२ थेसलोनिकि 2:1 - चेपाङ

¹ लौ पुःचोङ् हौचोङ्‌य ङीकोः प्रभु येसु ख्रीस् वाङ्‌सा कुरामा ङी ओउःकःताङ् हुम्‌ती वानःसा कुरामा द्याह् तोसा खेःतो।

२ थेसलोनिकि 2:1 Iomraidhean Croise

मत्ती 16:27

ओउः वाङ्‌सा खेःओ दीन्‌हाङः ओउः मान्‍ताकोः चोः त तोओपाय् परमेस्‍वर्‌ आपालो लेखा अङ्‌ग थङ्‌ग त ताङ्‌ह्‌तोलेः ल्‍होक्ओमयःकुस् वाङ्‌नै। वाङ्आक्‌तीको मान्‍ता मान्‍ताकायः पेपेओ जाङ्‌ह्ओलम्‌खेकायः पेतो जाङ्‌ह्‌झ्‍याङ्‌कायः बयःनौ रेव्ओ जाङ्‌ह्ओलम्‌खेकायः पेमालो बयःनौ

मत्ती 16:28

दोङ्‌सी दाय्‍ह्‌भनाङ् यात्‌नीस् इहाङः सायःती मुओ मान्‍तालम्इ लयः सीमाच्‍युक्‌हाङःलेः ओउः मान्‍ताकोः चोःकोः राजी च्‍यवःसा दोःनै” त दाय्‍ह्‌ती येसुइ तोआथास।

मत्ती 24:31

वाङ्आक्‌तीको ओउःइ लाङ्‌काकोः ल्‍होक्ओमयः ताङ्‌ह्ओ तुरहीकोः हाव्‌नयःकुस्इ ल्‍होक्‌ती परमेस्‍वर्‌इ छ्युङ्‌ह्ओ मान्‍तालम्‌कायः ल्‍हाव्‍ह्‌दैबाङ्‌कोः चार्‌दोवासै हुम्‌ती वानःनाःथास।

मत्ती 25:32

ओहाङःपाय् सबै जात्‌कोः मान्‍तालम् हुम्‌ती वाङ्‌नै वाङ्आक्‌तीको ओउःमयःकायः मान्‍ताकोः चोःइ नीस् भाक्‌ताङ् वेङ्‌ह्‌ताक्‌नाःथास।

मर्‌कस् 13:27

वाङ्आक्‌तीको ओउःइ लाङ्‌काकोः ल्‍होक्ओमयः ल्‍होक्‌ती परमेस्‍वर्‌इ चल्ओ मान्‍तालम्‌कायः ल्‍हाव्‍ह्‌दैबाङ्‌कोः चार्‌दोवासै हुम्‌ती वानःनाःथास।

रोमी 12:1

लौ उया पुःचोङ् हौचोङ्‌य परमेस्‍वर्‌इ ङीकायः एतलेः योनःती योआतय्‍ही ओउःत झ्‍यान्‍ते ओउःकायः म्रोताक्‌साकायः रेव्ओसै छय्‍ङ्‌ती पेङ्‌कलःतो स्‍याव्‌ती ओउःकोः काम् जाङ्‌ह्‌सा थेङा परमेस्‍वर्‌कायः लयःकोः आङ्‌मा ल्‍हुङ्‌मा जुदालेः ल्‍हाइसी एतलेः तेती तोनेःनाङ्‌स। ओउःत हायःसापाय् परमेस्‍वर्‌कायः दोङ् पेओ मानसा लेःआः बा।

एफेसस् 1:10

ओहाङःसैको क्रोःओ बेलाहाङःपाय् परमेस्‍वर्‌इ लाङ्‌काहाङःमा ल्‍हाव्‍ह्‌दैबाङ्‌हाङःमा ओउःहाङःकोः सबै थोक्‌लम्‌मा ख्रीस्‌कोः मीक्‌हाङः हुम्‌ती वानःसालेः खेःनाः ओहाङःसैको ख्रीस्‌पाय् सबैकःसै पुःनाः। ओउःत हायःसापाय् परमेस्‍वर्‌इ ङ्‌हाहाङःसै रय्‍ह्‌ती गम्ओ कुरा लेःआः।

१ थेसलोनिकि 2:19

लौ ङीकोः प्रभु येसु ख्रीस् वाङ्‌सा खेःओ दीन्‌हाङः ङी दोह्‌कायः चोङाय्‌ती आसती मुचाङी त दाय्‍ह्‌सा ङीकोः पेओ काम् जाङ्‌ह्‌झ्‍याङ्‌कोः दोह्‌लो दाय्‍ह्‌सा ओउःपाय् इलेःआः। नीङ्‌मा ङीकुस् येसुकोः मीक्‌हाङः मुतेःनै त खेःया चोङाय्‌नाङी।

१ थेसलोनिकि 3:13

ओहाङःसै ङीकोः प्रभु येसु ख्रीस् लयःकायः ङ्‌हाम्ओलम्‌कुस् वाङ्‌नम् दीन्‌हाङः नीङ् ल्‍हुङ्‌हाङः जय्‌तोलेः स्‍याव्‌ती परमेस्‍वर्‌कोः मीक्‌हाङः जय्‌कुमःत मुतेःनै।

१ थेसलोनिकि 4:1

लौ उया पुःचोङ् हौचोङ्‌य परमेस्‍वर्‌कायः म्रोताक्‌ती वाह्‌सा कुरा स्‍यान्‌नेःआलाङ्‌स आने दोङ्‌सीलेः नीङ् ओउःतलेः वाह्‌तेःनै बा। द्याह् प्रभु येसुकायः ङ्‌हाम्‌तेःनानी त झ्‍यान्‍ते “ओउःत न्‍हाङ्‌तोलेः पेतोलेः हायःनु दा” त नीङ्‌कायः ङीइ आन तेती तोनेःनाङ्‌स।

२ थेसलोनिकि 1:3

लौ पुःचोङ् हौचोङ्‌य नीङ्इ ङ्‌हाम्‌सापाय् न्‍हाङ्‌तोलेःतेः ङ्‌हाम्‌तेःनानी। लयःमयःकायः राप्‌सापाय् न्‍हाङ्‌तोलेःतेः राप्‌काय्‌तेःनै ओउःत झ्‍यान्‍ते ङीइ परमेस्‍वर्‌कायः गलमा “च्‍युता” त तोसा खेःनाङी।

२ तीमोथी 4:1

सीओलम्‌कायःमा स्‍याक्‌ती मुओलम्‌कायःमा सबै मान्‍तालम्‌कायः तय्‌छनःती योलाङ् वाङ्‌सा येसु ख्रीस् लेःआः बा। ओउःकोः मीक्‌हाङःमा परमेस्‍वर्‌कोः मीक्‌हाङःमा ङाइ द्याह् इ कुरा दोङ्‌ह्‌ती तोनेःनाङ् बा। येसु ख्रीस्‌मा ओउःकोः राजीमा वाङ्‌नाः त झ्‍यान्‍ते