२ पत्रुस् 2:2 - चेपाङ

² न्‍युम्‍ह्‌ती वाय्ओ स्‍याव्‌सापाय् स्‍याव्‌लेःनै ओउःमयः रेव्ओ काम्‌लम् जाङ्‌ह्‌ती वाह्ओकायः नाःतो अरु मान्‍तालम् तेःती गुल्‍ह्‌ती वाह्‌नै। एत च्‍यवःती परमेस्‍वर्‌कोः दोङ् पेओ वाह्‌सा ल्‍याम्‌कायः “पेमालो” त दाय्‍ह्‌ती अरु मान्‍तालम्इ तोनानी।

२ पत्रुस् 2:2 Iomraidhean Croise

मत्ती 22:16

ओहाङःसैको ओउः फरीसीलम्इ लयःकुस् वाह्ओमयःमा हेरोद् राजाकोः मान्‍तालम्‌मा येसुकःताङ् ल्‍होक्आकानी। ओउःमयः येसुकःताङ् वाङ्‌ती “लौ गुरुय नाङ्इ दोङ् कुरातेः स्‍यान्‌ती तोतेःनौ बा। सुकायःमातेः नोःतेःनौ ताङ्‌ह्ओ मान्‍ताकायःया मीओकायःया नाङ्इ यातैज्‍योः कुरा हतेः तोतेःनौ। सुकःमातेः रैमाःत परमेस्‍वर्‌कोः दोङ् कुरातेः स्‍यान्‌तेःनौ बा

मत्ती 24:24

लोन्‍तेहाङः मान्‍तालम् ‘लौ ङापाय् ख्रीस् लेःआः’ तमा ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः’ तमा माःती तोती वाङ्‌नै फेरी आन ग्‍याङ्‌ह्‌राय्‌मा जाङ्‌ह्‌नानी। ओउःमयःइ सबैकायःमा थ्‍योन्‍ह्‌ती होम्‌सा बोङःनानी परमेस्‍वर्‌कोः चल्ओमयःकायःमा होम्‌सा बोङःनानी ओउःमयःखेकायः होम्‌सा खाय्‌नीली।

मत्ती 7:14

ओउः मीओ ल्‍याम्‌खे वाह्‌सा दुक्‌सापाय् दुक्‌लेःनाः पेतो जीङः दोःताक्ओहाङः दाक्‌नौ। ओउःखे नाःतो मान्‍तालम्इ च्‍यवःसा खाय्‌नीली।

मर्‌कस् 12:14

ओउः मान्‍तालम् येसुकःताङ् वाङ्‌ती ओउःकायः ल्‍हुङ्‌तुक् योसाकायः आन व्‍हत्‌ती तोआथै “लौ गुरुय नाङ्इ दोङ् कुरातेः स्‍यान्‌ती तोतेःनाः बा। सुकायःमातेः नोःतेःनाः ताङ्‌ह्ओ मान्‍ताकायःया मीओकायःया नाङ्इ यातैज्‍योः कुरा ह तोतेःनौ। सुकःमातेः रैमाःत परमेस्‍वर्‌कोः दोङ् कुरातेः स्‍यान्‌तेःनौ बा। इतलेः चीःनाङःसु। ओउःत खेःया ङीकायः यात्‌ज्‍योः कुरा द्याह् तोताङी दा। ङीकोः देस्‌कोः सीजर्‌ माहाराजाकायः कर्‌कोः पैसा बयःसा स्‍याव्ओया स्‍याव्‌मालोया दोह्‌तेः दाय्‍ह्‌तेःनाः” त दाय्‍ह्‌ती व्‍हत्‌थातो

मर्‌कस् 13:22

लोन्‍तेहाङः मान्‍तालम् ‘लौ ङापाय् ख्रीस्‌लेः’ तमा ‘ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त माःती तोती वाङ्‌नै ओउःमयःइ फेरी ग्‍याङ्‌ह्‌राय्‌मा जाङ्‌ह्‌नानी। ओउःमयःइ सबैकायःमा परमेस्‍वर्‌कोः चल्ओमयःकायःमा थ्‍योन्‍ह्‌ती होम्‌सा बोङःनानी

युहना 14:6

“लौ ओउः ल्‍याम्‌पाय् ङा लेःआः। दोङ् स्‍यान्ओमा जीङः दोःताक्‌सामा ङा लेःआः ङ। ङाइ आःताः आलःमाःतो सुइमा ङाकोः आपाकःताङ् आल्‌सा दोःइली।

खबरदुत 13:10

“नाङ्‌पाय् सैतान्‌कोः चोःलेःतेः खेःतेःनाः रैस। नाङ्‌कोः ल्‍हुङ् आन पेमालो त झ्‍यान्‍ते नाङ्इ माःओ कुराखे लयःलेः तोती परमेस्‍वर्‌कोः दोङ् कुराखे तोसाकायः त्‍याःसा बोङःतेःनौ। इच्‍युक् पेओ कुराकायःमा नाङ्इ गलमा ‘पेल’ ततेः दाय्‍ह्‌तेःनाः।

