२ पत्रुस् 1:12 - चेपाङ

¹² इ दोङ् कुरापाय् नीङ्इ चीःती पेतो ग्रमःतलेः ङ्‌हाम्‌तेःनानी चीःसापाय् पेतोलेः चीःतेःनानी ङाइ ओउः कुरापाय् कोदीङःती तोनेःनाङ्‌स।

२ पत्रुस् 1:12 Iomraidhean Croise

खबरदुत 16:5

एत स्‍यान्‌ती तोतोक्‌हाङः ओउःहाङःकोः ङ्‌हाम्ओलम्इ न्‍हाङ्‌तोलेः पेतो ङ्‌हाम्‌माआकानी दीन्‌का दीन् अरुलम् ओउःमयःकुस् त्‍योम्‌साकायः न्‍हाङ्‌तोलेः पाःती वाङ्‌माआकाय्।

फीलीपी 3:1

लौ पुःचोङ् हौचोङ्‌य प्रभुकायः तय्‍ह्‌ती झ्‍यान्‍ते चोङाय्‌तीलेः मुन। इ कुरा पुछ्युङःती लेखसाकायः सावःङल। इ पुछ्युङःती तोओ कुरापाय् नीङ्‌कायः पेतो चीःताक्‌ती झ्‍यान्‍ते नीङ् ग्रमःत वाह्‌सा खाय्‌तेःनौ।

कोलसी 1:5

“लाङ्‌काहाङः पेओ दोःनाःतय्‍ही” त दाय्‍ह्ओ ओउः पेओ समचार्‌कोः दोङ् कुरा ङ्‌हालेः सायःआक्‌तीको नीङ् चोङाय्‌तो स्‍याव्‌ती झ्‍यान्‍ते ङ्‌हाम्‌मातेःआकानी राप्‌मातेःआकानी।

कोलसी 2:7

नीङ्‌कायः ङ्‌हा स्‍यान्ओलो लेखा ख्रीस्‌कोः ग्‍वम् दोःती क्रोङ्ओ ल्‍हुङ्इ ग्रमःत मुती न्‍हाङ्‌तोतेः पेतोलेः ङ्‌हाम्‌नु दा। गलकायःमा परमेस्‍वर्‌कायः च्‍युता त तोती मुन।

१ तीमोथी 4:6

इ कुरापाय् नाङ्इ अरु ङ्‌हाम्ओ पुःचोङ् हौचोङ्‌कायः स्‍यान्‌तेःनौ त खेःया येसु ख्रीस्‌कोः काम् पेतो जाङ्‌ह्‌तेःनौ। ओउः दोङ् ङ्‌हाम्‌ताक्‌सा कुरा सायःतीमा ओउः पेओ स्‍यान्‌राय् ग्‍याती जाङ्‌ह्‌तीमा नाङ्इ व्‍हाय्‌तोलेः वाह्‌सा खाय्‌तेःनौ।

२ तीमोथी 1:6

ओउःत खेःओ ओउः परमेस्‍वर्‌इ बयःओ ग्‍वम्‌लेः सबै काम् जाङ्‌ह्‌साकायः गम्उ दा। ओउः ग्‍वम्‌पाय् ङाइ नाङ्‌कःहाङः क्रुत् झाम्‍ह्ओ बेलाहाङः दोःतेःआ।

हेब्रैनी 10:32

द्याह् ख्रीस्‌कोः कुरा ङ्‌हा चीःओ दीन्‌लम्‌पाय् गीलनु। ओउःनम् दीन्‌लम्‌पाय् अरुइ आनतेः लीह्‌सीःओ बयःतेःइतो ओउःत हायःओ नीङ्इ ग्रमःतलेः गोरःतेःआकानी।

हेब्रैनी 13:9

ओउःत झ्‍यान्‍ते नया थेथे स्‍यान्ओ कुरा सायःआक्‌तीको परमेस्‍वर्‌कोः दोङ् कुरा फेलाम्। दोह् दोह् भोस् जेःओ बेलाहाङः जेःओ लेःआः ओउः जेःधार्‌नाखे खेःल परमेस्‍वर्‌इ योनःती बयःधार्‌नाखे ङीकायः ल्‍हुङ् ग्रमःतलेः ङ्‌हाम्‌ताक्‌नाःतय्‍ही ओउः भोस्‌कोः जेःगा जेःती जवओलम्‌पाय् ओउःत हायःधार्‌नालेः दोह्‌मा दोःइली।

१ पत्रुस् 5:10

ओहाङःसैको नीङ्इ बल लीह्‌सीःओ गोरःआक्‌तीको लोने परमेस्‍वर्‌इ नीङ्‌कायः योनःती योती पेतो ल्‍हुङ् क्रोङ्‌तोलेः ङ्‌हाम्‌तेःताक्‌तेःनै दोह् हायःती दाय्‍ह्‌सा परमेस्‍वर्‌इ नीङ्‌कायः प्रभु येसु ख्रीस्‌कुस् गलकायःमा तोङ्‌ह्‌तोलेः स्‍याव्‌साकायः गोत्‌तेःआकाय्।

