२ पत्रुस् 3:10 - चेपाङ

¹⁰ प्रभुइ ल्‍युङ्‌ह्‌सापाय् ल्‍युङ्‌ह्‌लेःनौ ओउःकोः वाङ्‌सा खेःओ दीन्‌पाय् कुःसा बोङःओ मान्‍तालो लेखालेः वाङ्‌नाः। ओउः दीन् “गल वाङ्‌नाः” त अरुइ चीःआक्‌नीली। ओउः दीन्‌हाङःलेः फेल्‌बाङ्‌पाय् ताङ्‌ह्ओ मुक्ओ कुस्‌ब्रक्‌त म्‍हीत्‌ती वाय्‌लेःनाः। ओउःहाङः सबै थोक्‌लम्‌कायः म्‍हेःइ माक्‌नौ। ल्‍हाव्‍ह्‌दैबाङ्‌मा ओहाङः मुओ सबै थोक्‌लम् म्‍हीत्‌तोलेः वाय्‌तो स्‍याव्‌नाः।

२ पत्रुस् 3:10 Iomraidhean Croise

मत्ती 24:35

फेरी ल्‍हाव्‍ह्‌दैबाङ्‌मा फेल्‌बाङ्‌मा लोन्‍ते म्‍हीत्‌जेःनाः ङाइ तोओ कुरा गलमा मीह्‌ती वाय्‌ल।

मर्‌कस् 13:31

ल्‍हाव्‍ह्‌दैबाङ्‌मा फेल्‌बाङ्‌मा लोन्‍ते म्‍हीत्‌सा खेःतो ओउःपाय् म्‍हीत्‌लेःनाः ङाइ तोओ कुरा गलमा मीह्‌ती वाय्‌ल।

लुका 12:39

फेरी चोर्‌लम् गुच्‍युक् बेलाहाङः वाङ्‌नै त कीम्‌कोः मान्‍ताइ चीःनीली। चीःसा दोःनाः त खेःया ओउः कीम्‌कोः मान्‍तापाय् ल्‍युङ्‌ह्‌ती मुती झ्‍यान्‍ते चोर्‌लम्‌कायः पोक्‌सा दोःताक्उलु इत नीङ्इ चीःतेःनानी।

रोमी 8:20

दोह् हायःती दाय्‍ह्‌सा सबै परमेस्‍वर्‌इ जाङ्‌ह्ओ थोक्‌लम्‌पाय् दोह्‌मा लोमालो स्‍याव्‌सा खेःओ खेःतो लयः झाक्‌ती खेःल ओउःपाय् परमेस्‍वर्‌कोः लयः झाक्ओ लेःआः। सबै जाङ्‌ह्ओ थोक्‌लम् ओउःत स्‍याव्‌सा खेःओ खेःतो लोने वाङ्‌सा पेओ दीन्‌कायः आसती ल्‍युङ्‌ह्‌ती मुलेःआ।

१ कोरीन्‍थी 1:8

येसु ख्रीस्इलेः नीङ्‌कायः ग्रमःत स्‍याव्‌ताक्‌ती झ्‍यान्‍ते ओउःकोः वाङ्‌सा खेःओ दीन्‌कायःपाय् नीङ् पेतो छय्‍ङ्‌तो मुतेःनै।

१ कोरीन्‍थी 5:5

ओउः रेव्ओ काम् जाङ्‌ह्ओ मान्‍ताकायः सैतान्‌कःताङ् ल्‍हानु दा। ओउःकोः आङ्‌खे वाय्‌धार्‌ना “ओउःकोः जीङःखे प्रभु वाङ्‌सा खेःओ दीन्‌कायः दल्‌तो स्‍याव्‌पाः” त दाय्‍ह्‌ती ओउःत हायःनु दा।

१ थेसलोनिकि 5:2

ओउः कुराकायःपाय् “गतलो वाङ्‌नाः” त नीङ्इ लयः चीःतेःनानी। याह्‌दीङ्‌हाङः वाङ्ओ कुःसा बोङःओ मान्‍ता “गल वाङ्‌चाः” त अरु सुइमा चीःआक्‌नीली। ओउःलो लेखालेः प्रभु वाङ्‌सा खेःओ दीन्‌पाय् “गल वाङ्‌नाः” त मान्‍ता सुइमा चीःआक्‌नीली।

१ थेसलोनिकि 5:4

ओउःमयःखेइ दल्‌सा खाय्‌नीली नीङ्‌खे च्‍याक्ओहाङः मुओ चीःमालो मान्‍तालम् खेःतेःइली ओउःत झ्‍यान्‍ते प्रभुकोः वाङ्‌सा खेःओ दीन्‌पाय् कुःओ चोर्‌लो लेखालेः पाह्र् पाह्र् दाह्‌ती वाङ्‌तोक्‌हाङः नीङ्‌खे क्रम्‌तो ग्रीनःतेःइसीली।

