२ पत्रुस् 1:7 - चेपाङ

⁷ परमेस्‍वर्‌कायः म्रोताक्ओ कुरा जाङ्‌ह्ओकुस् ब्रक्‌त ङ्‌हाम्ओ पुःचोङ् हौचोङ्‌कायः राप्‌नु ओउःमयःकायः राप्ओकुस् ब्रक्‌त सबैकायः राप्‌नु दा।

२ पत्रुस् 1:7 Iomraidhean Croise

रोमी 12:10

अरु ङ्‌हाम्ओलम्‌कायः लयःकोः पुःचोङ् हौचोङ्‌लो लेखालेः जुगाङ् राप्‌ती मीओ ल्‍हुङ् स्‍याव्‌ती अरुलम्‌कायः “ओउःपाय् ङासै ताङ्‌ह्‌लेःनाः” त म्‍हर्‌न।

गालाती 6:10

ओउःत खेःओ ङी पेतो हायःसा दोःनाःतय्‍ही त खेःया सबै मान्‍तालम्‌कायः पेतोलेः हायःनी ङीकोः ङ्‌हाम्ओ पुःचोङ् हौचोङ्‌लम्‌कायः न्‍हाङ्‌तोलेः पेतो जाङ्‌ह्‌सा बोङःनु दा।

कोलसी 3:14

इ पेओ कुरालम्‌पाय् गाव्‌खे सबैसै पेनाः दाय्‍ह्‌सा। राप्ओ ल्‍हुङ् दोःओखेलेः ओउःपाय् सबैसै पेनाः ओहाङःसै नीङ् सबै जुगाङ् ब्राङ्‌तो खात्‌तोलेः मुतेःनै।

१ थेसलोनिकि 3:12

ङीइ नीङ्‌कायः राप्ओलो लेखा लयःमयःकायःमा सबैकायःमा प्रभुइ न्‍हाङ्‌तोलेः राप्‌तेःताक्‌तेःपै।

१ थेसलोनिकि 5:15

यात्‌चाक्इ नीङ्‌कायः पेमालो हायःतेःनै त खेःया ओउःकायः पेमालो पाय्‍क्‌लाम्। गलकायःमा लयःमयःकायःमा सबैकायःमा पेतो काङ्‌तीलेः हायःनीङ्इसी दा।

हेब्रैनी 13:1

अरु ङ्‌हाम्ओलम्‌पाय् लयःकोः पुःचोङ् हौचोङ्‌लो लेखा राप्‌काय्‌ती मुन।

१ पत्रुस् 1:22

परमेस्‍वर्‌कोः दोङ् कुरा ग्‍याती जाङ्‌ह्‌ती नीङ्‌पाय् नीङ्‌तो ल्‍हुङ् दोःती अरु परमेस्‍वर्‌कायः ङ्‌हाम्ओलम्‌कायः पेतोलेः राप्‌सा खाय्‌तेःनानी ओउःत खेःओ ओउःमयःकायः दोङ् पेतोलेः राप्‌काय्‌न दा।

१ पत्रुस् 2:17

सबैकायः पेतोलेः नोःन अरु ख्रीस्‌कोः ङ्‌हाम्ओ पुःचोङ् हौचोङ्‌लम्‌कायः राप्‌नु। परमेस्‍वर्‌कः एङःती मुन। राजाकोः कुरापाय् पेतो ग्‍यान।

१ पत्रुस् 3:8

लौ उया नीङ् सबैलेः परमेस्‍वर्‌कोः मीक्‌हाङः नाःचोङ् पुःचोङ्‌लेःतेः इ ओउःत खेःओ यातैज्‍याङ् ल्‍हुङ् स्‍याव्‌ती ब्राङ्‌तीलेः मुन। अरुलम्‌कायः योनःती योनु सुकायःमा काङ्‌तो नोःती “ओउःपाय् ङासै ताङ्‌ह्ओ लेःआः” त लयःकायः मीताक्‌ती वाह्‌न।

१ युहना 3:14

लौ ङीखेइ लयःकोः पुःचोङ् हौचोङ्‌कायः राप्‌नाःतय्‍ह्‌नी। एत हायःती “ङी सीसा खेःओ जीङः फेती गलमा द्योक्‌मालो रौ जीङः दोःआतय्‍ही” त चीःनाःतय्‍ह्‌नी। लयःकोः पुःचोङ् हौचोङ्‌कायः राप्‌मालो मान्‍ताखेपाय् रौ जीङः दोःइली ओउःकोः सीसा खेःओ जीङःपाय् मुलेःनाः।

१ युहना 3:16

येसु ख्रीस्इलेः ङीकायः दल्‌ताक्‌साकायः लयः सीसा ग्‍याओ खेःतो ओउःत हायःती झ्‍यान्‍ते “ओउःइ दोङ् पेतोलेः राप्‌नाःतय्‍ही” त चीःनाःतय्‍ह्‌नी। ङीमा लयःकोः पुःचोङ् हौचोङ्‌कायः सीसा ग्‍यासा खेःनाःतय्‍ही।

१ युहना 4:21

इतलेः परमेस्‍वर्‌इ तोआतय्‍ही “सुसुइ परमेस्‍वर्‌कायः राप्‌सा बोङःचनौ ओउःइलेः लयःकोः पुःचोङ् हौचोङ्‌कायः राप्‌पाःथास” त दाय्‍ह्‌ती तोओआः।