्ओ आन पेतोलेः झाक्ती जाङ्ह्आलाङः।
ओउः हुम्ओ मान्तालम्कःहाङः चीङ्ती पावुल्इ ओउःमयःकायः धय्ती योती “लौ पुःचोङ् हौचोङ्य ङाइ गलमा परमेस्वर्कोः मीक्हाङः पेतो जाङ्ह्ती वाह्आलाङः तेन्छ्याङ्मा ओउःतलेः वाह्लयःनाङः” त दाय्ह्ती तोउतो ओउः कुरा सायःती ओउः प्रधान् पुरोहीत् हननाया त तोओइ पावुल्कोः चीनःसै चीङ्ती मुओलम्कायः तोती ओउःकायः पाङःती घान्ताक्आथै।
ङाइ इतलेः ह जाङ्ह्आलाङः बा। येसु त तोओकोः कुराकायः ङ्हाम्ती जाङ्ह्ती ङाइ ङीकोः आय्कानः तोकानःकोः परमेस्वर्कायः झाह्ती तोलेःनाङः। येसुकोः कुराकायःपाय् इ यहुदीलम्खेइ ‘ङीइ स्यान्ओ कुरासै थे कुरा लेःआः’ त दाय्ह्ती तोनानी। ङाइ परमेस्वर्कायःमा झाह्ती तोलेःनाङः सबै मोसाकोः ऐन्कोः कुरामा उय्ह्लेकोः परमेस्वर्कोः कुरा छ्यानःओमयःइ तोओ कुरामा ङाइ सबै ङ्हाम्मानाङः।
ल्हाव्ह्दैबाङ्हाङः ङीपाय् दोङ् नीङ्तो रेव्मालो ल्हुङ्इ पेतो हायःती वाह्आलाङी। नीङ्कःहाङःमा ङी न्हाङ्तोलेः ओउःत पेतो हायःलाङ् वाह्आलाङी। ओउःत वाह्ओ बेलाहाङःपाय् ङीकोः व्हाय्तो चीःओपाय् मान्ताकःसै दोःओ खेःल परमेस्वर्कःसै दोःओ लेःआः बा। ओउःत झ्यान्ते ङी ल्हुङ्हाङः ङाःतीलेः नोःसा खाय्नाङःसु।
Sanasan