२ पत्रुस् 1:8 - चेपाङ

⁸ एत न्‍हाङ्‌तोलेः हायःसा जुगाङ् चाहनाः उया नीङ्‌कोः परमेस्‍वर्‌कायः जाङ्‌ह्ओ काम्‌पाय् लोल। फेरी एत हायःती नीङ् पेतोलेः वाह्‌तेःनै त खेःया ङीकोः प्रभु येसु ख्रीस्‌कोः कुरा व्‍हाय्‌तोलेःतेः जाङ्‌ह्‌सा खाय्‌तेःनानी।

२ पत्रुस् 1:8 Iomraidhean Croise

मत्ती 13:22

ओहाङःसै अरु मान्‍तालम्‌खेइमा परमेस्‍वर्‌कोः कुरा सायःती ओउःकोः काम् जाङ्‌ह्आक्‌नीतो लोने लयः झाक्ओ काम्‌कायः रुःओ ल्‍हुङ् वाङ्‌नाः पैसा क्‍युसा बोङःओ ल्‍हुङ्‌मा लीङ्‌हायःओ ल्‍हुङ्‌मा वाङ्‌नाः त खेःयाकायः परमेस्‍वर्‌कोः काम् जाङ्‌ह्‌सा लोने ग्‍याइली। इलो खेःओ मान्‍तालम्‌खे चुःराङ्‌हाङः दीह्ओ यार्‌ती वाय्ओ सायःसा खाय्‌मालो बीयालो लेखा मुनै।

मत्ती 20:3

ओउःमयःकायः ल्‍होक्आक्‌तीको लोने न्‍याम् जुगाङ् दाह्ओ बेलाहाङः ओउः राङ् नाःओ मान्‍ताइ अरु अरु काम् जाङ्‌ह्‌सा बोङःओ मान्‍तालम् च्‍यवःआकान्।

मत्ती 20:6

न्‍याम् याह्ओ बेलाहाङःमा अरु मान्‍तालम् क्रुस्‌ती ‘लौ दोह् हायःतीतेः दीन्‌भरीकायः काम् जाङ्‌ह्‌माःत ल्‍युङ्‌ह्‌ती मुतेःनै’ त दाय्‍ह्‌ती व्‍हत्उतो

मत्ती 25:26

‘अ नाङ् अल्‍सीओ पेमालो मान्‍तातेः। ङाइ लयः वार्‌मालो राङ्‌सै सायः त्‍युम्‍ह्‌ती वानःनाङः ओउःत नाङ्इ चीःतेःआकान्।

युहना 15:2

जुदा ङाकोः सायःमालो केङ्‌कालम्‌खे ओउःइ ह्राह्‌ती वाय्‌नौ सायःओलम्‌खे ओउःइ न्‍हाङ्‌तो सायःताक्‌साकायः त्‍यङ्‌ह्‌नौ।

युहना 17:3

दोःआक्‌तीको ओउः जीङः दोःओलम्इ नाङ् दोङ् परमेस्‍वर्‌कायःमा नाङ्इ ल्‍होक्ओ येसु ख्रीस्‌कायःमा पेतो तय्‍ह्‌नानी।

युहना 5:42

नीङ्‌कोः ल्‍हुङ्‌पाय् चीःनेःनाङ्‌स बा। नीङ्इ ल्‍हुङ्‌हाङः परमेस्‍वर्‌ आपाकायः पेतोतेः राप्‌तेःनीली” त दाय्‍ह्‌ती येसुइ ओउः यहुदीलम्‌कायः तोआथास।

रोमी 12:11

परमेस्‍वर्‌कोः काम्‌लम् माय्‌माःत गलकायःमा म्‍ह्युङ्‌ती जाङ्‌ह्‌नु दा।

१ कोरीन्‍थी 15:58

लौ उया ङाइ राप्ओ पुःचोङ् हौचोङ्‌य ग्रमःत मुती प्रभुकोः काम्‌पाय् गलकायःमा पेतो म्‍ह्याङ्‌तीलेः जाङ्‌ह्‌झुङ्‌नु दा ओउःपाय् आह्रे काम् खेःबाय्‌ल।

२ कोरीन्‍थी 13:5

लौ लयःकोः ल्‍हुङ्‌तुक् तय्‌छनःती योनीङ्‌सी पेतोलेः ङ्‌हाम्‌तेःनानीया पेतो ङ्‌हाम्‌तेःनीलीया त योनीङ्‌सी। येसु ख्रीस्‌पाय् नीङ्‌कुस् ब्राङ्‌ती मुलेःनाः त चीःतेःनानी माःर चीःतेःनीली त खेःया नीङ् स्‍याव्‌मालो खेःतेःनै।

