२ थेसलोनिकि 3:8 - चेपाङ

⁸ सुकोःमा जेःगा तुङ्‌गा सोह्‌लेः जेःङुसुलु। नीङ्‌कायः दुख बयःसा ग्‍यामाःत झ्‍यान्‍ते ङीइ न्‍हीदीङ् याह्‌दीङ्‌हाङः लयःकायः केलःती काम् जाङ्‌ह्आलाङःइसी।

२ थेसलोनिकि 3:8 Iomraidhean Croise

मत्ती 6:11

लौ ङीकायः दीन्‌का दीन् जेःगा दोःताक्‌ताङी दै।

खबरदुत 18:3

ओहाङःसैको अक्‍वीला नीस्‌पय्‍क्‌चाः पावुल्‌लो लेखा पाल् कीम् जाङ्‌ह्ओ काम् धुःती जाङ्‌ह्आकाचु ओउःत झ्‍यान्‍ते क्रुस्आक्‌तीको पावुल्‌पाय् ओउःनीस् पय्‍क्‌चाःकुस् मुआकाय्।

१ कोरीन्‍थी 4:12

ङी लयःकोः क्रुत्इ आन काम् जाङ्‌ह्‌नाङःसु। अरुखेइ ङीकायः प्रनःनाःताङी प्रनःतोक्‌हाङः ङीखेइ आसीक् बयःनाङःसु अरुइ बयःओ लीह्‌सीःओ ङी गोरःनाङःसु।

१ कोरीन्‍थी 9:4

ङाकोः काम् जाङ्‌ह्‌झ्‍याङ्‌कायः जेःगा तुङ्‌गा दोःसा त्‍याक्‌लेःनाः माःर।

२ कोरीन्‍थी 11:27

काम् जाङ्‌ह्‌ती आन द्योत्‌झुङ्‌ङोतो आन याह्‌दीङ्‌हाङः एनःसा दोःमालो मुझुङ्‌ङोतो आन योङ्‌क्राय्‌ती तीः अप्‌ती तोय्‍ङ्‌झुङ्‌ङोतो नाःतो पेन्‍ह्‌कायः जेःगा तुङ्‌गा नाःमाःत नाय् नाःमाःत न्‍याम् झ्‍युङ्‌तीलेः आन सीखेःझुङ्आलाङः।

२ कोरीन्‍थी 11:9

फेरी नीङ्‌कःहाङः मुओ बेलाहाङः ङा राह्ओ चीस्‌लम् नीङ्‌कःसै दोह्‌मा त्‍याक्‌ङल मासीदोनीया देस्‌सै वाङ्आ ङ्‌हाम्ओलम्‌कःसै ह त्‍याक्आलाङः। ओउःत हायःतीलेः ङ्‌हासैमा ङाइ सुकायःमा सावःताक्‌नेःनाङ्‌सल लोनेमा सावःताक्‌नेःनाङ्‌सल।

एफेसस् 4:28

क्रुत् ह्रन्‍ह्ओ मान्‍तापाय् ताः ताः कुःताःनुलु ओउःइ लयःकोः क्रुत्इ पेओ काम् जाङ्‌ह्‌पानी। ओहाङःसै ओउःइपाय् लयःकोः जेःगा तुङ्‌गा लेःसामा खाय्‌नानी नाःतो नाःमालोलम्‌कायः बयःसामा खाय्‌नानी।

१ थेसलोनिकि 2:9

लौ पुःचोङ् हौचोङ्‌य ङीइ नीङ्‌कःहाङः हारीनःती जाङ्‌ह्ओ काम्‌पाय् चीःतेःनानी माःर। परमेस्‍वर्‌कोः पेओ समचार्‌ थोल्‍ह्‌ती तोतोक्‌हाङः ङीइ नीङ्‌कःसै जेःगा तुङ्‌गामा दोह्‌मा तेङीली। न्‍हीदीङ् याह्‌दीङ्‌कायः ङीइ केलःती अरुइ बयःओ काम् जाङ्‌ह्‌ती जेःआलाङःसु।

१ थेसलोनिकि 4:11

ङीइ ङ्‌हा तोओलो लेखालेः अरुकोः काम् योमामाःत लयःकायः काम् केलःती जाङ्‌ह्‌नीङ्इसी

२ थेसलोनिकि 3:12

ओउःमयःखेकायः ङीइ प्रभु येसु ख्रीस्‌कोः मय्‍ङ् पेह्‌ती “लयःकायः काम् केलःती जाङ्‌ह्‌ती झेती मुपनै” त दाय्‍ह्‌ती तोनाङःसु बा।