२ तीमोथी 1:12 - चेपाङ12 ओउःत हायःती झ्यान्ते ङा द्याह् लीह्सीःओ गोरःतीलेः मुनाङः। लीह्सीःओ गोरःसापाय् गोरःलेःङोतो बुरु ङा ल्हुङ् घ्युम्तो स्याव्ङल दोह् हायःती दाय्ह्सा ङाइ ङ्हाम्ओचाक्पाय् “सुलो” त ङाइ पेतोलेः तय्ह्नाङः। दोह् दोह् ङाइ ओउःकुस् गम्आलाङः ओउःलेः ओउः लोनेः वाङ्नम् दीन्च्युक्कायः ओउःइ लयःकुस् पेतोलेः ओम्पायःती गम्बत्नाःताङः ओउःत ङाइ पेतो चीःती र्याङःमामाःत मुनाङः। Faic an caibideil |
२ तीमोथी 1:12
58 Iomraidhean Croise
ओउःत गानाक्ती तोङुसुतो “नीङ्इ इच्युक्लेः र्याःती झ्यान्ते ङाकोः ल्हुङ् लीह्तेःताक्तेःनाङ्स। इपाय् परल ङाकोः प्रभु येसुकोः काम् जाङ्ह्साकायः ओउः यरुसालेम्कोः मान्तालम्इ ङाकायः पानःनाःताङः त खेःयामा सात्नाःताङः त खेःयामा दोह् खेःयामा ङा आल्सा ग्यालेःनाङः” त दाय्ह्ती पावुल् त्याङ्आ।
ओउः पेओ नोःराय्पाय् थोल्ह्ती तोतोक्हाङः ङाइ गत खेःयाकायःमा रास्माःत ङाःतोलेः तोनाङः। ओउः नोःराय्पाय् परमेस्वर्कोः ग्वम् दोःताक्ओ नोःराय् लेःआः दोह् हायःती दाय्ह्सा ङ्हाम्आक्तीको सबै मान्तालम् दल्तो स्याव्नै। ङ्हापाय् यहुदीलम्इ लोने यहुदी खेःमालोलम्इ ङ्हाम्ती दल्तो स्याव्सा खाय्नानी।
परमेस्वर्कोः आखरःहाङःमा “लौ यहुदीलम्कोः सीओन् त तोओ मुल् सहर्हाङः यात्चाक् ङाकोः मान्ता गम्नाङः। ओउःपाय् ल्याम्हाङः मुओ क्वेन्ह्सा बाङ्लो लेखालेः मुनाः। नाःतो मान्तालम्खे ओउःकः दाह्ती त्योक्ती तोन्इतो सुसुखेइ ओउःकायः ङ्हाम्नौ ओउःपाय् ल्हुङ् घ्युम्तोलेः स्याव्ल” त दाय्ह्ती लेखती मुनाः।
इ कुरामा सबै ल्हाव्ह्दैबाङ्कोः पेओ कुरामा “आह्रे लेःआः” त म्हर्ती जुगाङ् फेती वाय्आलाङः। ओहाङःसै ओउः न्हाङ्तोलेः पेओ कुरापाय् ङाकोः प्रभु येसु ख्रीस्कायः तय्ह्सा दोःनाङः। ख्रीस्कोः मान्ता स्याव्साकायः सबै अरु कुराकायः “आह्रे वाय्सा खेःओ धान्ह्लम्लो लेखालेः” त म्हर्ती फेती वाय्आलाङः बा
ओउःमयःखेइ फेताङःतो ओनेसीफोरस्खेइ ङाकःताङ् आन वाङ्ती झ्यान्ते ङाकायः आन ल्हुङ् धोमाय्ताक्आताङः। रोम् सहर्ताङ् दाह्ती वाङ्तोक्हाङः ङा झ्याल्खानहाङः मुओहाङः ओउःइ दोह्मा रैमाःत ङाकायः साक्साक्त बोङःती लोने क्रुस्आताङः। ओउःत झ्यान्ते ओउः लोनेः वाङ्सा खेःओ दीन्हाङः ओउःकायःमा ओउःकोः कीम्कोः मान्तालम्कायःमा प्रभुइ योनःती योपाःथास। ओउःतलेः प्रभुपाय् योनःती योसाकायः झाक्चाक्पाः ती। ङा एफेसस्हाङः मुओ बेलाहाङः ओउःइ ङाकायः आन लव्ह्आताङः ओउःतमा नाङ्इ चीःनौ।
ङीकायः स्यालःओ येसुकायः जुःतीलेः योनी। ङीइ ङ्हाम्ओकायः येसुइ स्यालःमानाःतय्ही ताप्माताक्नाःतय्ही। ओउःपाय् “लोने पेओ चोङाय्ओ बेला वाङ्नाः” त म्हर्ती ओउः क्ल्याय्ओ सीङःहाङः आन लीह्सीःओ गोरःती लयःकायः दोह्तमा म्हर्माःत अरुकोः मीक्हाङः “मीतो स्याव्पाङः” त म्हर्ती सीलेःआ। द्याह् ओउःपाय् परमेस्वर्कोः गुल्ह्दाङ् स्याव्ती ओउःकोः ङोय्दोसै राजा च्युङःसा थाव्हाङः मुलेःनाः।
ओउःत खेःओ नीङ्कःहाङः सुसुइपाय् परमेस्वर् झाक्ती झ्यान्ते लीह्सीःओ च्यवःनानी ओउः मान्तालम् पेओ काम् जाङ्ह्ओ फेमामाःत “लौ परमेस्वर्इ ङीकायः ओम्पायःती गम्नाःतय्ही” त दाय्ह्ती ओउःकायः ङ्हाम्तोलेः मुपै। ओउः सबै थोक्लम् जापीनःती न्यास्ओ परमेस्वर्पाय् ओउःइ तोती गम्ओ कुरापाय् गलमा ताप्ताक्नौ बा।
Sanasan