२ कोरीन्‍थी 8:2

ओउःत झ्‍यान्‍ते ओउःमयःइ आन लीह्‌सीःओ बेलाहाङः ल्‍हुङ् चोङाय्‌तोलेः ओउःमयःकोः नाःतो नाःमालोपाय् आन साय्‍क्ओ ल्‍हुङ्इ अरुकायः बयःआकानी।

२ कोरीन्‍थी 8:7

नीङ्इपाय् पेओ काम्‌लम् आनतेः जाङ्‌ह्‌तेःनानी आनतेः ङ्‌हाम्‌तेःनानी आनतेः तोसा खाय्‌तेःनानी आन व्‍हाय्‌तोतेः चीःतेःनानी। नीङ् आन लव्‍ह्‌सा ग्‍यातेःनै ङीकायःपाय् आनतेः राप्‌तेःनेःनाःताङी। ओउःत खेःओ “द्याह् इ राप्‌ती बयःसा काम्‌कायःमा साय्‍क्ओ ल्‍हुङ्इ आन बयःनु दा” त दाय्‍ह्‌ती झाक्‌तीलेः तोनेःनाङ्‌स।

२ कोरीन्‍थी 9:14

फेरी परमेस्‍वर्‌इ नीङ्‌कायः गुच्‍युक् पेतो हायःताक्‌तेःआकानी त च्‍यवःती नीङ्‌कायः आन झाह्‌तीमा राप्‌ती झ्‍यान्‍ते परमेस्‍वर्‌कः आनलेः तेती तोनानी।

फीलीपी 1:9

“ओउःमयःइ न्‍हाङ्‌तोलेः राप्‌पानी न्‍हाङ्‌तोलेः व्‍हाय्‌तो चीःपै” त दाय्‍ह्‌ती नीङ्‌कायः तेती तोनेःनाङ्‌स।

फीलीपी 2:5

येसु ख्रीस्‌कोः ल्‍हुङ्‌तुक् दोःतेःपै

फीलीपी 3:8

इ कुरामा सबै ल्‍हाव्‍ह्‌दैबाङ्‌कोः पेओ कुरामा “आह्रे लेःआः” त म्‍हर्‌ती जुगाङ् फेती वाय्आलाङः। ओहाङःसै ओउः न्‍हाङ्‌तोलेः पेओ कुरापाय् ङाकोः प्रभु येसु ख्रीस्‌कायः तय्‍ह्‌सा दोःनाङः। ख्रीस्‌कोः मान्‍ता स्‍याव्‌साकायः सबै अरु कुराकायः “आह्रे वाय्‌सा खेःओ धान्‍ह्‌लम्‌लो लेखालेः” त म्‍हर्‌ती फेती वाय्आलाङः बा

कोलसी 1:10

ओहाङःसैको परमेस्‍वर्‌ झाक्ओ कुरापाय् न्‍हाङ्‌तोलेः चीःती नीङ्इ सबै पेओ काम्‌लम् जाङ्‌ह्‌तीलेः वाह्‌ती झ्‍यान्‍ते ओउःकायः गलकायःमा म्रोताक्‌सा खाय्‌तेःनानी।

कोलसी 2:7

नीङ्‌कायः ङ्‌हा स्‍यान्ओलो लेखा ख्रीस्‌कोः ग्‍वम् दोःती क्रोङ्ओ ल्‍हुङ्इ ग्रमःत मुती न्‍हाङ्‌तोतेः पेतोलेः ङ्‌हाम्‌नु दा। गलकायःमा परमेस्‍वर्‌कायः च्‍युता त तोती मुन।

कोलसी 3:16

ख्रीस्‌कोः नोःराय् ल्‍हुङ्‌हाङः पेतोलेः सेती गम्‌ती लःलयःमयःकायः व्‍हाय्‌तोलेः स्‍यान्‌काय्‌माइसी लुङ्‌काय्‌माइसी। ल्‍हुङ्‌हाङः “च्‍युता” त दाय्‍ह्‌ती परमेस्‍वर्‌कायः पेओ गीत्‌लम् भजन्‌लम् मेन।

१ थेसलोनिकि 3:12

ङीइ नीङ्‌कायः राप्ओलो लेखा लयःमयःकायःमा सबैकायःमा प्रभुइ न्‍हाङ्‌तोलेः राप्‌तेःताक्‌तेःपै।

