२ पत्रुस् 2:1 - चेपाङ1 ङ्हाहाङः इस्राएल्कोः मान्तालम्कःहाङः यात्नीस्चाक्इ “लौ ङीपाय् परमेस्वर्कोः कुरा छ्यानःती तोओलम् खेःनाङी” त दाय्ह्ती माःती तोआकानी। नीङ्कःहाङःमा ओउः खाल्कोः माःती तोओलम्पाय् अरु चीःताक्माःत वाङ्नै। ओउः माःती तोओलम्इ अरु मान्ताकायः पेमालो वाय्तो स्याव्ताक्सा कुरा स्यान्ती ओउःमयःकायः ल्हाङ्ती वानःओ प्रभुकायः फेनानी ओउःत झ्यान्ते ओउःमयः रेन्ह्तोलेः न्युम्ह्ती वाय्ओलेः स्याव्नै। Faic an caibideil |
२ पत्रुस् 2:1
73 Iomraidhean Croise
“नीङ्पाय् पेतो धय्ती मुजेःन दा ओहाङःसैको नीङ्कायः अरुलम्इ माःती होम्सा बोङःतेःनै त खेःया ओउःमयःइ नीङ्कायः ब्रःताक्सा खाय्नीली। लोनेः नाःतो मान्तालम् ‘लौ ओउः वाङ्सा खेःओ चाक्पाय् ङा लेःआः ङ’ त दाय्ह्ती माःती ङाकोः मय्ङ् पेह्ती वाङ्नै। अरुलम्इ ‘लौ ख्रीस्कोः द्यान्ह्ती वाङ्तोक् बेलाहाङः दाह्खेःआ’ तमा माःती तोनानी ओउःमयःकायः ङ्हाम्तेःचानी।
मोसाकोः ऐन् ग्यामालो मान्ताकायः एत न्युम्ह्तो स्याव्नाः त खेःओ सुसुइ परमेस्वर्कोः चोः अह्र्तोलेः योचानी ओउःपाय् न्हाङ्तोलेः न्युम्ह्नै बा। दोह् हायःती दाय्ह्सा ओउः मान्ताइपाय् छय्ङ्ताक्ओ ख्रीस्कोः होम्काय्ती बयःओ वयःपाय् अरुइ बयःओ वयःलो लेखा मीतोलेः ताःमानौ ओउःकायः योनःती योओ परमेस्वर्कोः ग्वालामःकायःमा हेला क्लाःमानौ।
दोह् हायःती दाय्ह्सा यात् नीस् परमेस्वर्कोः कुरा ग्यामालोलम् नीङ्कःहाङः अरुइ चीःमाःत वाङ्आकाय्। ओउःमयःइपाय् परमेस्वर्इ योनःती योओ कुरा ङोय्ह्तोलेः स्यान्ती “लौ ङीइ ङ्हाम्ओलम्कायः द्याह् सबै काम् जाङ्ह्सा स्याव्नाः दोह्मा रेव्ओलेः खेःल” त माःती ल्हास्या काम् जाङ्ह्साकायः तोनानी। एत हायःती ङीकोः यातैज्योः प्रभुमा मालीक्मा येसु ख्रीस्कः झाक्माःत मुनै। ओउः खाल्कोः मान्तालम्कायः “न्युम्ह्तोलेः स्याव्नै” त दाय्ह्ओ उय्ह्लेहाङःसै आखरःहाङः लेखओआः बा।
नाङ्पाय् गाःहाङःलो याक्तेःनाः ओउःलेः चीःलेःनाङः। सैतान्पाय् राजालो लेखा याक्ओ थाव्हाङःलेः नाङ्मा याक्तेःनाः एत ङाइ चीःलेःनेःनाङ्। ओहाङःलेः याक्तीमा मुतेःनाः बुरु ङाकायः ङ्हाम्तीमा मुलेःतेःनाः। ङाकोः कुरा पेतो छ्यानःओ अन्तीपास् त तोओकायः नाङ्कोः सैतान् मुओ सहर्हाङः सात्तोक्हाङः नाङ्इमा ङाकायः ङ्हाम्ओकायः फेतेःउलु।
नाङ्इ दोह् दोह् लीह्सीःओ गोरःओतेःआः ओउःमा चीःलेःनेःनाङ्। नाङ्पाय् ह्र्यात् खेःतेःनाः तमा ङाइ चीःलेःनेःनाङ्। ह्र्यात् खेःसापाय् खेःतेःनाः दोङ्सीलेः नाङ्पाय् नाःतो नाःओचाक्तेः खेःतेःनाः बा। अरुलम्इ नाङ्कायः माःती तोओ गाल्तुम्सा बोङःओ कुरामा चीःलेःनाङः। ओउःत माःती तोओलम्पाय् “यहुदीलम् खेःनाङी” त दाय्ह्ती नोःनीतो ओउःमयःपाय् दोङ् यहुदीलम् खेःइली सैतान्इ थनःताक्ओ मान्तालम् लेःआः इ।
Sanasan