16 ओउः पेमालो काम्पाय् बालाम्इ जाङ्ह्चौ खेःतो ओउःकोः नोःसा चीःआक्मालो गधाइलेः मान्तालो लेखा नोःती परमेस्वर्कोः कुरा छ्यानःओ बालाम्कायः जान्ती एतलेः ब्रःती जाङ्ह्साकायः त्याःआथै।
नीङ्इ ल्हाव्ह्दैबाङ्कोः गह्र्इलेः इहाङःकोः काम्लम् पेतो जाङ्ह्तेःनीली त खेःया नीङ्कायः ङ्हाम्माःत झ्यान्ते लाङ्काकोः पेओ थोक्लम्पाय् नीङ्कायः बयःसा सुमा ग्याइली ङ्हाम्तेःइली।
ओहाङःसैको सबै थनःओ कीम्लम्ताङ् आल्ती ओहाङःकोः ङ्हाम्ओलम्कायः येसुकायः फेताक्सामा प्रनःताक्सामा बोङःओ खेःङोतो। ओउः ङ्हाम्ओलम्कःताङ् ङा ओउःच्युक्लेः ल्हुङ् आन मल्ह्ती झ्यान्ते लोक्तो लोक्तो सहर्लम्हाङःमा ओउःमयःकायः चुम्ती न्युम्ह्ताक्लाङ् आल्ङोतो।