खबरदुत 14:2

इमयःइ ङ्‌हाम्‌ती सायःनीतो अरु ङ्‌हाम्‌सा ग्‍यामालो यहुदीलम्‌खेइ ओउः यहुदी खेःमालोलम्‌कायः थ्‍योन्‍ह्‌ती फोल्‍यावःती “लौ इनीस्इ पेमालो कुरा स्‍यान्‌नाःचु इनीस्‌कोः कुरा सायःलाम्” त दाय्‍ह्‌ती होम्‌काय्आकाय्।

खबरदुत 16:17

ओहाङःसैको ङीकायः क्रुस्आक्‌तीको ओउः मोमःचोःइ पावुल्‌कायःमा ङीकायःमा गुल्‍ह्‌ती “इ मान्‍तालम्‌पाय् सबैसै ताङ्‌ह्ओ परमेस्‍वर्‌ त तोओकोः काम् जाङ्‌ह्ओ मान्‍तालम् लेःआः इ बा। ओउःमयःइ गलमा द्योक्‌मालो जीङःपाय् ‘गत हायःती दोःनाः’ त नीङ्‌कायः स्‍यान्‌तेःनै” त आन सोतोलेः दाय्‍ह्‌ती दाय्‍ह्आ।

खबरदुत 18:26

ओहाङःसैको एफेसस् सहर्‌ताङ् दाह्आक्‌तीको आपोलस्इपाय् थनःओ कीम्‌हाङः पोक्‌ती ओहाङः फुतीलेः स्‍यान्‌ती तोखयःआथास। थनःओ कीम्‌ताङ् स्‍यान्‌ती तोतोक्‌हाङः ओउःइ तोओ कुरा अक्‍वीला नीस्‌पय्‍क्‌चाःइ सायःआकाचु। सायःआक्‌तीको ओउःनीस्इ येसुकोः कुरा सबैलेः पेतो चीःताक्‌साकायः आपोलस् त तोओकायः लोन्‍ते पेतो स्‍यान्आकाचु।

खबरदुत 19:9

यात्‌नीस् यहुदीलम्इ अल्‍ह्‌माःत झ्‍यान्‍ते येसुकोः कुरा ङ्‌हाम्‌माःत ओउःकायः रेव्‌तो तोआकानी। ओउःत हायःआक्‌तीको ओउः रेव्‌तो नोःओलम्‌कःसै वेङ्‌ती पावुल्इपाय् तीरानुस् त तोओकोः इस्‍कुल् कीम्‌ताङ् आल्‌ती ओउः ङ्‌हाम्ओलम्‌कायः वानःती ओहाङः दीन्‌का दीन् येसुकोः कुरा नोःकाय्आकाय्।

खबरदुत 22:4

ओउःत झ्‍यान्‍ते येसुकोः गुल्‍ह्ओमयःकायः ङाइ आन लीह्‌सीःओ बयःती ओउःमयःकायः सात्‌सा बोङःङोतो मोमःचोःलम्‌मा गोय्‌चोःलम्‌कायःमा ङाइ चुम्‌ती झ्‍याल्‍खानहाङः दाक्आलाङःसु।

खबरदुत 24:14

ङाइ इतलेः ह जाङ्‌ह्आलाङः बा। येसु त तोओकोः कुराकायः ङ्‌हाम्‌ती जाङ्‌ह्‌ती ङाइ ङीकोः आय्‌कानः तोकानःकोः परमेस्‍वर्‌कायः झाह्‌ती तोलेःनाङः। येसुकोः कुराकायःपाय् इ यहुदीलम्‌खेइ ‘ङीइ स्‍यान्ओ कुरासै थे कुरा लेःआः’ त दाय्‍ह्‌ती तोनानी। ङाइ परमेस्‍वर्‌कायःमा झाह्‌ती तोलेःनाङः सबै मोसाकोः ऐन्‌कोः कुरामा उय्‍ह्‌लेकोः परमेस्‍वर्‌कोः कुरा छ्यानःओमयःइ तोओ कुरामा ङाइ सबै ङ्‌हाम्‌मानाङः।

रोमी 2:24

एतलेः परमेस्‍वर्‌कोः आखरःहाङः मुनाः “लौ नीङ् यहुदीलम्इ एतलेः हायःतेःआकानी त झ्‍यान्‍ते यहुदी खेःमालोलम्इ परमेस्‍वर्‌कायः ताङ्‌ह्‌ताक्‌माःत ओउःकायः पेमालो तोनानी” त दाय्‍ह्ओ लेखती मुनाः।

