२ थेसलोनिकि 1:1 - चेपाङ

¹ इ चेती ङा पावुल्‌मा सीलास्‌मा तीमोथीमा ङी सुम्‌चाक्इ नीङ् थेसालोनीकाहाङः मुओलम्‌कायः लेखती ल्‍होक्‌नेःनाङ्‌स। नीङ्‌पाय् ङीकोः परमेस्‍वर्‌ आपाकोःमा प्रभु येसु ख्रीस्‌कोःमा लेःतेःइ।

२ थेसलोनिकि 1:1 Iomraidhean Croise

खबरदुत 15:22

ओउःत तोआक्‌तीको येसुकोः छ्युङ्‌ह्ओमयःमा थालवःपालम्‌मा सबै ङ्‌हाम्ओलम्‌कुस् नोःकाय्‌ती “लौ इहाङः मुओ मान्‍तालम्‌कःसै यात् नीस्‌चाक् छीङ्‌ह्‌ती पावुल् बर्‌नाबास्‌कुस् अन्‍तीयोक्‌ताङ् ल्‍होक्‌पाःथास” त ओउःमयः हुन्‍द्यावःती दाय्‍ह्आकाय्। एत हुन्‍द्यावःती दाय्‍ह्आक्‌तीको नीस्‌चाक् ओउःमयःकोः ताङ्‌ह्ओ मान्‍ताकःसै यहुदा त तोओमा बर्‌साबास्‌मा सीलास् त तोओमा ओउः नीस्‌चाक्‌कायः छ्युङ्‌ह्‌ती चेती ल्‍हाती पावुल् बर्‌नाबास्‌कुस् ल्‍होक्आथाच।

खबरदुत 16:1

ओहाङःसैको पावुल् सीलास् नीस् साथीचाः देर्‌बे लीस्‍त्र सहर्‌नीस् द्यान्‍ह्‌ती वाङ्आक्‌तीको ओहाङः यात्‌चाक् तीमोथी त मय्‍ङ्ओ येसुकोः कुरा ङ्‌हाम्ओ मान्‍ताकायः क्रुस्आथै। ओउः तीमोथी त तोओकोः आमाखे यहुदी जात्‌कोः येसुकायः ङ्‌हाम्ओ मोमःचोः खेःतो ओउःकोः आपाखे यात्‌चाक् एलेनी भासा नोःओ मान्‍ता खेःतो।

खबरदुत 17:1

फीलीपी सहर्‌सै आल्आक्‌तीको आम्‍फीपोलीस् आपोलोन्‍या सहर्‌नीस्‌हाङः च्‍योल्‌ती आल्‌ती थेसालोनीका त तोओ सहर्‌ताङ् दाह्आकाच। ओउः सहर्‌हाङः यहुदीलम्‌कोः थनःओ कीम् खेःतो।

२ कोरीन्‍थी 1:19

दोह् हायःती दाय्‍ह्‌सा ङाइमा सील्‌भानस् तीमोथीमा नीङ्‌कःहाङः थोल्‍ह्‌ती तोओ परमेस्‍वर्‌कोः चोः येसु ख्रीस्‌कोः कुरापाय् ब्रेह्‌ती नोःओ कुरा खेःबाय्‌ल ओउःपाय् सबैलेः परमेस्‍वर्‌कोः दोङ् कुरा लेःआः बा