२ पत्रुस् 3:11

सबै एतलेः म्‍हीत्‌तोलेः स्‍याव्‌नाः त खेःया नीङ् गत वाह्‌सा खेःतो दाय्‍ह्‌सा। नीङ्‌तो ल्‍हुङ्इ परमेस्‍वर्‌कोः काम् जुगाङ् पेतो जाङ्‌ह्‌ती

२ पत्रुस् 3:12

परमेस्‍वर्‌कोः दीन्‌कायः “लौ रेन्‍ह्‌तोलेः वाङ्‌पाः” त दाय्‍ह्‌ती ल्‍युङ्‌ह्‌ती मुसा खेःतो। ओउः दीन्‌हाङः फेल्‌बाङ्‌कायः म्‍हेःइ झम्‍ह्‌ती सबै ओउःहाङः मुओ थोक्‌लम् युताक्‌ती वाय्‌नौ।

२ पत्रुस् 3:7

परमेस्‍वर्‌कोः नोःराय्इमा इ तेन्‌छ्याङ् मुओ फेल्‌बाङ्‌मा ल्‍हाव्‍ह्‌दैबाङ्‌मा लोनेः म्‍हेःइ झम्‍ह्‌ती माक्‌साकायः गम्‌लेःनौ। ओउः वाङ्‌सा खेःओ तय्‌छनःती योती पेमालोलम् न्‍युम्‍ह्‌ताक्‌सा दीन्‌च्‍युक्‌कायः ह फेल्‌बाङ्‌मा ल्‍हाव्‍ह्‌दैबाङ्‌मा मुलेःनाः।

यहुदा 1:6

फेरी यात्‌नीस् लाङ्‌काकोः ल्‍होक्ओमयः उय्‍ह्‌लेहाङः लयःकोः काम्‌कायःमा मुसा थाव्‌कायःमा फेआकानी। ओउःमयःकायः प्रभुइ न्‍युम्‍ह्‌ताक्‌सा दीन्‌च्‍युक्‌कायः गलमा फास्‌मालो लाइ पानःती कामःअकोः च्‍याक्ओहाङः गम्आथास।

प्रकाश 16:15

“लौ ङापाय् चोर्‌ वाङ्ओलो लेखा दाह्‌नाङः बा। सुसु म्र्यातीलेः मुती ओउःकोः नाय्‌लम् र्‍ययःतोलेः गम्‌नानी ओउःपाय् चोङाय्‌तोलेः स्‍याव्‌नाः। ओहाङःसै ङा दाह्‌ती वाङ्‌तोक्‌हाङः ओउःपाय् मान्‍ताकःहाङः सोह् वाह्‌ती रास्‌सा परल” त दाय्‍ह्‌ती प्रभु दाय्‍ह्आ।

प्रकाश 20:11

ओहाङःसैको ङाइ ताङ्‌ह्ओ भाम्ओ राजा च्‍युङःसा थाव्‌मा च्‍यवःआलाङः ओहाङः च्‍युङःओचाक्‌मा च्‍यवःआलाङः। ओउःकःसै ल्‍हाव्‍ह्‌दैबाङ्‌मा फेल्‌बाङ्‌मा क्रव्‌ती ज्‍याल्आ। जुगाङ् म्‍हीत्ओलेः खेःतो।

प्रकाश 21:1

ओहाङःसैको ङाइ नया फेल्‌बाङ्‌मा नया ल्‍हाव्‍ह्‌दैबाङ् च्‍यवःआलाङः। ओउः ङ्‌हा मुओ फेल्‌बाङ् ल्‍हाव्‍ह्‌दैबाङ् म्‍हीत्‌जेःओ खेःतो। ओउः द्युम्‌मालो तीःमा म्‍हीत्‌जेःआ।

प्रकाश 3:3

लौ उया नाङ्‌कायः स्‍यान्‌ती तोओ कुरापाय् नाङ्इ ङ्‌हालेः गतलो ग्‍याती सायःओ ओउःपाय् द्याह् गीलउ। रेव्‌तो जाङ्‌ह्ओ काम्‌लम्‌खे फेती ओउः ङ्‌हा सायःओ कुराखे ग्‍याती जाङ्‌ह्उ दा। नाङ्‌पाय् म्र्यातेःइली त खेःया चोर्‌ वाङ्ओलो लेखालेः ङा नाङ्‌कःहाङः वाङ्‌नाङः वाङ्‌तोक्‌हाङः नाङ्इ व्‍हक्‌माःत चीःतेःउलु।

प्रकाश 6:14

फेल्‌बाङ्‌मा लावःलो लेखालेः तुलःती खुम्ओ खेःतो स्‍यालुङ्‌लम्‌मा तीःइ पान्ओ देस्‌लम्‌मा सबै लोय्ओ खेःतो।