१ तीमोथी 5:14

ओउःत झ्‍यान्‍ते ओउः बुधा सीओ मोमःचोःलम् “अरु बुधाकुस् पाय्‍ह्‌पै” त दाय्‍ह्‌ती गानाक्‌ती तोनाङःसु। ओउःत हायःती ओउःमयः चोः दोःती लयःकोः कीम्‌कोः काम् जाङ्‌ह्‌सा खाय्‌नानी ओहाङःसै ओउःमयःकायः बीरोत्इ गाल्‌तुम्‌ती तोसा खाय्उलु।

तीतस् 2:5

फेरी “लीङ्‌हायःमालो ओजायः जय्‌कुमःओ ल्‍हुङ्इ कीम्‌कोः काम् इत पेतो जाङ्‌ह्‌माउ लयःकोः बुधाइ तोओ कुरा ग्‍याती सायःमाउ” तमा छ्यानःती तोपानी। ओहाङःसैको परमेस्‍वर्‌कोः स्‍यान्‌राय्‌कायः “ओउःपाय् पेल” त सुइमा तोसा खाय्‌नीली।

तीतस् 2:8

ओउःत स्‍यान्ओकायः सुइमा पेमालो नोःसा खाय्‌नीली। ओउः कुरा सायःआक्‌तीको नाङ्‌कोः बीरोत्‌लम् दोह्‌मा त्‍याङ्‌सा खाय्‌माःत झ्‍यान्‍ते लयःलेः ल्‍हुङ् घ्‍युम्‌तो स्‍याव्‌नै। ङीकायः गाल्‌तुम्‌तो नोःसा खाय्‌नीली।

१ पत्रुस् 2:12

परमेस्‍वर्‌कायः ङ्‌हाम्‌मालोलम्‌कुस् मुतोक्‌हाङः सबै पेतो हायःती वाह्‌न ओहाङःसै ओउः मान्‍तालम्इ तेन्‌छ्याङ् नीङ्‌कायः माःती तोतेःइतो लोनेः प्रभु येसु द्यान्‍ह्‌ती वाङ्‌सा दीन्‌हाङः ओउःमयःइ ल्‍हुङ्‌हाङः दोङ् कुरा चीःती नीङ्‌कायः “पेओ लेःआः इ” त दाय्‍ह्‌ती परमेस्‍वर्‌कायः ताङ्‌ह्‌ताक्‌तीलेः तोनानी।

२ पत्रुस् 2:12

ओउः मान्‍तालम्‌खेइ जुगाङ् चीःमाःत हेला क्‍लाःनानी। ओउःमयःपाय् चीःमालो चुम्‌ती सात्‌ती वाय्‌सा खेःओ जाःलो लेखालेः रेव्‌तो हायःनानी जाःलो लेखालेःमा सात्‌ती वाय्‌तोलेः स्‍याव्‌नै।

२ पत्रुस् 2:15

दोङ् पेओ वाह्‌सा ल्‍याम् फेती ओउः ल्‍याम् मीह्‌ताक्‌नानी। द्याह् बोसोर्‌कोः चोः बालाम्‌त तोओलो लेखालेः वाह्‌नै बालाम्इपाय् पेमालो काम् जाङ्‌ह्‌झ्‍याङ्‌कोः पैसा लेःसा आन झाक्ओ खेःतो।

२ पत्रुस् 2:18

ओउःमयः लयःकोः नेह्‌रो ओर्‌ताक्ओ कुरा नोःती अरु तोहालेः रेव्ओ काम् फेओलम्‌कायः लुःर्‍यव् कुराइ थ्‍योन्‍ह्‌ती फेरी रेव्‌ताक्‌नाःथास।

२ पत्रुस् 2:21

परमेस्‍वर्‌इ तोओ कुरामा ओउःकोः काम् पेतो जाङ्‌ह्‌सामा चीःआक्‌तीको ओउःत हायःओ फेसाकायः न्‍हाङ्‌तोलेः स्‍याव्‌ल। ओउःत हायःओसै ओउःमयःइ ओउः पेओ कुरा गलमा चीःमाःत मुओ पेचाः खेःतो।

२ पत्रुस् 2:7

ओउः पेओ मान्‍ता लोत् त तोओकायःमा परमेस्‍वर्‌इ सोदोम्‌सै दल्‌ताक्आथै। लोत्‌पाय् ओउः सहर्‌नीस्‌कोः मान्‍तालम्इ जुगाङ् क्रीसीःओ रेव्‌तो हायःओ दीन्‌का दीन् च्‍यवःती झ्‍यान्‍ते आन ल्‍हुङ् लीह्‌ती मुओ।

