२ पत्रुस् 3:9 - चेपाङ

⁹ ओउःइ तोती गम्ओ कुरापाय् “जाङ्‌ह्‌साकायः प्रभुइ बाय्‌तोलेः जाङ्‌ह्‌नौ” त यात् नीस्‌चाक् म्‍हर्‌नै ओउःपाय् दोङ् कुरा खेःल बा। मान्‍तालम्‌कायः “सबै रेव्‌तो जाङ्‌ह्ओ काम्‌लम् फेती ह्र्योक्‌ती वाय्ओसै दल्‌पै” त दाय्‍ह्‌ती प्रभुइ गुह्र्माःत ल्‍युङ्‌ह्‌ती मुनाः।

२ पत्रुस् 3:9 Iomraidhean Croise

रोमी 13:11

ओउःत हायःसा खेःतो दोह् हायःती दाय्‍ह्‌सा ओउः वाङ्‌सा खेःओ बेला दाह्‌खेःआ एत नीङ्इ चीःतेःनानी। ओउः बेलाहाङः एनःती मुसा स्‍याव्‌ल म्र्याती मुसा खेःतो दोह् हायःती दाय्‍ह्‌सा ङीइ ङ्‌हा ङ्‌हाम्ओ बेलाहाङःसै ङी ख्रीस्‌कुस् आल्‌सा दीन्‌पाय् द्याङ्‌तो लेःआः।

रोमी 13:12

याह्‌दीङ्‌पाय् ज्‍याल्‌खेःआ न्‍याम्‌पाय् थोङ्‌खेःआ ओउःत खेःओ याह्‌दीङ्‌कोः पेमालो काम्‌लम् फेती न्‍हीदीङ्‌कायः थाङ्ओहाङः जाङ्‌ह्‌सा पेओ काम्‌लम् जाङ्‌ह्‌नी।

रोमी 2:4

परमेस्‍वर्‌कोः काङ्‌ती जाङ्‌ह्ओ गलमा सावःमाःत योनःती योओपाय् “आह्रे लेःआः” ततेः ताःतेःनै यादो। ओउःकोः योनःती योओपाय् आह्रेलेः खेःल बा। नीङ्‌कायःपाय् “ङाकःताङ् ल्‍हुङ् द्यान्‍ह्‌ती वाङ्‌पै” त दाय्‍ह्‌ती परमेस्‍वर्‌इ आन ज्‍याङःतोकायःलेः योनःती योती ल्‍युङ्‌ह्‌तेःनै एत चीःतेःनानी र।

रोमी 9:22

परमेस्‍वर्‌मा ओउःत हायःसा स्‍याव्‌लेःनाः। वाय्‌सा खेःओ मान्‍तालम्‌कः ओउःकोः ल्‍हुङ् मल्‍ह्ओमा ग्‍वम्‌मा छ्यानःसाकायः परमेस्‍वर्‌इपाय् ओउःमयःकायः रेन्‍ह्‌तोलेः न्‍युम्‍ह्‌ताक्‌थासल ज्‍याङःतोकायः गुह्र्माःत ल्‍युङ्‌ह्आकान्।

१ तीमोथी 1:16

ओउःत झ्‍यान्‍ते प्रभुइ योनःती योती ङाच्‍युक् रेव्ओ मान्‍ताकायः येसु ख्रीस्इ आन काङ्‌तो हायःआताङः। ङाकायःपाय् ङ्‌हालेः ओउःकोः योनःती योओ काम् जाङ्‌ह्‌ती “लौ नीङ्‌मा ओउःलो लेखालेः दोःतेःनै” त अरु लोने ङ्‌हाम्‌ती रौ जीङः दोःओलम्‌कायः छ्यानःनाःथास।

१ तीमोथी 2:4

दोह् हायःती दाय्‍ह्‌सा ओउःपाय् “लौ सबै मान्‍तालम् दल्‌तो स्‍याव्‌ती दोङ् कुरापाय् चीःपानी” त झाक्‌ती दाय्‍ह्‌नाः।

हेब्रैनी 10:37

“लौ ओउः वाङ्‌सा खेःओ चाक्‌पाय् देङेलेः वाङ्‌नाः ओउःपाय् वाङ्‌साकायः भेक्‌ल।

१ पत्रुस् 3:20

ओउः पानःती गम्ओलम्इ उय्‍ह्‌लेहाङः नोआह् त तोओकोः जहास् जाङ्‌ह्‌तोक् बेलाहाङःपाय् परमेस्‍वर्‌कोः कोदीङःती तोओ कुरा सायःसा ग्‍यामालो खेःइतो ओउःत झ्‍यान्‍ते नोआह्‌कुस् आत्‌जन ह तीःजहास्‌हाङः पोक्‌ती झ्‍यान्‍ते तीःसै दल्‌तो स्‍याव्आकाय्।

२ पत्रुस् 1:4

एतलेः ओउःइ तोती गम्ओ आन ताङ्‌ह्ओमा पेओ थोक्‌लम् बयःआतय्‍ही। ओहाङःसैको ल्‍हाव्‍ह्‌दैबाङ्‌कोः पेमालो सीताक्‌ती वाय्‌ताक्ओ मोह्‌हाय्ओलम्‌सै दल्‌ती ङी परमेस्‍वर्‌कोः बानीकोः दोःनाःतय्‍ही।

२ पत्रुस् 3:15

नीङ्‌कायःपाय् “लौ इमयः सबै पेतो दल्‌तो स्‍याव्‌पै” त दाय्‍ह्‌ती ङीकोः प्रभु ल्‍युङ्‌ह्‌ती मुनाः रेन्‍ह्‌तोलेः वाङ्‌धाङ्‌ल। एतलेः ङीइ राप्ओ हौ पावुल्इ परमेस्‍वर्‌इ चीःताक्ओ कुरालेः लेखतेःआकाय्।

प्रकाश 2:21

ओउःकायःपाय् “लौ नाङ्‌कोः रेव्‌तो जाङ्‌ह्ओकायः फेउ” त तोझुङ्‌ङोतो ओउःकोः पेमालो काम्‌कायः फेसा जुगाङ् ग्‍याल।