१ पत्रुस् 5:12

लौ इ नीङ्‌कायः ल्‍होक्‌सा चेती ङाकोः पेतोलेः ङ्‌हाम्ओ हौ सीलास्इ लेखताक्आलाङः। परमेस्‍वर्‌कोः दोङ् पेओमा सोह् बयःओमा दल्‌ताक्‌सा कुरा छ्यानःती नीङ्‌कायः लुङ्‌साकायः इ मीओ चेती लेखनेःनाङ्‌स। इ कुरा पेतो ङ्‌हाम्‌ती ग्रमःत मुन दा।

२ पत्रुस् 1:13

ङा सीधाङ्‌माःखाहाङः एत कोदीङःती तोसा खेःतो त म्‍हर्‌नाङः।

२ पत्रुस् 1:15

ङा सीआक्‌तीकोमा ओउः कुरा नीङ् म्‍हेःमाःत मुसा खेःतो ओउःत स्‍याव्‌ताक्‌साकायः ङाइ आन बोङःनाङः।

२ पत्रुस् 3:1

लौ ङाइ राप्ओ मान्‍तालम्‌य इ चेतीकुस् ङाइ नीस्‌ज्‍योःलेः लेखनेःआलाङ्‌स। “ओउःमयः ङ्‌हा चीःओ दोङ् छय्‍ङ्ओ कुरापाय् ल्‍हुङ्‌हाङः गीलताक्‌सा खेःतो” त दाय्‍ह्‌ती ओउःनीस् चेती लेखनेःआलाङ्‌स।

२ पत्रुस् 3:17

लौ उया ङाइ राप्ओलम्‌य इ कुरा चीःतेःनानी ओउःत झ्‍यान्‍ते धय्‌ती मुन। ओहाङःसैको रेव्ओ काम् जाङ्‌ह्ओलम्इ पेमालो कुरा स्‍यान्‌ती नाङ्‌कायः ब्रःताक्‌सामा दोङ् कुरा ग्रमःतलेः ङ्‌हाम्ओकायः फेताक्‌सामा खाय्‌तेःइली।

१ युहना 2:21

नीङ्इ दोङ् कुरा तय्‍ह्‌माःत झ्‍यान्‍ते लेखनाङ्‌सल। खेःल नीङ्इ दोङ् कुराखे तय्‍ह्‌ती झ्‍यान्‍ते माःओ कुराखेकायः “दोङ् कुरा खेःल” त चीःतेःनानी ओउःत झ्‍यान्‍ते लेखनेःनाङ्‌स।

२ युहना 1:2

दोह् हायःती दाय्‍ह्‌सा ओउः दोङ् कुरापाय् ङीकोः ल्‍हुङ्‌हाङः तेन्‌छ्याङ्‌मा मुलेःनाः गलकायःमा मुनाः।

यहुदा 1:17

ओउःमयःखेइ ओउःतलेः हायःनानी लौ ङाइ राप्ओलम्‌य नाङ्‌खेइ ङीकोः प्रभु येसु ख्रीस्इ छ्युङ्‌ह्ओ ल्‍होक्ओमयःलम्इ तोओ कुरा द्याह् गीलती मुन

यहुदा 1:3

लौ ङाइ राप्ओलम्‌य ङ्‌हापाय् ङी सबैकायः गत हायःती दल्‌ताक्‌नाःतय्‍ही त लेखसा ल्‍हुङ् रोती बोङःङोतो ओउः बेलाहाङः “अरु कुरामा लेखसा खेःतो” त म्‍हर्‌आलाङः। दोह् हायःती दाय्‍ह्‌सा परमेस्‍वर्‌इ यातै पेन्‍ह्‌हाङःलेः ङ्‌हाम्ओलम्‌कायः बयःओ ङ्‌हाम्‌राय् कुराकायः नीङ्इ दोङ्‌ह्‌तोलेः तानःकाय्‌सा खेःतो।

यहुदा 1:5

नीङ्इ ङ्‌हा चीःओ कुरा ङाइ पुछ्युङःती तोनेःनाङ्‌स। उय्‍ह्‌लेहाङः प्रभुइ लयःकोः मान्‍तालम्‌कायः मीस्रा देस्‌सै वानःती दल्‌ताक्आथास। ओउःमयःकायः दल्‌सापाय् दल्‌ताक्‌थासतो ओउःमयःकःहाङः सुसुइ लोने ओउःकायः ङ्‌हाम्‌सा ग्‍यामालो खेःतो ओउःमयःकायःलेः प्रभुइ लोनेः वाय्‌ताक्आथास।