लौ नीङ् धर्मा स्यान्ओमयःमा फरीसीलम्मा लोनेतेः आनतेः न्युम्ह्तेःनानी दोह् हायःती दाय्ह्सा नीङ्इ ब्रेह्ओ लेइ नोःती दाय्ह्तेःनै नीङ्इ बुधा सीती वाय्ओ मोमःचोःलम्कोः कीम्ताङ् आल्ती पोक्ती ओउः कीम्कोः माल्ताल्लम् आलःती जेःतेःनानी। जेःआक्तीको अरुकायः ‘लौ ङापाय् पेओ मान्तालेः’ त छ्यानःसा थेङा ओउःमयःकोः मीक्हाङः नीङ्इ परमेस्वर्कायः ज्याङःतोलेः तोओमा जाङ्ह्तेःनानी। दोङ्सीलेः इलो खेःआ माःओ जाङ्ह्झ्याङ्कायः नीङ्पाय् लोनेः न्हाङ्तोलेः नाःतोलेः न्युम्ह्तेःनानी।
२ पत्रुस् 2:3 - चेपाङ3 ओउःमयःकोः ल्हुङ् तोल्तो स्याव्ती इ माःती स्यान्ओलम्इ लयःकोः ल्हुङ्सै दोःओ कुरा स्यान्ती नीङ्कोः पैसा आह्रेलेः त्याक्ती जेःनानी। लौ ओउःमयःकायः ज्याङःतोहाङःसैलेः परमेस्वर्इ तय्छनःती योआथास ओउःमयः जुगाङ् न्युम्ह्तोलेः वाय्ओसै सुमा दल्इली बा। Faic an caibideil |
२ पत्रुस् 2:3
43 Iomraidhean Croise
ओउःत हायःती झ्यान्ते “लौ इ येसुकायः गाल्तुम्ती चुम्सा गत हायःतीलो दोःनाःतय्ही” त दाय्ह्ती ओउःमयःइ येसुकायः ल्युङ्ह्ती सायःती मुओ खेःतो। ओहाङःसैको ओउःमयःइ येसुकायः गाल्तुम्सा बोङःओ मान्तालम् ओउःकःताङ् ल्होक्आकानी “नीङ्इ व्हत्ओ कुरापाय् ओउःइ पेतो त्याङ्सा खाय्उलु त खेःया ङीइ ओउःकायः गाल्तुम्ती चुम्ती रोमी सर्कार्कायः ल्हासा खाय्नाःतय्ह्नी” त दाय्ह्ती ओउः मान्तालम्कायः ल्होक्आकानी। इत ल्होक्ओ मान्तालम्पाय् येसुकःताङ् दोङ् कुराकायः बोङःओ मान्तालो लेखा वाङ्ती
ङ्हाहाङः इस्राएल्कोः मान्तालम्कःहाङः यात्नीस्चाक्इ “लौ ङीपाय् परमेस्वर्कोः कुरा छ्यानःती तोओलम् खेःनाङी” त दाय्ह्ती माःती तोआकानी। नीङ्कःहाङःमा ओउः खाल्कोः माःती तोओलम्पाय् अरु चीःताक्माःत वाङ्नै। ओउः माःती तोओलम्इ अरु मान्ताकायः पेमालो वाय्तो स्याव्ताक्सा कुरा स्यान्ती ओउःमयःकायः ल्हाङ्ती वानःओ प्रभुकायः फेनानी ओउःत झ्यान्ते ओउःमयः रेन्ह्तोलेः न्युम्ह्ती वाय्ओलेः स्याव्नै।
दोह् हायःती दाय्ह्सा यात् नीस् परमेस्वर्कोः कुरा ग्यामालोलम् नीङ्कःहाङः अरुइ चीःमाःत वाङ्आकाय्। ओउःमयःइपाय् परमेस्वर्इ योनःती योओ कुरा ङोय्ह्तोलेः स्यान्ती “लौ ङीइ ङ्हाम्ओलम्कायः द्याह् सबै काम् जाङ्ह्सा स्याव्नाः दोह्मा रेव्ओलेः खेःल” त माःती ल्हास्या काम् जाङ्ह्साकायः तोनानी। एत हायःती ङीकोः यातैज्योः प्रभुमा मालीक्मा येसु ख्रीस्कः झाक्माःत मुनै। ओउः खाल्कोः मान्तालम्कायः “न्युम्ह्तोलेः स्याव्नै” त दाय्ह्ओ उय्ह्लेहाङःसै आखरःहाङः लेखओआः बा।
Sanasan