२ युहना 1:3 - चेपाङ

³ लौ परमेस्‍वर्‌ आपाइमा ओउःकोः चोः येसु ख्रीस्इमा नीङ्‌कायः काङ्‌तीलेः योनःती योती धोमाय्ओ ल्‍हुङ्‌मा दोङ् कुरा चीःओमा राप्ओ ल्‍हुङ्‌मा बयःपाःतय्‍ही।

२ युहना 1:3 Iomraidhean Croise

रोमी 1:7

लौ उया नीङ् रोमी सहर्‌हाङः मुओलम्‌य नीङ्‌कायःपाय् परमेस्‍वर्‌इ राप्‌ती लयःकोः मान्‍तालम् स्‍याव्‌साकायः गोत्‌तेःआकाय्। नीङ्‌कायःपाय् ङाइ द्याह् लेखनेःनाङ्‌स। ङीकोः परमेस्‍वर्‌ आपामा ङीकोः प्रभु येसु ख्रीस्इमा नीङ्‌कायः योनःती योती ल्‍हुङ् धोमाय्‌ताक्‌तेःपै।

गालाती 5:6

येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।

१ तीमोथी 1:14

माः रैस ङीकोः प्रभुइ ङाकायः आन योनःती योती ओउःइ ङाकायःपाय् येसु ख्रीस्‌सै दोःओ राप्‌ती ङ्‌हाम्ओ ल्‍हुङ् बयःआताङः।

१ तीमोथी 1:2

नाङ्इ येसु ख्रीस्‌कायः दोङ्‌सीलेः ङ्‌हाम्‌तेःनौ त झ्‍यान्‍ते ङाकोः चोःलो लेखा मुतेःनाः। नाङ्‌कायःपाय् ङीकोः परमेस्‍वर्‌ आपाइमा प्रभु येसु ख्रीस्इमा काङ्‌तीलेः योनःती योती ल्‍हुङ् धोमाय्‌ताक्‌तेःपाः।

२ तीमोथी 1:13

लौ ङाइ नाङ्‌कायः स्‍यान्ओ दोङ् कुरापाय् ल्‍हुङ्‌हाङः सेती गम्उ दा। ओहाङःसैको ओउः स्‍यान्‌राय् चीःती येसु ख्रीस्इ बयःओ ङ्‌हाम्ओ ल्‍हुङ्‌मा राप्ओ ल्‍हुङ्‌मा दोःती पेतो वाह्अ दा।

१ युहना 4:10

माः रैस इपाय् दोङ् राप्ओ लेःआः। ङीखेइ ओउःकायः राप्ओ खेःल ङीइ ओउःकायः राप्‌धाङ्‌माखाहाङः ओउःखेइ ङीकोः रेव्‌झ्‍याङ्‌कोः क्‍युम्‍ह्‌ती वाय्‌साकायः लयःकोः चोःपाय् आङ् ल्‍हाङःती बयःसा थेङा ल्‍होक्आतय्‍ही।

२ युहना 1:1

लौ नाङ् परमेस्‍वर्‌इ छ्युङ्‌ह्ओ मेम्‌साहेप्‌य इ चेती ङा ओउः थालवःपाइ नाङ्‌कायःमा नाङ्‌कोः चोःकायःमा लेखती ल्‍होक्‌नेःनाङ्‌स। नीङ्‌कायःपाय् ङाइमा सबै अरु दोङ् कुरा ङ्‌हाम्ओलम्इमा राप्‌नेःनाङ्‌स