१ थेसलोनिकि 4:1

लौ उया पुःचोङ् हौचोङ्‌य परमेस्‍वर्‌कायः म्रोताक्‌ती वाह्‌सा कुरा स्‍यान्‌नेःआलाङ्‌स आने दोङ्‌सीलेः नीङ् ओउःतलेः वाह्‌तेःनै बा। द्याह् प्रभु येसुकायः ङ्‌हाम्‌तेःनानी त झ्‍यान्‍ते “ओउःत न्‍हाङ्‌तोलेः पेतोलेः हायःनु दा” त नीङ्‌कायः ङीइ आन तेती तोनेःनाङ्‌स।

२ थेसलोनिकि 1:3

लौ पुःचोङ् हौचोङ्‌य नीङ्इ ङ्‌हाम्‌सापाय् न्‍हाङ्‌तोलेःतेः ङ्‌हाम्‌तेःनानी। लयःमयःकायः राप्‌सापाय् न्‍हाङ्‌तोलेःतेः राप्‌काय्‌तेःनै ओउःत झ्‍यान्‍ते ङीइ परमेस्‍वर्‌कायः गलमा “च्‍युता” त तोसा खेःनाङी।

१ तीमोथी 5:13

फेरी ओउः मोमःचोःलम् लुङ्‌ह्‌जेःतो स्‍याव्‌ती कीम् कीम्‌ताङ् छ्युह्‌तीलेः आल्‌नै। ओहाङःसै न्‍हाङ्‌तोलेः पेमाःत हायःती ओउःमयः अरुकायः पेमालो कुरा नोःनै।

तीतस् 3:14

ङीकोः मान्‍तालम्इ दोह् दोह् थोक्‌लम् राह्‌तो लेःआः ओउः थोक् दोःताक्‌साकायः काम् पेतो जाङ्‌ह्‌सा खेःइतो। ओउःमयः काम् जाङ्‌ह्‌माःत मुसा स्‍याव्‌ल।

फीलेमोन् 1:6

ङी नाङ्‌कुस् ब्राङःती ङ्‌हाम्ओहाङः “ ‘लौ ख्रीस्‌सै गुच्‍युक् पेओ दोःनाःतय्‍ही’ त चीःपानौ” त दाय्‍ह्‌ती नाङ्‌कायः परमेस्‍वर्‌कः तेती तोनेःनाङ्।

हेब्रैनी 6:12

बाय्‌तो स्‍याव्‌माःत ओउः जुगाङ् गुह्र्माःत ङ्‌हाम्ओलम्‌कः तेःनु। ओउःमयः परमेस्‍वर्‌इ तोती गम्ओ कुरा दोःलेःनै।

२ पत्रुस् 1:2

परमेस्‍वर्‌कायःमा ङीकोः प्रभु येसुकायःमा पेतो तय्‍ह्‌तेःपानी ओहाङःसैको नीङ्‌कायः प्रभुइ आन योनःती योती ल्‍हुङ् धोमाय्‌ताक्‌तेःपै।

२ पत्रुस् 1:3

ओउःकोः काम् जाङ्‌ह्‌ती पेतो वाह्‌ताक्‌सा थेङा परमेस्‍वर्‌इ ङीकायः दोह् दोह् चाहनाः ओउःलेः लयःकोः ग्‍वम्इ बयःआतय्‍ही। ओउःकायः तय्‍ह्आक्‌तीको ङी ओउःकुस् पेओमा ताङ्‌ह्ओ स्‍याव्‌नाःतय्‍ही एत हायःसाकायः ओउःइ गोत्आतय्‍ही।

२ पत्रुस् 2:20

ओउःमयःइ ङीकायः दल्‌ताक्‌सा प्रभु येसु ख्रीस् तय्‍ह्आक्‌तीको ओहाङःसै ल्‍हाव्‍ह्‌दैबाङ्‌कोः रेव्‌ताक्ओ कुरा फेआक्‌तीको फेरी ओउः कुराकायः जाङ्‌ह्‌सा द्यान्‍ह्‌नै त खेःया ओउःमयः ङ्‌हाहाङःसै न्‍हाङ्‌तोलेः पेमालो स्‍याव्‌नै।

२ पत्रुस् 3:18

लौ ङीकायः दल्‌ताक्ओ प्रभु येसु ख्रीस्इ नीङ्‌कायः न्‍हाङ्‌तोलेः बयःती ओउःकोः ल्‍हुङ्‌तुक् चीःताक्‌लेःपै। देङीमा गलकायःमा ङीकोः प्रभु जुगाङ् ताङ्‌ह्‌तोलेः स्‍याव्‌पाः। लौ ओउःतलेः स्‍याव्‌पाः।