२ पत्रुस् 1:1 - चेपाङ1 ङा सीमोन् पत्रुस् त तोओ येसु ख्रीस्इ छ्युङ्ह्ती ल्होक्ओ नोकरीइपाय् इ चेती सबै ङीलो लेखा पेतो ङ्हाम्ओलम्कायः लेखती ल्होक्नेःनाङ्स। एत अरुसै जुगाङ् दोःमालो ङ्हाम्ओ ल्हुङ्पाय् ङीकोः ओजायः जय्कुमःओ परमेस्वर्इमा ङीकायः दल्ताक्ओ येसु ख्रीस्इमा आन पेतो हायःती दोःताक्आतय्ही Faic an caibideil |
२ पत्रुस् 1:1
40 Iomraidhean Croise
फेरी ओउः नोःराय्इपाय् मान्तालम् गत हायःती परमेस्वर्कोः मीक्हाङः पेतो नीङ्तो स्याव्सा खाय्नानी त छ्यानःलेःनै। ङ्हाहाङःमा लोनेमा गलकायःमा मान्ताइ ङ्हाम्ओ त खेःया ओउःपाय् नीङ्तोलेः स्याव्ती स्याक्लेःनै दोह् हायःती दाय्ह्सा “सुखेलोइ ङ्हाम्नानी ओउः मान्तापाय् ङ्हाम्धार्नालेः नीङ्तो स्याव्नै” त दाय्ह्ओ परमेस्वर्कोः आखरःहाङः लेखती मुनाः।
इ चेती ङा पावुल्इ ङाकुस् दोङ् पेतो ङ्हाम्ओ हौ तीतस्कायः लेखती ल्होक्नेःनाङ्। ङाकायःपाय् परमेस्वर्कोः काम् जाङ्ह्साकायः येसु ख्रीस्इ छ्युङ्ह्ती ल्होक्आताङः। ओउःइ छीह्ओ मान्तालम्कायः पेतो ङ्हाम्ताक्साकायःमा ओउःकोः दोङ् कुरा पेतो चीःती वाह्ताक्साकायःमा परमेस्वर्इ छ्युङ्ह्आताङः। लोने दोःसा गलमा वाय्मालो रौ जीङःकायः ङीइ झाह्तीलेः ल्युङ्ह्ती मुनाङी। इ रौ जीङःकोः कुरापाय् ओउः गलमा माःताक्मालो परमेस्वर्इ उय्ह्लेहाङःसै ङीकायः तोती गम्ओ लेःआः। ओउःइपाय् लयःकोः क्रोःओ बेलाहाङः ओउः कुराकोः नोःराय् छ्यानःआकान्। ओहाङःसैको ओउः नोःराय्पाय् थोल्ह्ती तोसाकायः ङीकायः दल्ताक्सा परमेस्वर्इपाय् ङाकायःलेः बयःती ल्होक्आताङः। लौ तीतस्य ङीकोः परमेस्वर् आपाइमा ङीकायः दल्ताक्सा येसु ख्रीस्इमा नाङ्कायः योनःती योती ल्हुङ् धोमाय्ताक्तेःपाः।
दोह् हायःती दाय्ह्सा नीङ् “गुच्युक् पेतोलेःतेः ङ्हाम्तेःनानी” त दाय्ह्ती वेलःती योसाकायः इ दीन् वाङ्नाः। सुन्लम् युती जीताक्ती योसाकायः मान्तालम्इ म्हेःहाङः काती धाह्ताक्नानी। नीङ्कोः ङ्हाम्ओपाय् मीह्ती वाय्सा खाय्ओ सुन्सै पेओमा झाक्सीःओ लेःआः बा ओउःत झ्यान्ते नीङ्कोः ङ्हाम्ओपाय् लीह्सीःओ बेलाहाङः वेलःती योसा खेःतो। लीह्सीःओ बेलाहाङः नीङ् ग्रमःतलेः गोरःती ङ्हाम्तेःनानी त खेःया प्रभु येसुकोः द्यान्ह्ती वाङ्सा दीन्हाङः नाङ् आन लुङ्ओमा ताङ्ह्ताक्ओमा दोःतेःनै।
लौ नीङ् स्यालःओ थालवःपालम्य ङाइ द्याह् तोचेःनाङ्स दा। ङामा थालवःपालेः खेःमानाङः फेरी ख्रीस्कोः लीह्सीःओ गोरःओ च्यवःओ मान्तामा खेःमानाङः। लोने वाङ्सा खेःओ ताङ्ह्ताक्सा बेलाहाङः ङापाय् ख्रीस्कुस् ताङ्ह्तोलेः स्याव्सा दोःमानाङः। ओउःत झ्यान्ते ङाइ द्याह् तोसा कुरापाय् नीङ्इ सायःनाङ्स दा।
Sanasan