यहुदा 1:10

मीकाएल्‌खेइपाय् हेला क्‍लाःउलु इ रेव्‌तो स्‍यान्ओलम्‌खेइ दोह्‌मा म्‍हर्‌माःत लयः चीःताङ् चीःमालो कुराकायः हेला क्‍लाःनानी ओउःमयःइ चीःओपाय् स्‍याःलम् जाःलम्‌च्‍युक् ह चीःनानी ओउःच्‍युक् चीःओझम्‌कोःपाय् वाय्‌तोलेः स्‍याव्‌नै।

यहुदा 1:15

सबैकायः तय्‌छनःती योलाङ् वाङ्‌नै। ओउः ङ्‌हाम्‌मालोलम्इ जाङ्‌ह्ओ रेव्‌तो काम्‌लम्‌मा सबै ओउःमयः हेला क्‍लाःओ काम्‌कायःमा प्रभुइ ओउःमयःकायः गाल्‌तुम्‌तीलेः नोःनौ” त दाय्‍ह्‌ती हनोक् दाय्‍ह्आ।

यहुदा 1:4

दोह् हायःती दाय्‍ह्‌सा यात् नीस् परमेस्‍वर्‌कोः कुरा ग्‍यामालोलम् नीङ्‌कःहाङः अरुइ चीःमाःत वाङ्आकाय्। ओउःमयःइपाय् परमेस्‍वर्‌इ योनःती योओ कुरा ङोय्‍ह्‌तोलेः स्‍यान्‌ती “लौ ङीइ ङ्‌हाम्ओलम्‌कायः द्याह् सबै काम् जाङ्‌ह्‌सा स्‍याव्‌नाः दोह्‌मा रेव्ओलेः खेःल” त माःती ल्‍हास्‍या काम् जाङ्‌ह्‌साकायः तोनानी। एत हायःती ङीकोः यातैज्‍योः प्रभुमा मालीक्‌मा येसु ख्रीस्‌कः झाक्‌माःत मुनै। ओउः खाल्‌कोः मान्‍तालम्‌कायः “न्‍युम्‍ह्‌तोलेः स्‍याव्‌नै” त दाय्‍ह्ओ उय्‍ह्‌लेहाङःसै आखरःहाङः लेखओआः बा।

यहुदा 1:7

फेरी ओउःमयःलो लेखालेः सोदोम् गोमोरा नीस् सहर्‌हाङः मुओलम्‌मा ओउःकुस् द्याङ्‌काय्ओ सहर्‌कोः मान्‍तालम्इमा आन रेव्‌तो लुःर्‍यव् काम् जाङ्‌ह्आकानी। ओउःमयःकोः काम्‌लम् “रेव्ओ लेःआः” त सबैकायः छ्यानःसाकायः प्रभुइ गलमा सीमालो म्‍हेःइलेः न्‍युम्‍ह्‌ताक्आथास एत नीङ्इ चीःतेःनानी।

प्रकाश 12:9

ओउः ताङ्‌ह्ओ रुपाय् लान्‌कोः राजा सैतान् त तोओलेः ओउःपाय् सबै ल्‍हाव्‍ह्‌दैबाङ्‌हाङः मुओलम्‌कायः माःती थ्‍योन्‍ह्ओ काम् जाङ्‌ह्आकान्। क्‍लीमःतोक्‌हाङः ओउःकायःमा सबै ओउःकुस् वाह्ओ ल्‍होक्ओमयःकायःमा ल्‍हाव्‍ह्‌दैबाङ्‌ताङ् क्‍लाःओ खेःइतो।

प्रकाश 13:14

ओउःतलेः ओउः जाःकोः खाल्‌कःहाङः मुती ग्‍याङ्‌ह्‌राय् जाङ्‌ह्‌सा ग्‍वम् दोःती ओउः साःसै थाओखेइ सबै ल्‍हाव्‍ह्‌दैबाङ्‌हाङः मुओलम्‌कायः माःतीलेः स्‍यान्आकान् “लौ ओउः तीःसै थाओ तरवाल्इ वयःआक्‌तीको सेलः स्‍याव्ओकायःपाय् मानसा थेङा यात्‌ज्‍योः मुर्‌ती जाङ्‌ह्‌नु” त दाय्‍ह्‌ती ओउःइ गानाक्‌तीलेः तोआथास।

प्रकाश 13:8

ओउः जाःकायः सबै ल्‍हाव्‍ह्‌दैबाङ्‌कोः मान्‍तालम्इ ताङ्‌ह्‌ताक्‌ती माननानी। सुसुकोः मय्‍ङ्‌पाय् ल्‍हाव्‍ह्‌दैबाङ् जापीनःती न्‍यास्ओ बेलाहाङःसै ओउः ल्‍हाती सात्ओ भेदाकोः चोःइ लेखओ जीङः नाःओलम्‌कोः कीताप्‌हाङः लेखती मुनाः ओउःमयःइ झुङ्आले ओउः जाःकायः माननीली।